كيفكم يا حلوين
والله يبارك لكم في بقية الشهر الكريم
ويعتنقنا من النار
***
خلوكم معاي في موضوعي بس إللي عندها خبرة وجربت في إزالة الشعر بالليزر
تكفون الله يخليكم طمنوني ووجهوني أش أصلح فيما بعد والله المستعان في كل شيء
تعالوا أحكي لكم الحكاية من أولها :
أنا صلحت إزالة الشعر بالليزر عند أخصائية جلدية للجسم كامل ماعدا العورة ,وبس للحين جلسة أولى وفاتتني بقية الجلسات لوجود بعض الظروف في نفس المواعيد
وقلت يمكن خير والحمد لله
المهم يابنات طبعا طبيعة شعر جسمي خفيف جدا لكن مشكلته أنه يبين ولازم اشيل بحلاوة وهو صغير إذا شلته بحلاوة يوجع مرة وماينشال كله
تعبت مرة
انتبهوا انا قلت ان شعر جسمي وبري بس يبين ولازم أشيل لازم أشيل لأنه يبين
ويخفي لون جلدي حاجة بسيطة
فقط المنطقة الحساسة ومنطقة الأبطين هذي واعتقد عند الكل كثيفة ومسببة
حالة نفسية
وأنا على فكرة على وشك زواج بعد شهرين تقريبا
وحدة من زميلاتي شجعتني وقالت بدل ماتشيلين كل شوي خذي ليزر وترتاحي بعدين
وهكذا بس تشيلي بعد كل ستة اشهر تقريبا على حسب الكلام المعروف عن الليزر إن الشعر يظهر بعد ستة أشهر أو أقل - أكثر على حسب الشعرة
رحت وصلحت الجلسة الأولى
وبعدين دخلت على العم قوقل علشان أتأكد من الأثار السلبية إللي يتركها الليزر ماحصلت شيء غير شيء واحد سبب لي قلق فظيع وحالة نفسية وربي
إنه ماينفع للشعر الخفيف الوبري لأنه بيرجع أكثر بعد مدة وطويل
وأنا سويت في أماكن الشعر فيها مايبان أبدا زي الرقبة والصدر والظهر
خفت بقوة بقوة لايظهر أكثر وأروح فيها
بس أش اصلح بقية جسمي تعبني رغم خفته بس لازم أشيل ساعدوني بقي علي جلستين أو ثلاث أكمل ولا ما أكمل ومين جربت الليزر على شعر خفيف
لاتقولون حلاوة قسم تعبتني حتى على الشعر الوبري في منطقة الفخوذ واليد والعضد والبطن صعب أخلي هذي المناطق دون شيل لأني لو لبست قصير بيبين معي ولو كان خفيف فاضطريت أشيله بالليزر ..والجلسة الأولى كلفتني كثير
وطلع الشعر بصراحة بعد شهر ونص وانبسطت بقوة من هذي النتيجة
ورجع بعدها زي أول لأنه لازم أكمل علشان يختفي ويرجع بعد عدة اشهر
وسألت الدكتورة قالت لي لاتخافين عادي هو على حسب الشعرة يمكن تطلع يمكن ماتطلع والله أعلم من نيتها وخبرتها رغم إن المركز مشهور بالكوادر الممتازة فيه
الله يعتق رقابكم من النار انصحوني وجهوني مرة خايفة وورايي زواج
انتظر إجاباتكم على جمر
ألف شكر ودعوات للي تساعدني
رد مع الاستدلال
كتبت بواسطة مدام انجي
الروابط المفضلة