بناااااااااااات ارجوكم مساعدة
انا بنوته مصريه فرحي ان شاء الله علي شهر 6 اللي جاي
بس انا عاوزه اعرف مكان لتجهيز العرايس يكون حلو ومجرب و سعره معقول
انا رحت ل waves اللي في اخر دور في جنينه
بس بصراحه هو المكان جميل اوى بس المكياج والشعر مش زى مانا كنت متخيله
فاللي تعرف مكان مشابه ويكون بيجهز العروسة تجهيز كامل
يعني سويت وتكييس وحمامات ورد و ساونا مع تجهيزات يوم الزفاف الاساسي تقولي
الله يكرمكم
انا فكرت اروح لمسيو عبدو بس انا عاوز مكان يكون فيه التجهيزات كلها ماحتاجش اروح كدا مكان
لاني بشتغل ومش فاضيه اروح واتفق في كدا مكان
الله يخليكو فيدوني الوقت بيمر بسرعه

والله ياحبيبتى اللى اعرفه ان مسيو عبدو هو اللى ممكن يعمل كل التجهيزات دى حتى سعره بيكون شامل للحاجات دى ومسمعتش عن حد تانى بصراحه عنده كده

ان شاء الله بنات مصر يفيدوك

و الف مبروك مقدما

انشاء الله البنات يفيدوكى والف مبروك ليكى

روحي نورا اللي في السراج مول

ليا صحاب كانوا بيقولوا حلو

ميرسي ليكم كلكم وعقبال اللي لسه متجوزش
وياريت تسالولي تانى وتردو عليه
انا مستنيه ردودكم

اول مرة اسمع عن مسيو عبده وتجيهز قبل الزفاف
كان كل فكري سويت وشعر ومكياج وفقط
جمييييييييل والله منكم نستفيد فين في اسكندرية ممكن الاقي مركز كويس وفي بنات اهم حاجة
ومبارك عليك يا سكر

فينكم يا بنات مصر كده باردو مكنش العشم

انا الى اعرفة ان فى اماكن كتير فى المهندسين بس معرفش الاسعار