يا اخوات طمعانه فى مساعدتكم ليا لانى من المبتدئات فى وضع الميك اب
وخيبه اوى وكتبت ردود للى عملو مواضيع عن الميك اب وفى ردوا عليا ودول ربنا يجازيهم خير
وفى مردوش عليا وبرضو ربنا يجازيهم خير
فقررت اكتب عن ازمتى
ويارب اللى تساعدنى ربنا ينولها اللى فى بالها
انا بشرتى دهنيه واخرج يوميا للجامعه فمبحطش مكياج غير على عيونى
فعايزاكو تقولولى ماركة اي شادو ميسحش فى الشمس
وايه احسن اللى فى علب ولا الكريمى ولا الاقلمه (قلم اى شادو)
وماركة ماسكرا حلوه ومتسحش برضو ومتوقعش رموشى
وماركة قلم كحل ميسحش برضو
لانى بقعد فى الجامعه حوالى 6 ساعات متواصله جوا المحاضرات فكتمت النفس والحر بتخلى الواحد يعرق والميك اب بيسيح
ولو مش هتعبكو ماركة كريم اساس للبشره الدهنيه وميسحش لان فتره الدوره بتظهرلى حبوب ومبقدرش اخرج من غير كريم اساس
وعايزه اعرف ايه الفرق بين اللوس باودر والكومباكت والفرق فى استخدامهم
وماركات حلوه
وايه رايكم ايه احسن البلاشر العادى ولا الكريمى وبرضو احسن ماركات
واهم حاجه طبعا ماركه مزيل مكياج
وهل فى مزيل للميك اب الكريمى ومزيل للميك اب اللى مش كريمى؟
وطبعا مزيل العين غير مزيل البشرة
برضو ايه احسن ماركات من الاتنين(العين والبشره)
وياريت المصريات يقولولى اسعارهم كام عشان دايما بتخم فى الاسعار فى الميك اب وكل حد يقولى سعر شكل
وياريت اللى تعرف محلات تبيع الميك اب فى حدود وسط البلد والعباسيه وروكسى تقولى على اسم المحل وفين وشارع ايه
معلش تعبتكو معايا بس امانه متنسونيش
الروابط المفضلة