هل اشتريتي منتجات حراز كانت حلوة جابت نتيجة ورضيتي عنها وكررتيها ؟؟
لو كانت الاجابة بنعم ياريت تقولى لينا عشان كلنا نستفيد
ايه رأيكم يابنات فى الموضوع ده
للبحث في شبكة لكِ النسائية:
|
هل اشتريتي منتجات حراز كانت حلوة جابت نتيجة ورضيتي عنها وكررتيها ؟؟
لو كانت الاجابة بنعم ياريت تقولى لينا عشان كلنا نستفيد
ايه رأيكم يابنات فى الموضوع ده
أنا جربت كريم السمك من حراز للنمش والمناطق الغامقة بالبشرة وفعلا تحفة واستخدمت كريم السعد بس للأسف مش مداومة عليه وباستخدم كمان الزيوت بتاعته زيت الجرجير وجنين القمح والسمسم وحبة البركة وبجد ممتازة وصاحبتى كمان جابت من عنده زيت الحية وبتقوللى انه حلو قوى
موضوع مميز زيك ياسان شاين
انا جربت زيت الحية تحفة بجد
و جربت الاعشاب الخاصة بالتخسيس اسمها سفوف التخسيس كمان حلوة جدا بس طعمها مش ولابد
و جربت حمام العروسة كمان حلو
و الحمام المغربى عمل نتيجة تحفة بس بعد ماعملت ساونا
و طبعا الاعشاب الميرمرية و البابونج و اكليل الجبل من عندهم تحفة لانها اكياس زى الشاى و انظف كثير من السايب اللى كنا بنجيبه من فتح الله
و مامتى جربت اعشاب الضغط و بتقول حلوة
امبارح اشتريت كريم السعد و الصابونة بتاعته و اول تجربة كانت باليل استنى كم يوم و اقولك الاخبار
شيرو يا ريت تبقى تقوليلى نتيجة صابونة السعد لأنى جبتها ومش قادرة استعملها لأن ريحتها صعبة قوى زى صابون الغسيل يا ترى صابونتك كده هى غلافها لونه أورانج هى دى؟
الصابونة اللى مع كريم السعد
قالى الراجل تغسلى بها الاول المناطق اللى عايزة تدهنى بها الكريم و تنشفى كويس
و بعدين تدهنى الكريم قبل النوم
و تانى يوم الصبح تغسلى تانى نفس الاماكن بالصابونة
انا جربتهم امبارح غسلت و دهنت و الصبح غسلت
لسا بقا حجرب يومين كمان و اقول لكم بتعمل ايه
مع انى مش متوقعة اشوف اى نتيجه الا بعد اسبوعين مثلا لما يبدا الشعر يطلع تانى
ربنا يسهل و يجيب نتيجة و اكيد هتلقونى هنا
نسيت اقولكم على حاجة كمان جربتها من عند حراز
الكثيرا البيضا للشعر مع زيت اكليل الجبل
تحفة
و فى بودرة لتبييض الاسنان بس انا جبتها من عنده فى القاهرة بعد يومين بتلاقى نتيجة بس انا مستمرتش عليها
امبارح طلبتها من المحل هنا فى اسكندرية و قالى انه حيطلبها و بعد اسبوع حروح له تانى
يا بنات حلو الموضوع ده قوي بس انا كان عندي سؤال ياريت حد يقدر يجاوبني عليه انا من الفيوم وعندنا فيه حراز برضه بس مش عارفه ده فرع من حراز الاصلي ولا ده مجرد اسم لاني عايزه اجيب حاجات من عنده وعمليه النزول للقاهره بتبقي صعبه كل شويه اللي عندها فكره عن ان ليه فروع في الفيوم او لا او اللي تقدر تسالي يبقي جزاها الله كل خير ومستنيه ردكوا علي
بونبونة
انا سالت فى القاهرة اذا لهم افرع فى حته تانية قالى لا مافيش غير الفرع الرئيسى بالقاهرة
واللى فى اسكندرية دا واحد بيجيب منتجات حراز يعنى موزع مش فرع لحراز
اتاكدى انتى من ان المنتجات من حراز
مكتوب على العلب حراز - باب الخلق القاهرة
و فى بنات فى المنتدى هنا جزاهم الله خير بيبيعوا منتجاته و الاسعار مافيش فيها فرق كبير و بيوصلوا لكل مكان اكيد ممكن يوصلو لك فى الفيوم
شكرا يا شيرو يا جميل
وجزاك الله كل خير
الروابط المفضلة