الجزء الاول
رغم انى مش كبيره فالسن بس حبيت اقدملكوا خلاصه خبرتى البسيطه فالجمال واقصد بالجمال الجمال الطبيعى طبعا مش جمال الماكياج لآ جمال الاعتناء وده الى وصلنى فيوم من الايام لفوزى بملكه جمال فى مسابقه صغيره كده ووالله مكنت حاطه كيلو مكياج ولا لابسه مشخلع لع لع لع
المهم انا هقولكوا واجرى على الله بس محدش يضحك لو سمحتوا احم احم
اولا للشعر اى نوع ممكن تعمليه لبنتك او ليكى\\\\\عارفين النخاع الى بيكون جوه العضم ايوه بالظبط فضيه كميه حلوه كده وسخنيه لحد ميسيح خالص وقوام وهوه سخن مش بيلسع طبعا حطيه على فروه راسك وادعكى كل حته فيها والباقى صبيه وبسرعه لفيه بكيس بلاستك او بونيه بلاستك وفوقيه كمان ايشارب مهم ان الدماغ تسخن ووجهى على راسك السيشوار الساخن عشان المسام تتفتح وبعدين ااقعدى نص ساعه بس وخدى حمامك واغسلى شعرك كويس مره واتنين وتلاته وبعدين اول متطلعى لفيه طاقيه لاطول فتره تقدرى عليها جوزك مسافر فالشغل يعنى انتى وظروفك والطاقيه دى عشان تفرده بدل متطرى تستخدمى سيشوار وتبوظى شعرك تانى واحنا بنغذيه ..بس كده افرديه بقى وادهنيه خفيف واعيلى والنبى وكررى حمام النخاع الطبيعى مره واحده كل اسبوع فى ظرف شهر ان شاء الله هاتلاحظى فرق الطول والنعومه
ثانيا\\\\\\للبشره اى نوع برده هنعملها حمام بخار ...هاتى حله واغلى ميه ووهيه بتغلى حطى على راسك انتى والحله فوطه تغطى تيار الهوا وممكن كل شويه تبعدى وشك عشان تعرفى تتنفسى بس متخليش تيار هوا يخبط فيكى خليكى مغطيه وشك وممكن تحطى فالميه نعناع او نقطتين لمون مره ده ومره ده وبعد كده دلكى بالفوطه قوى خاصه منطقه الانف حتى تذيلى البقع السوداء الصغيره التى لاترينها ثم ضعى الماسك الطبيعى المناسب لبشرتك هاتلاقى تاثيره اقوى من كل مره مهو مينفعش نحط ماسك على بشره مش نضيفه وبعد الماسك بتاعك اغسلى وشك بميه فاتره فقط بلاش صابون او غيره وادعيلى برده
الماسكات\\\\\\\ برده لكل الناس العسل بالليمون معلقه اكل عسل وكام نقطه لمون وحطيهم لمده تلت ساعه واغسلى بميه فاتره فقط
ماسك لتثبيت الماكياج\\\\\\ اعصرى نص طماطمايه مع نص معلقه صغيره كربوناتو وحطيهم هاتلاقيه نشف وشد الوش ربع ساعه اغسلى بميه بس وحطى الميكاب
شفتى نصايح متكلفش كلها فالمطبخ والى المطبخ نعود ههههههههه
ده جزئى الاول واذا حسيت تشجيع واستحسان هقدملكوا الجزء التانى على طول

روعة روعة ....
شكرا لك .......

تسلمي على الموضوع الجميل ....

حلو مثلك يا حلو يلاه ليش مخبية هالشي

اعصرى نص طماطمايه

ذكرتني بمسرحية شاهد مشفشي حاجة
كل واحد يا خيايارة ولا خذو الخيار كلو و انا آخذ خيايارة وحدة خخخخخ
ربنا يسعدك

ههههههه
زى فيلم عادل امام انتى باكو وانا باكو انتى كيس وانا كيس ميرسى على مرورك
والاخت تيدى بير متشكره قوى بس المهم ااقدر افيد ولو واحده بس

اه الجمال ده
مرسى يا جميلا و منتحرمشششششششش

جميل ان كل الحاجات اللي اتكلمتي عنها وصفات طبيعية وانا جربت النخاع بنفسي وانا صغيرة وكانت نصيحة والدتي وكانت نتجته هايلة ونصحت صديقة ليه بيه من مدة قصيرة عشان تستخدمه مع بنتها وشكرتني جدا بعد ما استخدمته ياريت بقى تبلغينا بالجزء الثاني

ميرسى يا جميل

مشكووووووووووووووووورة

الله يجزيك الخير يا حلوة

رائعة يا تردد جزاك الله الجنة وبارك فيك واسعدك ونورك ..