بسم الله اخواتي الحبيبات
كانت اكبر مشكلة بتقابلني هي السليوليت لاني مليانة شوية
بس انا طويلة وعريضة فكان جسمي حلو بمعني اخر ملفوف بس السليوليت ده كان مجنني وماكنتش عارفة اعمل معاه ايه
واخيرا لاقيته عارفين يا بنات الروول الاسترتش اللي بنلف بيه الاكل فبل ما نحطه في التلاجة
كل يوم الصبح اجيب الروول ده طبعا بعد ما جوزي ينزل هههههه
والفه علي رجلي جامد وما اخليش هوا يدخل ليها
وبعدين البس بطلون استرتش لاميه
واشوف حياتي اليومية من تنظيف وطبخ وخلافه يعني حوالي ساعتين تلاته
وبعدين ادخل الحمام افكه الاقي رجلي كلها ميه وفيها حاجة زي العجين الخفيف امسك الليفة المغربي وافرك في حركات دائرية كويس جدا وبعدين اخد دش عادي بالماء والصابون
فضلت علي كده حوالي شهر يوم اعمل ويوم لا لحد ما تقريبا اختفت وجسمي بفي احلي من الاول مية مرة لان الفرك بالليفة خلي الجسم كمان حاجة تانية
ويارب اكون افدتكم معلش طولت عليكم
الروابط المفضلة