السلام عليكم ورحمة الله وبركاته
ازيكم يا بنات انا فرحي كمان شهرين (عقبالكوا جميعا ان شاء الله) ومحتاره مش عارفه اروح عند اي كوافير وايه احسن حد في المنصورة ممكن اروح له
ياريت اي حد يعرف حد كويس يفيدني جزاكم الله خير
للبحث في شبكة لكِ النسائية:
|
السلام عليكم ورحمة الله وبركاته
ازيكم يا بنات انا فرحي كمان شهرين (عقبالكوا جميعا ان شاء الله) ومحتاره مش عارفه اروح عند اي كوافير وايه احسن حد في المنصورة ممكن اروح له
ياريت اي حد يعرف حد كويس يفيدني جزاكم الله خير
بص يا ستى
انا كنت عاملة خطوبتى من حوالى شهرين ولفيت على اغلب كوافيرات المنصورة
افضلهم بيوتى وجنتنياس انا روحت بيوتى بس المكان ضيق اوى اوى هناك
وف الاخر عملت عند جنتنياس المعاملة هناك حلوة اوى والمكان واااااااااااااسع بس لازم تكونى متابعة معاها وهى بتشتغل لك
وعملولى تسريحة وميك اب هناك تحفة ومش متكرر
والكل انبهروا الحمد للة بالميك اب والفستان
لو تحبى تسألى ف حاجة تانى بخصوص الفستان او اى حاجة انا موجودة
والف مبروك يا قمر
وربنا يتمم لك بخير يا رب
jomana
ميرسي جومانا حبيبتي على الرد والله يبارك فيكي وعقبال فرحك ان شاء الله
كنت عايزة اسالك فين بالظبط الكوافير اللي بتقولي رحتي له ده ؟
وانا اسمع عن واحد اسمه جمال حلو ولا لأ؟
وياريت ياقمر كمان لو تعرفي اتيله كويس فيه فساتين شيك ومميزة
معلش هتعبك معايا وشكرا ياجميل مرة تانيه
آخر مرة عدل بواسطة kind_heart2008 : 07-05-2008 في 04:18 PM
لآ بصى جمال تسريحاتة مبقتش اد كدة
انا تقريبا لفيت على كل كوافيرات المنصورة وكنت بطلب اشوف كتالوج بشغلهم
الافضل زى ما قولت لك بيوتى وجونتنياس
جونتنياس هتلاقية ف برج السوسن قدام بيتزا فطومة
انا كنت عاملة شعرى والميك اب ب 450
بالنسبة للفستان
انا كنت جايبة من اتيلية اسمة قصر الملكة ف شارع الترعة كنت مأجرة بنظام اول لابسة الفستان اتكلف بالاكسسوارات حوالى 1100
بس طبعا حاولى تفاصلى على اد ما تقدرى
فى فساتين كانت ب 300 جنية و400 بس شكلهم كان عادى خالص مفيش فيهم اى ابهار
انما فستانى مش عايزة اقولك واللة كان بيبرق ف تصوير الفيديو من كتر الشغل بتاعة
ممممممممممممممممم يا رب كدة اكون جاوبت على اسألتك
ولو عندك اى سؤال تانى يا ستى انا موجودة
علشان انا تعبت ولفيت على كل كوافيرات واتيلات المنصورة علشان اطلع فرحى مميز كدة
تسلمي ياحبيبتي ربنا يوفقك
بصي انا هبقى محجبه بس كده كده هعمل شعري تحت الطرحة
يعني مش مهم التسريحة المهم الميك اب ولفة الطرحة نفسها
أنا أختي كان فرحها من شهرين وراحت عند بيوتي ولحظها هيا كانت طالعه زي القمر بس العرايس التانيين اللي كانوا موجودين يومها كانوا متشلفطين على الاخر
فاتعقدت منه بصراحة
بس كنت عايزة اسالك هو المفروض اروح احجز الكوافير من دلوقتي ولا استنى قبل الفرح بأسبوع.....أنا فرحي ان شاء الله بعد شهرين
وشكرا ياجميل تعبتك معايا
انا بنصح لو عاوزه الجمال والرقه والبساطه وتظهر جمال الطبيعى هير ستايل انا واختى عملنا فيه بجد جميل ده فشارع كلية ااداب اسالى عنو الف مين يدلك انما بوتى وجونتياز شغلهم تقبل اوى وفلاحى خالص والموضوع ازواق انما الفستان كنت جيباه من الكويت وربنا يتملك على خير انا فرحى كمان 6 شهور دعواتكو
