طريقة جديدة لازالة الشعر ب( براون سيلك بيل)
ازيكم يا بنات وكل سنة وكلكم طيبين
حبيت اقولكم الاول ان موضوعى مش منقول يعنى انا اللى كاتباة وعن تجربة
كلنا طبعا مضطرين ف الحر دة نتعامل مع السويت وطبعا كلنا عارفين السويت بتسيح ازاى وتبهدل الدنيا حتى لو انتى حطاها قدام التكيف
وساعات كتير مكنتش بكمل بسبب انى قرفت منها
المهم انهم زى ما بيقولوا ان الحاجة ام الاختراع
كلنا طبعا او اغلبنا عندنا سيلك بيل
وعارفين انها قطعتين قطعة للايد والرجل (اللى بتنتش الشعر)
والقطعة التانية للمناطق الحساسة(حلاقة)
وبينى وبينكم القطعة التانية دى كنت بستعملها تحت الباط وطبعا الاماكن التانية بس مكنتش بقتنع بالنتيجة بحس بعدها انها مش ناعمة وبتشوك وحتى الشعر بيظهر اسرع بعد كدة وزى ما كلنا عارفين ان السويت ف منطقة تحت الباط والمنطقة الحساسة عذاب وبالذات ف الحر وبتسيح
المهم انا بقى جربت طريقة جديدة شوية
ارتحت معاها جداااااااااااا وبتدى نفس نتيجة السويت
بس طبعا على انضف
يمكن هاتستغربوها
بس والله والله انا جربتها واصحابى بدائوا كمان يجربوها بعد ما قولت لهم عليها
وارتاحوا معاها اوى
لدرجة انى النهاردة كان قدامى المكان اللى بشترى منة سويت وكنت هاشترى خلاص لآن اللى عندى خلص بس لاقتنى بقول لنفسى لآ مش محتاجاها خلاص
الطريقة بقى يا بنات هى انك تستعملى القطعة الخاصة بالايد والرجل اللى هى القطعة اللى فيها ملاقط
ايوة هى دى والله مستغربوش
جربوها كدة تحت الباط وف المنطقة الحساسة
هتلاقوها هى نفس الطريقة اللى بتشتغلى بيها ف السويت
الاتنين معتمدين على نتش الشعر
بس وانتى بتستعمليها شدى دراعك لفوق وابعديها شوية عن ايدك يعنى يا دوب تنتش الشعر من بعيد
ونفس الموضوع ف المنطقة الحساسة بس المهم تبعديها عن جلدك وتنتش من بعيد
وبعد كدة اساسا المنطقة بتتخدر من كتر الشد يعنى نفس نظام السويت
يعنى السويت بتنزع الشعر والطريقة اللى بقولكم بتنزع برضة بس على انضف
والله واللة بتدى نتيجة احسن من السويت
والمفجاة بقى يا بنات
انى حسيت ان الشعر مرة ف مرة بدأ يخف من المنطقيتن
وكل اصحابى اللى جربوا طريقتى قالوا لى نفس الشئ معاهم
المهم المنطقة تكون نشفة كويس
يارب اكون قدرت افيدكم ويا ريت تدعوا لى ربنا يتمم جوازى على خير يا رب
واى حد يحي يسأل ف حاجة انا موجودة
الروابط المفضلة