اختي نوريتا الله ييسر ليك الامور و يجمع شملك انتي و راجلك
وا ديو معايا حتى انا نمشي عندو لبلجيكا و لا يجي هو و يتجمع الشمل
يااااااااااارب حقق لينا الاماني و حاسبنا على قد نوايانا و لا افتح لنا ابواب الخير و اتنا بالفرج من عندك

أختي Lojain شكرا على الرد ديالك أحبيبة، و الله اجمع الشمل ديالك مع راجلك حتى أنتيا.

الفراق صعيب ياك، خصوصا الى طول.

ابوا الله ايجيب لي فيها الخير.

شكرا على داك الموقع راني كنتفرج فيه دابا، و لكن خسارة حيث أنا ماكيناش ف مراكش و كازال، الى مشا ليه اكتب و قول لينا شنو شاف.

salamo 3alikom
marhba b lbnat jdadat yasmine o basmala o nourita
khti nourita llah isahel 3lik f had 3wacher wi jme3 chmelkom nti o rajlek ana hassa bik o bhalek hit hta ana ila sahel llah f had chhar 11 nkdar nched l visa o nmchi 3ando ya rabii sahel 3lina
haloula chokran a zin 3la lma3louma
lojain tbarkllah 3lika dima katjibi lina ljadid mawki3 ghzal walakin ya khsara b3id 3liya

الله اسهل عليك أختي سارة حتى أنتي.
فين غادي تمشي؟ أنا غاذا ل ايطاليا و خاصني نمشي حتى الكازا بش نشد الفيزا، و لكن كولشي يهون، نطلبو من الله التيسير في جميع الأمور

السلام عليكم بنات بلادي اليوم عندي وصفة سحرية للبشرة للتبييض ونقاء البشرة وازالة الكنف بالحق ما تنساونيش بالدعاء الصفة هي ........^^


^^^^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^
^^^^^^^^^^^^^^^^^^^^^^^
^^^^^^^^^^^^^^^^^^
باسم الله

1صابونة دوف صغيرة محكوكة
غاسول ابيض
زعفران حر
العكار الفاسي
قرعة ماء ورد
نديرو المقادير كلها في قرعة زجاجيه ونتركها لمدة يوم كامل الى ان تتجانس كل المقادير من بعد نديروها على شكل ماسك لمدة نصف ساعة
نحتفظ بالباقي في الثلاجة
ملاحظة
نديروه هد الماسك حتى يوميا ما فيه حتى ضرر
بالنسبة للمقادير 5 دراهم لكل من الغاسول الابيض و الزعقران الحر اما العكار الفاسي فمن الافضل منكتروش منه خصوصا الى مكناش متاكدين انه حر
بالتوفييييييييييق

شكرا أحبيبا ياسمين على الوصفة، و انشاء الله غادي نجربها و ندعي ليك، و لكن الى جربتها و مصدقاتش ندعي عليك؟ هههههههههههه غير كنضحك معاك.

بالنسبة العكر الفاسي موحال واش نلقاو الحر، هذا كان ف زمان جدتي و جدتك .
واش نقدر نعوضو بشي حاجة أخرى؟

كتبت بواسطة halloula

مرحبا بياسمين78 الف الف مرحبا
عتقينا اختي dano بزيت الحلبة الله يرحم الوالدين . كاع ما جاوبتيني على فرموكال واش مجرب جاوبيني الخيية

الزين أنا مازال مجربتها و لكن شفت النتيجة ديالها على واحد السيدة خدامة مع خالتي كانت مسكينة حتى قراعت ولات الجلدة كتبان ليها و مشات عند الطبيب ديال الجلد و خرج ليها فيرموكال مع الزيت البلدية و الله قليها البصيلات ديال الشعر باقي ماماتو و ستعملاتها و ناض ليها الشعر حتى أنا غنديرها و لكن حتى يخرج رمضان

البنات تبارك الله عليكم و خلاص المهم مرحبا بالبنات الجداد و اللي بغات شي حاجة الله ينولها ليها و حتى أنا دعيو معايا يسهل الله على خطيبي و نتجمعو انا وياه أولا نمشي عندو لبلجيكا
الوصفات كلها زوينة و انا غادي نجرب وحدة عجباتني و بالنسبة لزيت الحلبة الطريقة كالتالي
كأس حلبة حبوب
كاس الماء
كنديوهم يغلاو حتى يبقى غير نصف كاس و كنصفيو الحلبة و نحتافضو بالماء ديالها و نضيفوليه كاس الزيت البلدية الأصلية و نخليوه على النار حتى يتبخر الماء و يبقى عندك مقدار كلأس نيشان ايلا لقيتيه زايد رديه حتى يولي عندك كاس بالضبط
هدا هو زيت الحلبة

شكرا Basmala و yasmine و Nourita على الوصفات غانجربهم ان شاء الله و ندعي معاكم... و Dano تبارك الله عليك كاتجيبي وصفات واعرين (كانهدر على زيت الحلبة)

البنات؟؟ كلكم غاديات للخارج؟ غير أنا لي غانبقا فالمغرب؟ هههههه...غير كانضحك معاكم.. الله إعاونكم كاملات و تجمعو الشمل مع ازواجكم ولي بغات شي حاجة الله ينولها ليها، يا رب آمين..رمضان راه كاتقبل فيه الدعوات غير كثروا الدعوات..ادعيو معايا حتى أنا واخا مازالا ما تزوجت ههههههه..