السلام عليكم
الف مبروك علينا الموضوع الجديد
اعذروني مش هاقدر أكتب الريجيم دلوقتي
انا تعبانة و الله و محتاجة للدعاء
انا فتحت الموضوع
و شكرا لكل من سأل عني
ان شاء الله بكرة ابقي كويسة و ادخل
بس خلي بالكم انا هأسبقكم برضه
ده أنا بيرو

لا تعب و لا سخونية
لا استسلام ولا انهزامية

السمبتيك السمبتيك هيخسوا و يبقوا شيك
لا للأحباط لا لليأس ده احنا هنلبس كل اللبس
تحدي تحدي
هأخس و مين أدي

و اول شعار

انا مش شوال فريك انا بنت حلوة و سمبتيك
باااااااااااااااااي

السلام عليكم ورحمة الله وبركاته
شوفتونى وانا اول واحده ترد
بس بقولوكوا ايه دى طفرة يعنى متتعودوش على كده
المهم يا رب يجعل هذا الجزء بدايه جديدة وجميله على الكل ويا رب بالف صحة وعافيه وسعادة وهنا ورضى وكل الحاجات الحلوة الى فى الدنيا يا رب ويجمعنا ان شاء الله دايما على الخير
بيو
شفاكى الله وعافاكى يا غاليه ان شاء الله تكون افضل بكرة بس المهم الراحه ربنا يكرمك ويبارك فيكى
يلا يا بنات همه ونشاط عايزين نعرف اخبار الميزان ايه
ههههههههههههههههههههه

انا لقيت الرجيم ده عشان المنطقه السفلى


تخفيض المنطقة السفلى
عدد الأيام 30 يوم
الفطورالغذاء العشاء


اليوم الواحد
كوب من اللبن الحليب المنزوع الدسم، أو ثلاثة أرباع كوب نصف
دسم
- تناول أي كمية من الشاي أو القهوة بدون سكر، مع إضافة القليل من الحليب من
الكمية المسموح بها يومياً
- شريحتان من الخبز التوست، مع ثمرة طماطم وخيار، مع علبة سلمون بدون زيت
وكمية من السلطة 100 جرام "بيف برجر" منزوع الدسم، خضر، قطعة خبز مستدير
أسمر
سمكة" تراوت" مشوية، أو مطهوة بالبخار محشوة، مع وحدات من الجمبرى وسلطة
175 جراماً من شرائح كبد عجل صغير "بتلو" مطهو، مع بصلة صغيرة وخضر
75 جراماً من شرائح لحم "بتلو" مع خضر
دجاج مطهو، كرات - ثمرة ليمون هندى "جريب فروت"
- قطع من الشمام
- مرق دجاج منزوع الدسم
- كوسة محشوة بالجمبرى
يمكن تناول نوع واحد من الفاكهة يوميا

قائمة الممنوعات
الأسماك الدهنية مثل سمك الماكريل والرنجة والسردين
والقراميط والثعابينالمارجرين أو الزيت أو شحوم الحيوان، وكل الطعام
المحمرلحم الضأن أو أي دهون على اللحم

قائمة الممنوعات الزبد والقشدة واللبن والحليب الكامل الدسم والجبن عامة، ما
عدا الجبن القريش، وصفار البيض كل أنواع المكسرات واللب أيضاً مثل الشيكولاتة
والتوفى والكيك والبسكويت والجاتوه

يعتمد تخفيض المنطقة السفلى من الجسم على ممارسة الرياضة مثل المشي وتخفيض
الدهون في الجسم ويأتي ذلك بالتوقف الكامل من تناول الدهون لفترة طويلة يمكن
البدء بتجربة تغيير نمط الأكل بدون دهون لفترة شهر كامل لتلاحظي الفرق

بيرو شكرا انك فتحتى الموضوع الجديد وانتى تعبانه
ومره تانيه بعد الشر عليكى التزمى بالراحه وابعدى عن غسيل السجاجيد وانتى تبقى زى الفل وخلى بالك من مؤمن حبيبى وشفاكى الله وعفاكى
وبعدين احنا نطول تسبقينا يا قمر

مبرووك الجزء الجديد يا بنات معلش بقالى كام يوم ما دخلتش غصب عنى العياااال

الف سلااامة عليكى يا بيرو ربنا يشفيكى وترجعلنا بسرعة

شعاار الفريك ده فقر بتنكتى وانتى عيانة يا شيخة ههههههههههه

بنات الميزان بكرة عاييزين نتايج حلوة

صباح الخير علي احلي سمبتيكات
مبروك علينا الجزء الجديد
ويارب نكون كلنا خاسيين النهاردا
انا هاوزن دلوقتي واقولكم

بنات انا وزنت
ولقيت نفسي نزلت


2 كيلوووووووو
يعني بقيت 96 ونصف
الحمد لله
فينكم يا بنات
مختفين ليه تعالوا بشرونا

صباح الخيرات والموضوعات على السمبتيكات
الف مبروك علينا الموضوع الجديد
بيرو الف سلامة عليكي يا جميل وحشاني والله جداااااااااا
دودو ازيك يا جميلة وحشاني اوي
هند شكرا يا عسل على الرجيم انا برضه عندي الجزء السفلي هو المشكلة
ندى وحشاني اخبارك ايه واخبار كتاكيتك ايه في الامتحانات ربنا يعينك عليهم يارب
توتا ازيك يا جميل عاملة ايه على فكرة شعار الفريك دة كان اول شعار لينا وكان جايب نتيجة حلوة اوي مجرد ما الواحد يتخيل كلمة شوال بيتحمس على طول عشان يبعد عنها
دعاء مبروك يا عسولة على النزول الف مبروك وعقبال كل اسبوع ان شاء الله

فطارى / قطعة جبنة +1 طعمية + نصف رغيف أسمر
غدا ان شاء الله / 2 بيضة مسلوقة + سلطة + رغيف سن
انا يا بنات ماشية على الرجيم كويس ان شاء الله لغاية انهاردة وهوزن بالليل ان شاء الله وهقولكم
وعلى فكرة انا عملت شريط وزن جديد فيه بس الهدف الاول وهو اني اكسر الـ 100 وابقى 99 عشان يحمسني وان شاء الله لما اوصل هعمل شريط جديد للهدف التاني وهو 89 وهكذا .... وهعمل لنفسي مكافأة كل ما اوصل لهدف
صحيح انا مش عارفة هي ايه لسة بس ان شاء الله هفكر فيها عقبال ما اوصل لهدفي
وربنا يوصلنا كلنا ان شاء الله لكل اللى بنتمناه

ازيك يا ايمي وحشاني
الله يبارك فيكي يا قمر ان شاء الله توزني النهاردا وتكوني خاسه كتير
بس المفروض يا ايمي الوزن يكون الصبح اول ما تصحي
ان شاء الله توصلي لهدفك بصحه وعافيه