لو سمحتوا عندي طلب الله يعينكم تحملوني
انا واعدة حماتي اللي في الجامعة وبنتي الصغيرة انه لخلصت حماتي من الاختبارات بنوديها الرياض ، و أنا بيني وبينكم أحب أسواق الرياض بس ودي أعرف أحسن الأماكن فيها مو بس الأسواق
الأسواق و أماكن التمشية للأطفال وغيره
ومحلات الألعاب لا تنسونهم

حياك الله يالغاليه

بنسبه لمجمعات الرياض ماشاء الله عدي واغلطي وكلها جدا راقيه
خذي الاسماء

اولا ً الفيصليه وفيها دور خاص للاطفال والعاب الاطفال يعيشك بجو ثاني ورائع جدا ً
ثانيا اسواق المملكه جميع الماركات فيها وفيه دور كبير خاص فقط للنساء وفيه تجدين خبيرات المكياج وممكن تجربين اي شي ببلااااش وهم الي يسونه لك بعد
ثالثا عندك الاندلس سوق كبير وفيه اشياء كثيره خاصة الاقمشه والجزم ونتي بكرامه واسعاره تقريبا حلوه
واذ تبين الرخيص والجلابيات وخلافه عندك طيبه

بنسبه للملاهي فيه ملاهي الخيمه وفيه عالم الطفل وفيه الحكير وكلها حلوه

عموما اتمنى لكم قضا اروع الاوقات وان شاء الله تلحقون على مهرجان الجنادريه بعد

تحياتي

أضيف
العثيم مول
صحارى
هذي أسواق.....
المرسى كمان حلو تروحون تتغدون فيه خصوصا بهذي الاجواء

العليا مول : احد الاسواق الجديده فى الرياض ويتميز بالفخامة .

مجمع شركة التعمير : فى وسط الرياض وهو مظهر حضاري يجمع بين الاصالة فى الماضى والحاضر . وتكمن اهميته بانه جوار اسواق شعبيه وبه بعض مرافق الترفيه .

العقارية : سوق كبير وفخم خاصة وانه قد تم توسيعه قبل فترة ويتميز بالفخامة واعتدال الاسعار.

مجمع الناصر : سوق صغير الحجم مخصص فقط للعوائل ويحوى العديد من الماركات المعروفه وهادئ جدا وفخم.

وغالبا معظم هذه المجمعات تحوى اماكن ترفيه للاطفال ولكن حتى يتم تغيير النمط من هذا النوع الترفيه للاطفال فيوجد فى الرياض منتجعات ترفهيه فى منطقة "الثمامة" وارجوا بان لا تفوتك فهى حقيقة جميله وراقية وتلبي رغبات العوائل .

بضيف مجمع العروبة بلازا......................
وو الاندلس زي ماقالوووووووووو............................وفي مول جديد جمب العروبة كمان حلو وتلاقيه قدام المملكة
واذا حبيتي البخور وهاي الشغلات (المعيقلية)
ومثل ما قالو الاخوات الاندلس والفيصلية والمملكة

هلا اختي الغيورة على الدين

حبيت ازيد لك عندك اسوق الموسى سمعت ان فساتينها حلوه

والاخوت ما قصروا قالو وفوا

أخواتي الله يجزاكم خير ما تقصرووووون
تعبتكم معاي
أنا اللي سبق رحتهم إلى الان
طيبة ، الفيصلية ، صحاري ، الأندلس ، العقارية ، عمر بن صديق ، طريق الطفل ، لغز الطفل ، النمر ، المجد ، الهرم، الموسى ، زهار
لكن الباقي ما قد رحتهم والمرة الجاية ان شاء الله أروحهم ، وخصوصاً الثمامة ، العثيم مول و(المملكة ان رضى زوجي ) .
ووششششششششششششششكرا مرةو ثانية




نسيت شي المطاعم ترى انا ما اعرف إلا مطعم ماما نورة وناخذ منه سفري بعد

أنا لست من أهل الرياض لاكن أروح الي الرياض في الاجازات
الاسواق الاخوات ماقصرو
المطاعم :عندك مطعم الدلفين حلو مره بس غالي مرة
مطعم داجن للوجبات السريعة
مطعم ماريز حلو مره وفيه قسمين الدور الارضي للوجبات السريعه الدور الثاني للوجبات المتنوعه
وأسعاره معقوله جدا
مطعم الطازج للوجبات السريعه
وهذي الي أذكرها الان ....وكلها فيها أقسام للعائلات

اختي الغالية :

الاخوات ماقصروا ..


لكن نصيحة من اخت محبة لك في الله :


الفيصيلية والمملكة ..لاتذهبي اليهم يعني حطي عليها ( X )...لأنك سترين من المشاهد المخزية

والتبرج الفضيع ..الذي

تشمئز منه النفس .......


فلا تتركي فرصة للفتاة التي معك او زوجك ان يشاهدوا مثل تلك المناظر ..

عبايات مخصرة , نحور ظاهرة , البعض كاشفات للوجه ...والمكياج صااااااااارخ والبقية لثمة

وبراقع ومكياج عيون كم كيلو !!!!!!!

ولعلمك عزيزتي :

على كثرة ذهابي للرياض الا اني لم افكر ولو للحظة واحده الذهاب لهذه الابراج , ويكفي ان

رجال الحسبة (الهيئة ) ممنوعين من دخولها ..حسبنا الله ونعم الوكيل .


الاماكن البديلة كثيرة جدا ..ذكرتها الاخوات حفظهن الله

بالنسبة للمطاعم :


شيزان ( مطعم هندي ) الاكل اللي عندهم لذيذ بشكل , ماشاء الله كل طبق احلى من الثاني


ومطعم ابو كمال ..كمان اكلهم شهي جدااااااا