ازيكوا يا جماعة انا هقولكوا مشكلتى ويااااااااااااااريت تردوا عليا

انا استعملت ماكينة الشمع لإزالة الشعر وحلوة وعجبانى بس اول مرة استعملها تحت الابط لسة من امبارح ومن ساعتها احمرار شديد والتهاب وكمان ورم خفيف وبيحرقنى جامد لدرجة انى مش عارفة اعمل حاجة غير انى ارفع ايدى و جربت احط زبادى او خيار مش بستحمل الحرقان ومش قادرة خالص


لو سمحتوا اللى تعرف وصفة تقولى بسرعة لانى بجد بتألم كتير

الف سلامه يا جميل وخلي بالك الشمع ممتاز بس النوع اللي بيتسخن بالماكينه اسمه Soft wax أو Hot wax مش مناسب دايما للمناطق الحساسه بس ممتاز للأرجل أو الذراعين ...بيفضل الHard wax (يشبه الحلاوه عندنا بس تركيبه مختلفه ) أو السويت أفضل و أفضل كمان للمناطق الحساسه لأنها عجينه ومبتحتاجش تكون سخنه .
أنا رأيي أبعدي تماما عن الوصفات حتى لو كانت طبيعيه (مواد طبيعيه كتير بتسبب حساسيه باردو ) أنزلي دلوقتي اشتري مرهم Hydrocortisone 1%
ده فيه كورتيزون بس بتركيز بسيط لعلاج الألتهبات دي، وده كلام واحده من عائله ليها تاريخ سئ مع أنواع نادره من الحساسيه و ألأكزيما ... ممكن لغاية ما تروحي لدكتور تستعملي مرهم أو كريم Panthenol من أنتاج شركة النيل للأدويه ملوش أي أعراض جانبيه نه فيتامين B5وبيستخدم لمليون حاجه ومبستغناش عنه ، منه كمان لجنوبانثين فيه مخدر خفيف تخفيف الألم بس أظن هيروكورتيزون مفعوله أقوى , أنا جربته آمن تماما ، و ديه صورة بانثينول ، النوعين فيهم مرهم (لايتأثر بالمياه ) أو على شكل كريم (يزال بالماء )




بس عموما لو مرتحتيش عى الكريمات أذهبي للطبيب فورا و الف سلامه حبيبتي ....

نسيت صحيح ،أنا أعرف ان الورم الخفيف في المنطقه ديه بعد الأزاله ساعات بيحصل بسبب التهاب في الغدد الليمفاويه ( على فكره حصلي قبل كده أنا وواحده صاحبتي بسبب أزالة الشعر بالشفره ولأن المنطقتين دول قريبين جدا للغدد الليمفاويه ) وبيحصل كتير للرجاله اللي بتحلق دقنها لأن غالبا بيحصل جرح بسيط و تنتشر بكتريا للغدد الليمفاويه على الرقبه ، أنا باردو مش طبيبه بس ده اللي سمعته من أكتر من طبيب ويا ريت حد متخصص يراجع كلامي ...

ساعتها الصيدليانيه وصفتلي مرهم فيه كورتيزون + مضاد حيوي ، عشان يقضي على البكتريا أو الفيرس وفي نفس الوقت يعالج الألتهاب ، هوه للأسف ضايع من عندي دلوقتي بس أفتكر أن أسمه فيوسي -كورت أو فيوسي زون وهوه مشهور انه علاج للحالات ديه قول للصيدليانيه على المشكله وهيه حتديكي المرهم الصح وبالتوفيق

شكرااااا ياقمر انا هجرب الكريم دا وهشوف لانى بجد مش قادرة استحمل الحرقان اول مرة تحصلى

ما شاء الله عنك يا مشمشه الله يجزيك كل خير حياتي

أخجلتم تواضعنا يا مدام أنجي المهم هنا تكون بخير وتطمنا عليها ....

مشمشة انا جبت بانثينول واستعملته والحمد لله الموضوه هدى شوية بس يارب مايحصلش اسمرار وشكرا ليكى ياقمر

الف سلامة عليكي يا هنا

سلامتك و الله يكون بعونك

أنا كمان بصير معي هيك بروح لحالو بعد 3 أيام أو شوي ما تخافي