السلام عليكم ورحمة الله وبركاتة...
يابنات انا عاوزة اجيب عدسات لاصقة تكون طبية (نظر) وممكن تكون ملونة فى نفس الوقت وتكون دايمة يعنى تقعد من سنة الى سنة ونصف تنصحونى باى ماركة وبالنسبة للاسعاروتكون مجربة وموثوف فيها وبالنسبة للمحلول الخاص بالعدسات اى نوع افضل واخر حاجة انا لونى قمحى ولو حبيت اجبها ملونة اى لون يليق عليا ويعطينى مظهر طبيعى لحد كبير
انا عارفة انى طلباتى كتيرررر بس انا عشمانة فى اخواتى والف شكر مقدما الى كل من قراء الموضوع ورد او حتى مردش

(1)بصي لو انتى منمصر ممكن تروحى لمستشفي المغربي اواى دكتور عيون يكون ممتاز
(2)اما بالنسبه للمحاليل فهما اتنين احسن شئ (بيرفكت) و(رنيو)
(3)وبالنسبه للون العدسات بما ان لونكقمحى ف العسلي هيكون جميل اوى ولذيذ وكمان الرصاصي بيكون خطير
يارب اكون افادتك.........

حبيبتي ولا يهمك كل طلباتك مجابة انشاء الله

واضح من كلامك انك من مصر وانا كمان مصرية وربنا يسهل واقدر افيدك

بصي يا ستي

اولا انا بلبس عدسات بقالي 10سنين واقدر اقولك ايه الانواع الكويسة اللي تقدري تستخدميها
انا بقالي 4 سنين بشتري العدسات بتاعتي من مركز الغزالي اللي في المهندسين اكيد تسمعي عنه هو مشهور اوي وتلاقيه في شارع جامعة الدول فوق بيتزا هت كل العدسات عندهم حلوة اوي انا من ساعة مابقيت اشتريها منهم وانا والحمد لله مشاء الله مشاء الله والله اكبر (اصل العدسات بتتحسد عندي على طول ) ههههههههههههههه المهم هي جميلة جدا وصحية واسعارهم مناسبة جدا مابين 120:180 جنيه وبتقعد حوالي سنة ونص مدام محافظه عليها وهما هناك بيدوكي محلول هدية على العدسة اللي بتشتريها والكشف بالليزر مجانا بس على فكرة المحلول بتاعهم مصري يعني للاسف مضروب (مش عارفة ليه المنتجات المصرية دايما كسفانا ) هههههههههههههه
بس انت ممكن تدفعي 5جنيه وتاخدي محلول نضيف اوي وعموما من احسن انواع المحاليل عندك "رنيو renew" ده جميل جدا وفي كمان "اوبتي فري opti free" بردو نوعه حلو اوي
بالنسبة بقى لانواع العدسات عندك يا ستي جونسون اند جونسون وتراي كلر دول احسن انواع وهتلاقيهم عندهم وعموما دلوقتي اي دكتور عيون ممكن يجيبلك العدسات بس الميزة في المراكز انك بتنقي اللون وتجربيه على عنيكي لحد اما تلاقي اللي انتي عايزاه
وبالنسبة لالوان زي ماقولتلك انتي لو رحتي المركز بتشوفي كل الالوان وتجربيها الاول على عنيكي قبل اما تشتري وتشوفي ايه اللي يليق عليكي لكن لو عايزة رأيي في الالوان عندك اللون العسلي الفاتح بيليق جدا مع البشرة الخمرية ويبان طبيعي اوي زي لون عدسات اليسا وعندك كمان اللون الرمادي في العسلي بردو خطير انا جربته ورائع جدا وانا خمرية زيك وكل دول منهم الزينة ومنهم النظر يعني هتلاقي طلبك بكل سهولة
اتمني اني اكون قدرت افيدك وانا تحت امرك لو عايزة تسألي على اي حاجة

وأي خدمة

مشكورة اختى لولا 2 على الافادة جزاكى الله كل خير

انصحك بماركه bush&loump
هي غاليه لكن الاحسن..هتكون ب 250 تقريبا
وانصحك بمحلول completحلو جدا لكن غالي.....او ممكن محلول perfct care لو مش عايزاه غالي
القمحي دائما يليق عليه العسلي او الرمادي او الازرق الي جاي على رمادي
ورأيي هاتي عسلي احلى وطبيعيه اكثر

مشكورة اختى henda2006على الافادة وعندى استفسار لو فيها غلاسة يعنى انا معايا الكشف بتاع النظارة ينفع يكون للعدسات ولا العدسات ليها كشف تانى
تانى سوال سعر العدسات الطبية الملونة بيزيد عن الملونة العادية وبكام ؟؟
وبالنسبة للنوعين اللى انتى ذكرتيهم هما دلوا افضل انواع عدسات طبية ملونة وهل السعر بيتضمن المحلول يعنى من الاخر تقريبا كدة الحوار كلة كلة بالمحلول وبكل حاجة تكلفتة كام بالظبط
انا عارفة انى رخمة فى اسالتى بس معلش اعزرينى وربنا يكرمك

مشكورة اختى chicky على التوضيح والنصيحة وانتى مرتاحة الحمد لله فى bush &loump
وبتستعمليها من فترة

أختي hmm842010 اهلا بكي أنا مصرية زيك وعندي خبرة شوية في العدسات وممكن كمان أوريكي صور لمعظم أنواع العدسات وأعرفك عليها من خلال النت وبعدين أجيبلك اللي تحبيه وأوصله لكي لحد باب بيتك إن شاء الله
أنا في المجال ده من فترة ويا رب أقدر أساعدك
بانتظارك تشرفيني على الإيميل
يمنع وضع اي ايميل شخصي

تحياتي

بصي ياقمر انتى سألتى بالنسبة لكشف النظارة ينفع العدسات ولا لأة ؟
أنتى بتكشفى عادى وكأنك حتعملى نظارة عادية جداً بعد كدة الدكتور اللى بتتعملى معاه هو اللى حيجبلك مقاسك فى العدسات وغالبا مابيكون المقاس اقل بنصف درجة عن العدسات العادية بمعنى ان لو نظرك -3.5 العدسة تكون- 3 وطبعا دة مش انتى اللى بتحددية زى ماقولت لك اللى بيحدد دة الدكتور او المتخصص اللى بتجبي منه العدسة.

بالنسبة للأسعار أكيد طبعا النظر العادية سعرها أقل من النظر ملون والأسعار طبعا حسب النوع اللى بتختارية او اللى بينصحك بيه دكتورك.

بالنسبة للألوان طبعا قبل ما انصحك بأى لون لازم تعملى تست لون الأول علشان مش اى لون يليق على اى حد يليق معاكى وعموما لو انتى قمحية الجراى معاكى حيبقى جامد اوى انا بقالى 6 سنين بلبس عدسات منه 4 بستعمل ملون وعايزة اقولك ان دة احلى لون لاق عليا وناس كتير كانت فكرها عنيا.

بصراحة انا مش عارفة انتى منين من مصر فلو كنتى من اسكندرية انا ممكن اسعدك واقولك تروحى لمين تجيبى من عنده العدسات.

مشكورة اختى دعاء على الرد والافادة