انشاء الله هتجوز في القاهرة ومش عارفة ايه الكوافيرات الكويسة او محلات فساتين الزفاف او الاتيلهات الكويسة انا محجبة وكنت عاوزة اماكن شيك وفي نفس الوقت متكونش سعرها اوفر ياريت تساعدوني
للبحث في شبكة لكِ النسائية:
|
انشاء الله هتجوز في القاهرة ومش عارفة ايه الكوافيرات الكويسة او محلات فساتين الزفاف او الاتيلهات الكويسة انا محجبة وكنت عاوزة اماكن شيك وفي نفس الوقت متكونش سعرها اوفر ياريت تساعدوني
اهلا بك اختي و الف الف مبروك زواجك و الله يتمم لك بكل الخير
و اكيد بنات مصر الامورات ما راح يبخلو عليك باي مساعدة
السلام عليكم يا بنات
والله انا كمان عندى نفس المشكلة فرحى قرب ومش عارفة اروح اى كوافير ولا عارفة اجيب الفستان منين
بالله عليكم يا بنات اللى تعرف معلومة ما تبخل على اخواتها بالنصيحة
السلام عليكم اختي
مبروك عليكي الزواج ياقمر ربنا يتمم ليكي علي خير
بالنسبه للفستان في سنتر كبير في ش الهرم بس والله مافكره اسمه خاص بفساتين الافراح هو مشهور هناك
اما بالنسبه للكوافير
انا عملت في شبكتي عند واحد في عباس العقاد اسمه(مسيو اسامه ) بجد طلع روعه
بس معرفش سعره يناسبك وله لا ؟هو في الخطويه ب800ج والزفاف ب1000
يارب اكون افدتك
[
[/CENTER]
مبروك ياقمر بصي اولا كوافيرات في سنتر في شارع العشرين بفيصل هايل اسمه " عادل المصري " عنده واحدة مخصوصة للعرائس المحجبات بيطلع عرائس قمرات جدا وعنده ابتكارات جديده بس لازم تحجزي قبلها انا كنت عايزة اروحه ساعة كتب كتابي بس كنت خايفة اتأخر عشان كنت محكومة بوقت معين وكنت خايفة من زحمة فيصل وأسعاره حلوة اوي اوي آخر مرة سمعت بياخد تقريبا 450 ج بس والله تحفة - بس انا روحت عند كوافير في المنيل اسمه "ستايل " صاحبته مدام أمل انا مش عارفة هتاخد منك كام لأنها معرفة وكرمتني اوي في السعر - هي بتستخدم ماركات غالية اوي وليها ذوق حلو انا ساعتها قولتلها مش عايزة حاجة تقيلة والحمد لله طلعتني حلوة اوي هي في الروضه " المماليك "لو عارفة سوبر ماركت مترو عنده صينية هي في الشارع الي يمين الصينية _ ع العموم انتي ممكن تروحي تشوفي الكتالوجات في المكانين - بالنسبة للفساتين انا صراحة روحت السنتر الي في الهرم وبصراحة وحش موووووووت في مكان في عباس العقاد اسمه اتيليه ابداع "اسامة العشري " عنده حاجات حلوة - بس بصراحة انا مش بحب التأجير - لو شراء في محل اسمه مالبي في ميدان الأوبرا عنده حاجات شيك وكل الأسعار - وفي كمان محل جوجو ع كورنيش المعادي اسعاره بتبدأ من 4000 - انا بصراحة بفضل التفصيل لأنه وسط بين الاتنين انا اعرف مصمم ازياء لبناني في ابراج عثمان بالمعادي تقريبا برج 92 الي فيه شركة ايفون بصي اسعاره حلوة جدا عملت عنده فستان كتب كتابي حلو اوي وقالي ياخد ع فستان الفرح حوالي 500 جنيه يعني حسب الموديل بصي هو بيطلع الموديل زي الصورة بالظبط ممكن تشوفي الكتالوجات عنده او تطلعي صور من ع النت - ع فكرة عنده بنت بتاخد المقاسات بس اسالي عليها- معلش ياجميل طولت عليكي بس حبيت افيدك بكل المعلومات الي اعرفها لو احتجتي حاجة تاني قوليلي
الأخت نونا من فضلك ممكن تبعتى الرد بتاعك تانى من غير صور علشان مش عارفة أشوفه كله وبالذات أول 4 سطور
معلش لو كنت هتعبك
مبروك ياقمر بصي اولا كوافيرات في سنتر في شارع العشرين بفيصل هايل اسمه " عادل المصري " عنده واحدة مخصوصة للعرائس المحجبات بيطلع عرائس قمرات جدا وعنده ابتكارات جديده بس لازم تحجزي قبلها انا كنت عايزة اروحه ساعة كتب كتابي بس كنت خايفة اتأخر عشان كنت محكومة بوقت معين وكنت خايفة من زحمة فيصل وأسعاره حلوة اوي اوي آخر مرة سمعت بياخد تقريبا 450 ج بس والله تحفة - بس انا روحت عند كوافير في المنيل اسمه "ستايل " صاحبته مدام أمل انا مش عارفة هتاخد منك كام لأنها معرفة وكرمتني اوي في السعر - هي بتستخدم ماركات غالية اوي وليها ذوق حلو انا ساعتها قولتلها مش عايزة حاجة تقيلة والحمد لله طلعتني حلوة اوي هي في الروضه " المماليك "لو عارفة سوبر ماركت مترو عنده صينية هي في الشارع الي يمين الصينية _ ع العموم انتي ممكن تروحي تشوفي الكتالوجات في المكانين - بالنسبة للفساتين انا صراحة روحت السنتر الي في الهرم وبصراحة وحش موووووووت في مكان في عباس العقاد اسمه اتيليه ابداع "اسامة العشري " عنده حاجات حلوة - بس بصراحة انا مش بحب التأجير - لو شراء في محل اسمه مالبي في ميدان الأوبرا عنده حاجات شيك وكل الأسعار - وفي كمان محل جوجو ع كورنيش المعادي اسعاره بتبدأ من 4000 - انا بصراحة بفضل التفصيل لأنه وسط بين الاتنين انا اعرف مصمم ازياء لبناني في ابراج عثمان بالمعادي تقريبا برج 92 الي فيه شركة ايفون بصي اسعاره حلوة جدا عملت عنده فستان كتب كتابي حلو اوي وقالي ياخد ع فستان الفرح حوالي 500 جنيه يعني حسب الموديل بصي هو بيطلع الموديل زي الصورة بالظبط ممكن تشوفي الكتالوجات عنده او تطلعي صور من ع النت - ع فكرة عنده بنت بتاخد المقاسات بس اسالي عليها- معلش ياجميل طولت عليكي بس حبيت افيدك بكل المعلومات الي اعرفها لو احتجتي حاجة تاني قوليلي
مارديتيش ليه ياقمر عملتي ايه ؟
مبروك للعروسة وعقبال كل البنات
الاخت NANAAA ممكن تبعتيلي على الخاص نمرة مدام أمل عشان انا كمان إن شاء الله هاتزوج قريبا وعايزة كوافيرة في المنيل او المعادي عشان تكون قريبه
الروابط المفضلة