مرحبا بنات
كل عااااام وانتو بخير وعساكم من عوادة
وبعد غياااااااب طويل لي من المنتدى
اليوم جبت لكم طريقت تنظيف البشره على الطريقه التايلنديه رووووووووعه وطبيعيه وجربتها انا وخواتي واللي قالت لنا عليها وحده تايلنديه بشرتها من جمالها احسها لعبه هههههههههههههه
ونشبت بحلقها الين قالت لي الطريقه
وتقول الطريقه هذي تستخدم للوجه والجسم كلها
بس شوفوا تراني تعبت وانا ادور صور الله يعافيكم اي وحده تدخل ترد علي ولا بنزعل<<<زعول
المهم
الطريقه هذي بقولكم مقاديرها
كركم الجسم
وحليب طازج
وعسل
وكريم مقشر اي نوع بس انا استخدمت المشمش اللي بالصوره
صابونة الورد او الخزامى اللي هو اللافندر
عشبة الخزامى اللي هي اللافندر
[url=http://www.m5zn.com][/url
البابونج
السكر البني او العادي مو مشكله المهم يكون خشن
زيت اللافندر
فقس او الفكس سائل او جامد مو مشكله
ونجي لطريقه الوجه::
نحط ملعقه من عشبة الخزامى وملعقه صغيره من القرنفل وملعقه من البابونج كلهم ملعقه كبيره الا القرنفل وملعقه من الفقس نحط الاعشاب بشاش طبي ونربطه ونحطه بمكاينه البخار لو عندكم ولو ماعندكم نحطه بطنجرة طبخ فيها ماي مغلي ونحط عليها ملعقة الفقس علشان يطلع بخار حاااار ويفتح المسام
تقعدين عشر دقايق وتكونين محضره قبلها ملعقه كبيره سكر وملعقه كبيره كريم مقشر وملعقه صغيره جدا كركم
ونخلطها مع بعض وبعد تعرض الوجه للبخار تحطين على وجهك العسل وتمسحين وتغمسين اصابعك بالحليب وتمسحين علشان يصير لين حركات العسل واذا بشرتك جافه حطي حليب واذا دهنيه حطي ماي ورد على الوجه لمدة خمس دقايق والعسل هذا مع الحليب او ماء الورد يعتبر منضف قوي المفعول
وبعدين تاخذين خلطة المقشر مع السكر والكركم وتفركين فيها الوجه والعنق لحد ماتحسين ان السكر ابتدا يذوب
وبعدين تغسلين الوجه عدل بصابونة الخزامى او الورد وتسوين له مساج بزيت الافندر اللي هو الخزامي وتكون الطريقه هذي قبل النوم الان الافندر يساعد على الاسترخاء وتنقية الوجه ويخليه فيه نظاره
وطريقة الجسم نفس طريقة الوجه بالضبط اللهم انك تدخلين داخل خيمة بخار وتحطين نفس الاعشاب اللي قلت لك بس بكميات اكثر بدال ماتكون ملعقه تحطين ملعقتين
وبعد ماتطلعين وتحطين المقشر تفركين بليفة بودي شوب لانه خشنه وتناسب الجسم وتساعد على التفتيح
وبعدين تغسلين الجسم بنفس الصابونه اللي ذكرتها وترطبين بزيت الافندر بعد
ريحه رووووووووعه ونظافه خيال ونوعومه تجنننننننننن
وبقولكم بعض الاقنعه التايلنديه
القناع الاول ملعقة حليب بودره مع حليب فرش تعجنينها لحد ماتتكون مثل العجينه وتحطينها على الوجه الين تجف (لتفتيح البشره)
القناع الثاني بياض بيضه مع بودرة الارز تعجن وتنحط بالوجه (لتبيض)
لو بشرتك جافه حطي الصفار بدل البياض
القناع الثالث ملعقة زبادي مع القليل من الكركم (لتبيض وتصفية البشره)
القناع الرابع مخلوط الموز مع الحليب (لنظارة وتنفتيح البشره )
ملاحظه هامه
هي قالت لي اغلب التايلندين والاسيوين ياخذون كبسولات الثوم للي مايبون الريحه مره وحده باليوم مع الوجبات لتعطي المراه عمر اطول وتاخر الشيخوخه
وايضا كبسولات الجنسينغ الكل يعرف فوائدها لنظارة وجمال البشره والنشاط
اتمنى ان يعجبكم موضوعي
واي وحده تكتبه رجاء تكتب منقول لاني تعبانه عليه
أختــكـم
بدويه وكلي شموخ
رد مع الاستدلال
الروابط المفضلة