بعتذر عن تأخيرى فى فتح جزء جديد جهاااازى بااااايظ 
هنا بأذن الله بنكمل مشوار تحقيق هدفنا اللى وعدنا بعض على الوصول اليه
يلا بنات مابقى شىء على عيد الاضحى كل عام وانتم بخير
مش نفسكم تكونوا فى لووك جديد امام الاهل والاقارب والاهم امام نفسك
جاهدوا مع نفسكم , قاوموا , زودوا الحماس وانظروا دايما لكل رشيقه عرفت توصل لهدفها ( بعد قول بسم الله ماشاء الله مش عاوزين نموتها هههههههههه) وشوفوا هي وصلت ازاى وليه هى احسن منك وعرفت توصل وانتى لسه بتشتهى اكل يضر بصحتك وكمان جيبك ههههههههههه
وليه حتفضلى طول عمرك شايله حمل وزنك الزياده على اكتافك وركبك وعظمك
تخيلواكده كل واحده فينا لو حسبت وزنها الزايد حتطلع شايله : يا طفل عمره 7 سنوات او جدى او معزه ممكن كمان يبقى خروف وكله ده على جسمها ازاى تقدر تمشى وتتحرك وتشوف شغل البيت يااااااااااااه حد فى الدنيا يقدر على كده احنا ليه ساكتين على نفسنا ومستحملين الوزن الزياده ايه الجمال فى كده ليه متبقيش شايله غير نفسك و بس
يلا بنبدأ بدايه جديده وقويه والحمد لله الجروب كله بنات متعاونه وبتشجع بعض يبقى فاضل ايه تانى غير ارادتك واصرارك وقبل كل ده توكلى على الله واعقدى العزم ان مفيش اكله او اى حاجه حتقف امام تحقيق حلمك اللى بتتمنيه
حنكتب الشروط تانى علشان دايما نفتكرها والبنات الجديده تعرفها
اولا الاجبارى الالتزام 100% بالدايت ( مفيش سماح المره ده او معلش معزومه كل ده مش حيمشى معايا 
) المشى 4 ساعات فى الاسبوع قسميهم براحتك ( اللى مش ناويه تلتزم بالشرط ده متدخلش احسن 
) شرب الماء كتير ( رايحه جايه تشربى صحيتى من النوم تشربى رايحه تفطرى اشربى تتغدى اشربى تضحكى اشربى الخ الخ الخ عاوزاكم بالونات ماااااااااااء )
الميزان كل عشر ايام ( مفيش تزويغ )
ثانيا الاختيارى
تصوير الميزان وتحميله فى المنتدى ووضعه فى الرد
شرب سوائل تساعد على الدايت ( جنزبيل بالليمون جريب فروت او برتقال 
شاى اخضر يا سلام عليه 
) كل على حسب ظروفك وتقبلك للمشروبات ده قياس ( البطن - الارداف - الخصر ) مره كل شهر
زدت عليهم اللى حيزيد وزنها حتكتب فى التوقيع ( انا دبدوبه كبيره ) بالبنط العريض
وكمان لكل مجموعه قائده تشجعهم وتحمسهم وتكون قدوه ليهم
حنختار كل كام يوم واحده مننا تحكى تجربتها مع السمنه والسبب اللى خلاها تبدأ ريجيم ودايت عاوزين نفيد بعض واعتقد ان مفيش اكتر من التجارب الحقيقيه تقدر تشجعنا وتعرفنا ان مفيش مستحيل بأذن الله
قصة الاسبوهع حتحكيها الرشيقه مهااااااااااا
بعتذر عن قبول مشتركات جديدات العدد فوق الكامل بمراحل ( ربنا يزيد ويبارك )
شعار الاسبوع وهو ( من تأليف ندى )
قبل العيد حنخس وحنلبس كل اللبس
رشيقات طووول السنه ( 12 )
الروابط المفضلة