السلام عليكم ورحمة الله وبركاته
صباحـ \ مسـاء الخير عالكل
خواتي اسمحولي اكتب اول موضوع لي هنا بالعاميه عشان توضح الفكره
انا مريت على موضوع الاستفتاء حق سواد المنطقه بالصدفه والله العظيم شاهد على كلامي والله خير الشاهدين ومستحيل اشهد الله على كلامي وانا كذابه
لان المنتدى كان بمفضلة اختي ودخلت عالمنتدى بعد بالصدفه وقريت الموضوع
وتأثرت منه حيل
حبيباتي اقتداء بقول الرسول الكريم صلى الله عليه وسلم بما معنى الحديث ( حب لاخيك ماتحب لنفسك )
وبعد بما معنى الحديث (اذا انا اسعدت مسلم بالدنيا يسعدني الله بالاخره )
المهم يابنات
انا عروس وطبعا من بداية خطبتي وانا صايره حقل تجارب للخلطات لحد مالقيت ضالتي
والف حمد وشكر لك يارب
وشوفوا يا بنات انا ما اعرف ولا وحده منكم لكن من فضل ربي علي اني احب ارسم البسمه والرضاء على كل وجه
وما ارتجي من الله الا التوفيق ولا ارتجي من عباده الا الدعوه الحلوه
شوفوا يا بنات بعلمكم خلطتي الرائعه ورب هالكون رائعه والله العظيم ما احلف كذب
انا ما راح استفيد من تصديقكم لي ولا شي
لا انا اللي ببيع الخلطه عليكم
ولا اللي باخذ منكم هديه عليها
والله العالم اني ما بعلمكم اياها الا للاجر وفرحة المسلمات
اول شي بعلمكم بمميزات الخلطه
- طبيعيه
- تستخدمينها بعد الشيل مباشره ما تأثر ابدا
-تستخدمينها على اطفالك وعلى كبار السن مالها تأثير سلبي عليهم
- تستخدمينها بأي وقت وأي كميه وكم مره باليوم اذا بغيتي مرتين او ثلاث مرات مالها تأُير سلبي
تستخدم عالمناطق الحساسه وعالجسم يعني من رقبتك الين رجولك واذا كان وجهك مايتحسس من الجليسوليد حطيها انا خالتي تحط على وجهها مسحه خفيفه قبل النوم
- لونها ابيض يعني ما تشيلين هم انها تطبع على ملابسك
- مالها ريحه يعني ماتشيلين هم ريحة ملابسك او مفرشك
- تستخدمينها بعد الحمامات المغربيه والتحكيك والساونا ماراح تسبب لك حسسيه او احمرار او حكه
- خلطه امنه 100%
- راح تحسين بأختلاف لونك للأفتح بعد استخدامك لها من اسبوعين الى ثلاثه لكن بأنتظام
- تقدرين تعبين علبه سعنونه وتحطينها بشنطتك اليدويه عشان تدهنين يدينك كل ماتنشف ماراح اي احد يلاحظ انك حاطه خلطه لان مثل ماقلت مالها ريحه او لون
- تنعم الجسم وتخليه زي البيبي
بعد هالمميزات اكيد تحمستوا على الخلطه
واحب اقولكم ان هالخلطه استخدمها انا وامي وخواتي وخالاتي وحتى خواتي يحطونها لبناتهم الصغار(5-6سنوات) يعني امنه ومضمونه
نجي الحين للخطه
المطلوب فيها
نصف كاس موية ورد
نصف كاس بودة بيبي جونسن
علبة جليسوليد كبيره <<<< الاحمر
4 او 5 ليمونات معصووووووره
اخليطهم سواء وحطيهم في برطمان ودهني منها كل منطقة بجسمك كل منطقة و كل يوم
ولنتائج افضل
تحممي بصابونة الغار او الصابون المغربي السائل اللي كأنه معجون تلاقونه عند العطارين
امنه يابنات اللي تستخدمها وتلاحظ نتيجه امانه تكتب لي هنا النتايج انا واثقه من خلطتي
وارجع اقول اني وربي اللي خلقنا جميع ما ارتجي منكم الا الدعوه الحلوه الله يوفقكم جميع
واللي تصير معها الخلطه اووووووووووكي لا تحرمني من الدعوه بليز
الروابط المفضلة