ذات يوم باغتنى اولادى بسؤال لاول مره اسمعه منهم
ليه مابتحوليش تخسى ياماما؟؟؟؟؟؟
فلم اهتم
فصرخو فى وجهى
انتى لازم تخسى
فانتبهت وسالتهم ليه؟
انا كده كويسه
ثم القو بالقنبله فى وجهى وقالو
لانك لو ما خستيش بابا هايتجوز عليكى
بمنتهى البرود واجهت مايقولونه وقلت
لقد كبر على الزواج ثم ان العشره والود اللى بيننا يمنعانه من الزواج و00000000 الخ الخ
فصرخوا فى نفس واحد
فوقى بقى ياماما بابا فعلا هيتجوز عليكى
هنا احسست بالخطر الحقيقى وان لدى الاولاد مايخفونه
لم يمهلونى للسؤال وانفتحو كما حنفية المطافى قالو ان والدهم على علاقه بشابه فى مكتبه بدليل انه لايخفى اعجابه بها
سالتهم وما ادراكم؟
قالو
سمعناه اكتر من مره يحدثها فى التليفون ويهمس لها قائلا ياغزال
فتطلعت فيهم فى زهول وقلت
غزال0000000 امال انا ابقى ايه ؟؟؟؟؟؟؟؟؟
قالو
لامؤاخذه ياماما حضرتك سيده قشطه
انتى لابد تخسى فى زمن قصير والابابا هايطير منك ومننا!!!!!!!!!
اخذت افكر
وكيف لى بانقاص وزنى بسرعه هل اقطع من جسدى بالحته ؟؟؟؟؟؟؟
لو تطلب الامر لسوف افعل ولا ياتى اليوم الذى ارى فيه زوجى وقد دخل على بعروسه صغيره ورشيقه
يانهار مش فايت
داانا كنت اطب ساكته-بعد الشر طبعا-
لهذا قررت التخسيس ولكن مايكون
وعشت الحلم الوردى وانا ارى نفسى وقد اصبحت مثل غصن البان وارتدى بنطلونات جينز واستريتش وباديهات
وبينما انا فى الحلم الوردى خانتنى دموعى فانهمرت من عينى كالشلال
انا صحيح تخينه لكن حلوه وجذابه واتمتع بخفة ظل يحسدنى عليها الجميع 000000
اه يانارى بس لما اشوفه هااقول له
انا تخينه يا مسلوع ياللى بتبص من خرم الباب بعينيك الاتنين
ثم ايه حكاية البت المفعوصه اللى عاوز تتجوزها
وهنا ترددت لان اولادى حلفونى الا اخبره وان اخوض المعركه بهمه وان اركز فقط على التخسيس
وفى اليوم التالى كنت فى عيادة طبيبه شهيره متخصصه فى التخسيس فى اقصر فتره ممكنه
صارحتها بالسبب ان زوجى هيفلسع منى
ببساطه شديده قالتلى اطمئنى هاتخسى فى الاسبوع 3 كجم وناولتنى ورقه الاكل 00
خس-جرجير-خيار-حتة لحمه واحده او حتة فرخه اوسمكه بدون خبز لارز ولا مكرونه ولا سكر ولااى حاجه حلوه ولا حرشه مع ضرورة السير لمدة ساعه يوميا
انصرفت واتبعت النظام بدقه وصرامه لمدة شهرين الى ان شعرت بالرشاقه والخفه وانضبط قوامى كنت اشعر بالسعاده الغامره على وجه اولادى وابوهم الذى نظر الى بتفحص وقال
فاضل شويه وتبقى غزال
هو قال غزال من هنا وعينك ماتشوف الا النور
بتقول غزال يا بصباص يابتاع الستات رايح تحب واحده قد عيالك انا هافرجك بكره البس استريتش وبادى واخليك تموت من الغيره والحسرهذهل الرجل مما سمع وقال
مين قال الكلام ده ؟؟؟؟؟؟؟
انا عمرى مااحب عليكى
انتى حياتى دا انتى روحى بنت مين دى اللى هاتجوزها فشر وانتى برقبة ميت ست وبنت
يا ست الستات
انا طبعا بدات استعيد ثقتى بنفسى وبكل تعالى قلت له
امال ايه الكلام اللى انا سمعته عنك ؟
قال بلهفه
والله العظيم ماحصل مين اللى قالك كده بس منه لله
قلت لهلا ماتدعيش على حد
مقاصيف الرقبه ولادك شافوك وانت بتغازلها فى الشغل
فنادى عليهم وسالهم امامى فقالو
يابابا احنا كنا عاوزينها تخس عشان صحتها واصله بصراحه لما كانت بتمشى معانا كان اصحابنا بيبصو ويضحكو
نظر الى وقال
شفتى انا مظلوم ازاى؟
انا عمرى ماابص لغيرك
قلت له انا باحسب
والتفت لمن كانو سبب عذابى وحرمانى مما لذ وطاب من الطعام وقلت ابقو قابلونى لوخسيت 0
الموضوع قراته عجبنى جدااااااااا وحمسنى جدا
لانى صراحه ماكنتش واخده بالى خالص من حكاية ان ممكن اولادى يجى يوم ويتكسفو من شكلى
والنقطه دى بجد اثرت فيه جدا وحمستنى انى اكمل لحد ماوصل لشكل يرضينى ويرضى زوجى واولادى وكمان انفع نفسى بصحتى
ايه رايكو فى القصه
وياترى لو عرفتى ان زوجك ماتفرقش معاه حتى لو كنت سيده قشطه هههههههههه وماعتقدش ان فيه زوج كده هاتحافظى على اللى وصلتيله علشان السببين التانيين صحتك وفرحة اولادك وافتخارهم بيكى ولالا؟
ياريت ياجماعه مانسبش نفسنا لحد مانوصل لمرحله ازواجنا يقولو ربنا يرحمنى من كيلوات الزبدة السايحه اللى فى البيت ويرزقنا غزاله من تلك الغزالات بدل من الفيل صديقى
ولا اولادنا يقولو ياسلام لو كانت دى ماما
اتمنى تكون القصه عجبتكو وحمستكو زىى
رد مع الاستدلال
بمليون جنيهة 
كتبت بواسطة لـــمـــووو
الروابط المفضلة