السلام عليكم ورحمه الله وبركاتهكل عام وانتم بخير
كيفكم يابنات وياستات....
المهم ما اطول عليكم اليوم جايبه لكم خلطه للسواد اللي في اليدين
بس هاه لاتقولون طفشنا ماراح نسويها لأنه بالجد والعمل نحقق الأمل>>>متأثره بالكرتون ههههه
الخلطه بصراحه ماخذتها من وحده اسمها بنت عذارى وبصراحه وصفاتها الطبيعيه مررررررررره حلوه
الخلطه على ثلاث مراحل....المرحله الأولى
ملعقتين ملح+نصف ملعقه ليمون
ندعك بها اليدين وخصوصا الأظافر وبفرشه اسنان عشان نزيل الجلد الميت اللي
يسبب السواد....
المرحله الثانيه
كوب ونصف حليب كامل الدسم
ملعقه اكل زيت اللوز الحلو
ملعقه اكل ورد بلدي مطحون
ملعقه جلسرين سائل
...نحضر اناء يعني نقدر نغمر فيه يدنا كلها نضع الحليب والورد بعد كذا نضعه في المكروييف
لمده دقيقه حتى يسخن وبنلاحظ تغير لون الحليب للون الوردي عشانه تجانس مع بعض
بعد كذا نضيف بسرعه الجلسرين وزيت اللوز ونخلطه بسرعه وندخل اليد فيه...لمده عشر دقايق
بعد كذا ندخله مره ثانيه المكروييف وندخل اليد الثانيه فيه وبنفس المده...وبعدين نغسلها بماء بارد
ثم دافي.....
المرحله الثالثه
ملعقه عسل
ملعقه زبده مذوبه
كبسولتين فيتامينE
وعلى فكره الفيتامين مرررررررررررره مفيد
نخلط العسل والزبده في اناء ونفتح الكبسوله بدبوس او ابره ونخلطها مع بعض
ونوزع الخليط على اليد باطنها وضاهرها
وبعد كذا نلبس قفازات نايلون وعليها قفازات قطنيه ممكن نستخدم قفازات المطبخ القطنيه
او القفازات الشتويه...بعد كذا نجيب السشوار ونوجهه على اليد حتى نحس بحراره
ونجلس كذا مده 20 دقيقه وبعد كذا نغسلها بماء دافي ثم بارد......
وانشالله تكونو استفدتو منها لأن نتايجها مذهله بس استخدموها مره في الأسبوع وادعو لي بالتوفيق
والوظيفه>>>>>>>تعاني من البطاله هههههههههههه
الروابط المفضلة