يا بنتى حرام عليكى لما يبقى احسن كوافرين ف المنصورة فلاحين امال مين يبقى كويس
بوصىkind
انا حجزت قبلها بأسبوع
عايزة ااقولك على حاجة مهمة اوى
لازم تحسسى الكوافير اللى بيشتغل معاكى انك فاهمة والا هاتعملك اى حاجة
انا لاحظت الموضوع دة
يعنى لو مش ف دماغك هتلاقيهم بيعملوا لك اى حاجة
انما لو متابعة معاة وبتقولى لى هاتعملى اية ولاقاكى مهتمة هتلاقية مهتم بيكى
على عموم ف جميع الحالات قبل ما تحجزى لازم تشوفى كتالوج بشغل الكوافير اللى هاتعملى عندة
وتوضحى لة نوع الميك اللى انتى بتحبية او بتفضلية اكتر
يعنى عايزة حاجة بسيطة خالص ولا عايزة رسم عينين وكدة
انا اخت خطيبى كانت عاملة عند جونتنياس برضة وكانت محجبة وطلع الحجاب عندهم حلو اوى برضة
عايزة اقولك بيعملوا هناك حمام بخار تحففففففففففة
ودة بيدخل ف الحساب اللى بتدفعية اساسا
واى اسألةتانية انا تحت امرك وربنا يتمم لك على خير ياااااااااااااااارب
لوزة ميرسي ياحبيبتي على ردك
جومانا حبيبتي تعبتك معايا ميرسي ليكي
تعرفي الأسعار هناك في حدود كام وحمام البخار سعره كام وبيبقى في نفس يوم الفرح ولا هروحله قبلها
بصى هو حمام البخار دة فجميع الحالات سواء هاتبقى محجبة ولا لآ بيبقى مدفوع تمنة مقدما مع الفلوس اللى بتدفعيها
بس واللة العظيم تحفففففففففة
لدرجة انى فضلت اسبوع مش عايزة احط اى ميك اب بشرتى كانت نضيفة اوى وبيضااااااااااا
انا طبعا سألت على حمام البخار والماسك دة بعد كدة لاقيت انة ب50 جنية بصراحة كتير اوى
بس هاتبقى مناسب ليكى اوى علشان انتى بأذن اللة عروسة
فى هناك كمان مناكير وباديكير تقريبا ب50 او 75 مش فاكرة
اة بالحق هو حمام البخار بيبقى قبلها بيوم تقريبا بتروحى تعملية بالليل ولو هاتعملى صبغة برضة بيبقى قبلها بيوم
وعندهم قسم خاص بالمحجبات
علشان كدة بقولك المكان عجبنى هناك اوى هو يعتبر مركز متكامل لآنة واخد دور كبييييييييييييير ف عمارة
وهتلاقى اوضة مخصوص تلبسى فيها وانتريهات وحمام كبيييييييييير
علشان كدة بقولك عجبنى اكتر من بيوتى
انا واللة بعدها كذا بنت من اللى حضروا فرحى راحوا عملوا عندة
لو كان ينفع اوريكى صور الخطوبة هنا بس انتى عارفة انة ممنوع نحط صور هنا
نسيتك اقولك حاجة
انتى لو هاتتجوزى بأذن اللة ف الفترة ما بين شهر7 وشهر 9
يبقى احجزى من قبلها بأسبوعين لآن الفترة دى بيبقى عندهم زحمة جامدة
انا حجزت قبلها بأأقل من اسبوع لآنى كنت مخطوبة ف شهر 1
عايزة اقولك كمان بالنسبة للفستان اللى تشوفية ويعجبك احجزية على طول لآن زى ما قولن لك هايبقى موسم
ممكن حاجة تعجبك وعلى ما تنزلى تانى يوم تلاقيها اتحجزت
نفس الكلام كمان بالنسبة للنادى او المكان اللى هاتعملى فية فرحك
انا كنت عاملة ف مرشال وحجزت قبلها بحوالى اسبوع برضة لآن اغلب الايام كانت فاضية
اى اسألة تانية اامرينى انا موجودة
جومانا ياعسل ميرسي ياروح قلبي على ردك واهتمامك
انا كنت فاكرة انك هتقولي ان حمام البخار اغلى من كده بكتير الا لو كان قصدك بقى 500 مش 50
ايوة انا فرحي باذن الله يوم 18_7 وبيقولولي لازم احجز من بدري
ميرسي حبيبتي على نصايحك وهروح اسال واحجز من بكرة ان شاء الله
الروابط المفضلة