رشيقات طووول السنه ( 27 ) مبرووك لطاطس & ماشاء الله &
مبروك الجزء الجديد يارب يكون فاتحة خير والبنات اللى قربت من المثالى تخلص وتحصل طاطس
مبروووك لطاطس على دخولها التثبيت
الله اكبر
عاوزين نشد حيلنا اكتر مش بحب اقول علشان مناسبة كذا او كذا لكن ميمنعش ان رمضان قرب ( ايه دى اتجنت والا ايه ) لأ لسه بعقلى بس الايام بتجرى وحنلاقى شهر رمضان الكريم وصل ومضطرين نزود اكلنا حبه ونطلع على الميزان نلاقى روحنا زى مااحنا نفس وزن السنه اللى فاتت او يمكن نقص حبتين او مع البعض زايد
طيب ليه منستعدش من دلوقتى ونعمل خطه طويلة المدى ونمشى فيها براحتنا بدل ما نجرى ونلهث على الريجيمات الضاره السريعه الملعونه
الاخت حنونه لفتت نظرى لحاجه مهمه كنت واخده بالى منها وقلتها قبل كده لكن زى ما تقولوا يأست
لكن نقولها تاااانى
الخضاااااااااااااااااااااااااااااااااااااااااااااا ر ومعاه الفاكهه
كلى خضار طازه او مسلوق ( سوتيه ) او مطبوخ بزيت الزيتون
اتعودوا عليه زى الميه والهوا وعودوا اولادكم كمان على الاكل الصحيح بلاش الكفته والبرجر والحاجات دى كلوا سناك فواكهههههههههههههههههههه
احنا ستات وبنات لازم نحافظ على صحتنا مش علشانا بس لكن علشان اجوازنا كمان
بعد الريجيم بنبقى شبه العفاريت والعياذ بالله وجه خاسس وعين تحتها سواد وخمول وارهاق ايه المناظر دى
حيروحوا يشوفوا نصيبهم مع بنات شابات نشيطات حلوات من غير هالات سودات ههههههههههههههههههه
الخضار هو سبيلنا الوحيد مع الماء للتخلص من كل الاعراض دى اولا بيمدنا بالفيتامينات تساعد على النشاط والحيويه وتملى المعده وتبعد الامساك وتحمر الوجه فى بعض الخضروات
الحديد وده هام جدااااا لاجسامنا ولدمنا احسن دمنا يخف على الاخر وميبقاش فيه دم تبقى مصيبه هههههههههههههههههههههه
والميه معروفه لنضارة البشره وكمان غسيل للكلى ممتاز وغسيل للسموم بالجسم
ونكمل على ده كله برياضة المشى اللى بتمنع الترهلات وتنسق الجسم ومنها رياضه سهله وبسيطه ورخيصه متوفره لاى واحده فينا حتى ولو كانت فى البيت تمشى رايح جاى زى المجنونه عادى مفيش مشاكل
بكده نبقى مظبطين الدايت تمام ومفيش اى ثغرات
وطبعا قبل ده كله التوكل على الله والدعاء بالنزول بصحه والصبر على الاغراءت
يلا يا بنات اصحوا معايا عاوزين تنافس شديد قوى همه ونشاط مش حقولكم نوحد الدايت لكن التزموا بشروط الحمله حرفيا
مش عاوزه الاوائل هما هما كل مره ( مع احترامى الشديد ليهم وتقديرى ) لكن كده ميبقاش فيه مسابقه كده فيه مجموعه نشيطه والباقى واقف بينهج جنب الحيط
معلش كانت مقدمتى طويله لكنى من فتره متكلمتش معاكم حبيت اعوضكم الاجزاء السابقه
اللى مش قد التحدى والمنافسه ربنا يوفقها وتشوف سكتها مع روحها اللى تقدر تساعدنا وتساعد روحها اهلا بيها نشلها فووووق راسنا جميعااااااا
الكسل ممنوع والزعل مرفوع
ها حتسمعوا كلامى ولا بأذن فى مالطه وبكلم روحى
شروطى الاجباريه :
/1 الالتزام بالدايت 100 % ومفيش اعذار ( اللى حتقول معزومه وخبصت يا ويلها ) لاننا ببساطه ممكن نزوغ باكل كميات قليله فى العزومه والاكثار من السلطه
ولما تروحى بيتك مش تدخلى تتعشى لأخلاص تنامى خفيفه (بشوف بنات بتروح من العزومه تتعشى يا عينى يا جبروتك)
/2 الرياضه كل يوم اقل حاجه نصف ساعه
تمارين
او
مشى
او
على جهاز رياضى
براحتكم
المهم ماتنقص عن نصف ساعه تزودى يبقى خير وبركه
/3 شرب الماء كتير رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ ......
مش عاوزه اعذار ( بطنى اصلها ايه اوبنسى اشرب او الميه بتعمل معرفش ايه ) اتصرفوا بقى اتعودوا عليها حتبقى عادهعندكم
الماء ضرورى للجسم والبشره ونضارة الوجه غير انها بتخرج السموم
الشروط الاختياريه ( بس برضوا اجبارى)
1 - تصوير الميزان وتحميله فى المنتدىووضعه فى الرد
2 - شرب سوائل تساعد على الدايت ( جنزبيل بالليمونجريب فروت او برتقال
شاى اخضر
يا سلام عليه كل على حسب ظروفك وتقبلك للمشروبات ده
نيجى لجدول الانجاز ( معلش البنات اتاخرت فى الوزن )حعمله لما البنات تكمل وانزله
الروابط المفضلة