السلام عليكم
ازيكم حبيباتى واحشنى جدا و الله
معلش انا مشغولة شوية عنكم
باحاول اخلص المنهج مع بنتى
بس مشغولة و باحاول افضى نفسى من مسؤلياتى عشان افضى ليارا بنتى خلاص امتحانها بعد 3 اسابيع
و ابوها مسافر بعد اسبوعين
و امتحان بنتى التيرمين مرة واحدة فعقلي بجد مش معايا
و انا و الله نفسى اتابعكم بس صاحب بالين كداب
و الله انا وقفت دروس بناتى و دروس القران هاوقفها شكلى كمان مع محفظتى
و لا فايقة اعمل رياضة و باحاول احافظ على هدوء اعصابى بشتى الطرق عشان ماوترش البيت و زوجى
عموما انا بادخل و ابص عليكم بين فترة و التانية
و دعواتى لكم ربنا معاكم
يوفق البنات و يرزقهم بالازواج الصالحين اللى يصلحوا حالهم و يسعدوهم
و يعطى كل محروم من الولاد زى ما يحب و يسعدها هى و زوجها
و يشفى مرضانا و مرضى المسلمين
و يحفظ المسلمين فى شتى بقاع الارض
و ينصر اخواتنا و احبابنا فى سوريا الغالية عاجل غير اجل و يرينا فى الطاغية اية
و يرحم اخواننا هناك يارب و مانسمع عنهم شر يارب
و ادعولى ربنا يهدينى و يهديلى زوجى و بناتى و اياكم و سلام
و على موعد باللقاء باذن الله
بحبكم فى الله
الروابط المفضلة