تعالوا استفيدوا من تجربتي يوم زواج اختي
بصراحة بعد جرعة التشجيع اللي عطيتوني إياها وفيت بوعدي و جبت لكم تجربتي قبل زواج أختي:
قبل زواج اختي بأسبوعين قررت أستعمل برنامج لبشرتي عشان أصير جميلة الجميلات يوم العرس(كالعادة ما نتذكر غن بشراتنا محتاجة للعناية إلا إذا قربت المناسبة!!!!!)
اشتريت برنامج كامل و بديت فيه لكن بدأ وجهي يتقشر و أرهقت بشرتي جداً و وقفته قبل الزواج بأسبوع لعل القشور تروح لكن ما راحت!!
حتى لما سويت فتلة قالت لي الكوفيرة وش هذي القشور قاعدة تتطاير بالخيط!!!
قبل الزواج بيوم رحت لزيارة أحد الأقارب و حطيت مكياج و بعد ساعتين تقريبا كان مكياجي مقطع و القشور طايرة
حزنت و قلت يا بنت الزواج بكرة كيف بالله بيكون شكلك بالمكياج طول السهرة؟؟؟
توكلت على الله و قمت بما يلي:
غسلت وجهي بالمنظف (أنا يناسبني جونسون) و مسحته بالقطن و غسلته بالموية
سويت له صنفرة و ممكن أي صنفرة متعودة عليها
[[/IMG]
بحركات دائرية و مركزة برفق على مناطق القشور المحزنة
غسلت وجهي و سويت له قناع:
[/IMG]
خيار بشرته و حطيته على وجهي و شريحتين كبار على عيوني صح توزيعه صعب لكني تمددت و فرشت تحتي بلاستيك و حطيت على وجهي 5 دقايق بعدين مسحته بمنديل
فوقه حطيت قناع زبادي مع نشاء(دقيق الذرة) تقريبا 3 ملاعق زبادي على ملعقة نشاء و حركيه زين و شكله كذا:
[/IMG]
حطيه بوجهك 10 دقايق او أكثر شوي و بعدين إغسليه و آخر غسلة لوجهي كانت مويه باردة مه موية ورد
جففت وجهي و حطيت تونك لقفل المسام
بعد دقائق دهنت وجهي بطبقة كثيفة من جليسوليد
[/IMG]
طبعا الأصلي الألماني و خلي الطبقة كثيفة و نمت بسم الله حتى الصباح
في الغد كانت بشرتي أحسن بكثير الحمد لله تروشت و رجعت حطيت طبقة جليسوليد كثيفة و شعري ملموم و لابسة ربطة شعر عشان ما يلصق الشعر بالكريم عارفين الجليسوليد يلزق و لا مسحته و لا شئ خلاص شربته البشرة و يوم حطيت المكياج في الزواج عاش معي إلى نهاية السهرة ما طارت منه قشرة وحدة يا رب لك الحمد و لك الشكر...
حبيت أفيدكم بتجربتي و كلي رجاء إنكم ما تنسوني من دعوة صالحة لو نجحت معكم و السلام عليكم
رد مع الاستدلال
الروابط المفضلة