للعاملات فقط لا تزعلون لكم كلكم

**ورد الصبا** · 11-10-2002, 08:23 AM

اذا كنت يا اختي الغالية موظفه حلاتي وما عندك وقت للبيض مع الخيار مع الروب لتنعيم الجلد فشوفي هذي الطريقة اللي جربتها بنفسي وكانت النتييييييييييييييجة مذهلة
لما تستحمين ابدائي بعمل مساج بالسنفرة اللي على المشمش من سويس فورميولا وتنباع بالجمعيات وبكل مكان وبعد المساج هذا واللي تكون فايدته مو بس تنعيم البشرة لاو يحرك الدورة الدمويه بعد ويعيد نشاطك خبرك اللي مثلي راده من الدوام ما فيها قطرة دم ولا تقدر حتى تتكلم المهم واي بموت من هالدوام المهم بعد ما تتحممين بالماء حطي على جسمك زيت جونسن الزيت مو الكريم واذا تبين حطي بداله زيت زيتون يعني كلش مافي خلطي وعجني ونطري بره علشان تنشفين ابدا وحرام تغسلين تكرمين في الحمام علشان النعمة اللي انتي حاطتها على جسمك المهم لما تحطين الزيت لازم يكون جسمك رطب مو تنشفينه بالفوطة وشوفي النتيجة وادعوا لي
احبكم في الله
ونطروني عندي وصفة خاصة بعمل بودرة الجسم من تأليفي بس بتجنن اقولها لكم بعد ما تردون علي هالوصفة

**بنت بلدها** · 11-10-2002, 05:55 PM

ولا يهمك بندعيك

بس وشهي الثانيه ...........وحده طماعه

تسلمممممممين

**ورد الصبا** · 11-10-2002, 06:08 PM

ياهلا فيك حبيبتي

وتستاهلين اقولك عن وصفة البودرة ترى هذي من مخي يعني مو احد قايلي

المهم اهي عبارة عن بودرة جونسن العادية تحطينها في علبة خاصة بالبودرة اللي يكون فيها غطا ويده عليها قطن لتوزيع البودره على الجسم اتمنى انك تفهميني لاني ماني عارفه اوصفه المهم ادري اني طولت
وطبعا اكيد عندك من الاطياب والعطور الكثير فاختاري الطيب اللي تبينه وحطي كم قطرة على البودة وخلطيها وكرري كم مرة لين تبين الريحة معاك وبعدين حطي عليها العطر اللي تبينه بس لما تبخين العطر حاولي تكونين مغطية العلبة بشيئ علشان ما يتطشر البودر وخلطي بعدها وكرري العملية ولا تحاتين ترى راح يصير على البودرة طبقة لينه حاولي انك تخلطينها بس لاحظي انك ما تزيدين بالعطر لدرجة ان البودر يصير مثل العجين وبعدين سكري العلبة وخليها يوم كامل وبعدين قلبي الخليط كل مرة وبعد جذيه راح تدعين لي لما تشمين ريحة البودرة راح تكون روعة واوفر بوايد من البودرات الجاهزة والمعطرة
ها اشرايك باختراعاتي
بس جربيها وانتي تدعين لي
اختك خالدة

**aroma** · 11-10-2002, 09:42 PM

تسلميييين
يا ام الافكار طريقتك مره حلوه

**بشاير** · 12-10-2002, 05:14 PM

أختي خالدة ما قصرتي وكفيتي وفيتي وأن شاء الله بجرب الطريقتين وادعيلج.

**ورد الصبا** · 12-10-2002, 06:19 PM

والله كلكم تستاهلون وانشاءالله بعد افكر لكم في اختراعات جديده تنفعكم كلكم
خالدة

**دلوعه زوجها** · 13-10-2002, 10:05 AM

تسلمين حبيبتي على هالذوق احنا شنو ورانا الا اننا نجرب

**بنت بلدها** · 13-10-2002, 11:22 AM

والله ما قصرتي

بيض الله وجهك

على العموم

تسلممممممممين

**مزن** · 13-10-2002, 11:58 AM

مشكوووووورة يأم الأختراعات انتي
ابسوي الطريقتين و ادعي لك ياالغالية

اختك
مــــــزن

***حلا*** · 13-10-2002, 12:10 PM

مشكوره خالده
طريقتك في البودره رهيبه وموفره
زيدينا من افكارك
الله يعطيك العافيه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: للعاملات فقط لا تزعلون لكم كلكم

أدوات الموضوع

العرض