بسم الله الرحمن الرحيم

اللهم صل على محمد و آله الطيبين الطاهرين

السلام عليكم و رحمة الله و بركاته

اخواتي العزيزات ... هذي اول مشاركة لي في قسمكم و يا ريت ما تردوني في سؤالي .. و انا اعرف انكم دايم تكرمون الضيف

المهم انا يطلع لي شعر قوي و اسود في قسم من خدودي و في ذقني و فكرت اني اروح اعمل ليزر و استفسرت عن الاسعار و كل شي تمام بس يوم سألت الموظفة كم جلسة يبي لي عشان يروح او يخف قالت : الليزر هذا تظلي تسويه طول حياتك بس هو يخف من وحدة للثانية و بعدين تكلمت مع قريبتي في الموضوع و قالت لي انها تكلمت مع اكثر من وحدة يسوون ليزر و قالوا لها انه بمجرد ان تتركه و تروح تحف في الصالون يرد يطلع لها مرة ثانية غامق و قوي

و الحين انا محتارة وايد يعني انا موفرة كم فلس عشان الليزر يعني ما بقدر ادفع له طول عمري و ثانيا انا ما احب اني اكون رايحة جاية على العيادة

فيا ريت انكم تشوروا على اسويه ام لا ؟ لأني اذا ابغي اسويه عشان يخف الشعر بس اذا ما يروح عشان لما اروح احف في الصالون ما يألمني مثل كل مرة

ساعدوني الله يفرح قلوبكم و يقضي حوائجكم بحق هذا الشهر الفضيل

وعليكم السلام ورحمة الله

بعرف صديقة لي سويت ليزر بوجهها وصار الشعر خفيف كتير.
أعتقد الموضوع بختلف من فتاة لأخرى حسب نوع بشرتك ونوع الشعرة اذا سميكة ام لا.

ان شاء الله الاخوات يفيدوك اكثر

شكرا اختي كيرلي على الرد بس اللي بغيت اعرفه هل اقدر اترك الليزر اذا صار الشعر خفيف و استعيض عنه بالحف بالخيط او لازم على طول اروح اشيله بالليزر ؟؟؟