السلام عليكم ورحمة الله وبركاته
أولا أحب احيي كل من دخل وكل من قرأ وكل من شارك برأيه
من مده طوويلة وأنا اسمع عن أساس الديرماكول وأسمع عن نتائجة الفتاكة مما حمينسني من إمتلاكه (معلمات اللغة العربية)

المهم رحت في يوم من الأيام لصيدلة الحياة اللي بالشارع اللي جنب المخبز اللي أبوي يجيب الخبز منه
وتخيلوا مأساتي وأنا داخلة الصيدلية ما معي إلا خمسين ريال أحد يطلع من البيت بخمسين لا وبروح البقالة عقب

المهم طلبت الديرماكول وعطاني مرهم كبر أصبعي وسألته بكل إحترام أنا أبي مكياج قال هو ده
سألته وبكل إحترام ايضا بكم قال لي65 ريال يا مدام هو قال مدام قلت علي الطلاق مانيب طالعه إلا شاريته
وأحتال على أخوي الضعييف ويشتريه لي

طبعا رحت البيت وجربته وبكل صراحة كان ب ش ع 211 هع هع هع
من جد بشع قمت خلطته مع أساس فور إيفر يمكن يطلع السحر كأني طايحة بكيس الطحين وطالعه وللأمانه مع فور إيفر من بعيد البشرة لون واحد ويجنن بس لما تقربين كأن عمرك ألف

هو يمكن مناسب حق البنات اللي عندهم مشاكل مستعصية لكن المشاكل البسيطة والله حرام ال65 اللي راحت
علما بأنني أكتشفت أنه خافي عيوب قوي لمشاكل البشرة

بصراحة هل كان يستحق الهالة الإعلامية من بنات المنتدى؟؟؟
بإنتظار آرائكم.

ههههههههههههههههه
والله انك ضحكتيني,,
المهم
انا يوم الثلاثاء رحت للسوق وطلبت الكريم(ديرماكول)
والله بس حطيته على يدي كني حاطة جبس وع ما عجبني بالمرة
انا كنت ادور على كريم ناعم يعطي تغطيه خفيفة
والحمدلله بشرتي مافيها عيوب وشرايك بفور ايفر تنصحيني فيه,,؟؟

هههههههههههههههههههههه الله يسعدك

شوفي يا قلبي انا ماشريته لكن اختى المتزوجه شرته بس مدري كم درجته
بس تالي قولي لي وشلون حطيتيه على بشرتك؟؟؟

هي نقطه صغيرة تحطينها في اصبعك نقطه بس وتوزعينها لانه اساسه ثقيل
بعدين تحطين كريم الاساس وبعدين حطي المكياج(اختي تستخدمه بس للمناسبات الكبيرة مو يومي))

طبعاً مثل ماقلت لك نقطه ووزعيها على وجهك كله لو نقصت الكميه عن وجهك لاتزيدين
هي نقطه بس(هههههههههههههههه ازعجتك بكلمه نقطه) بس شكلك معبيه اصبعك وماااسحه وجهك منه مسح^_^
اذا فهمتي اوكيه مافهمتي ارجع واشرح لك ماااافيه مشكله
يالله ياقلبي سلالالالالالالالالالالالالالالالام

السلام عليكم

حبيبتي نور العالم أساس فور إيفر اللي أستخدمه حلو إلا يجنن كإستخدام دايم خفيف على الوجه وتغطيته روعه وباين طبيعي يعني يحسبوني حلوة عالطبيعة وإذا كملتيه بالبودرة يطلع جنان بصراحة حبيته أنا بشرتي بيضاء أستخدم الدرجة الأفتح مع البودره (قولي للبايع أبي بودرة تخليني نورمل)وأبشري بسعدك المعرس يدق الباب قومي إفتحي.

حبيبتي سحابة غيث أنا لما خلطته مع الفور إيفر هذي طريقتي أقولك من بعيد حلو لكن من قريب بشرتي مو حلوة ولا ناعمة كملمس وشكل ما حبيته بصراحة إحتمال إنه ناسب إختك بس بالنسبة لي حبطني
وبعدين شاريته 65 وتبين أحط بأصبع كله مهوب نقطة إلا نقيطة

هذا ولكم مني كل حب

ياريت تكون عندي خلفية علشان اقدر افيدك

جزاك الله خيراختي الدعجاء على طرح هذا الموضوع,,,,
امس جابولنا الطلبيه.....اختي استلمتها وما عجبها الكريم,,,,,
لكني اعتقد مثل ما قالت سحابة غيث وضع نقطه فقط نقطه
لاني لحد الحين ما شفت لكريم,,,,

الزنبقة الحائرة يكفيني مرورك يا عسل

من ترجوا حب الله ==>> الله يعطيك من خيره ويكفيك شره اليووووم تجربينه وتعطينا رايك فيه هل يستحق الهالة الإعلامية وإلا لا

ولا زال السؤال قائم هل إستحق الهالة الإعلامية أو أنه أعطي أكبر من حجمه؟؟؟وحده مقهورة على ال65

مشكووووووووووووورة الدعجاء على التوضيح
تسلمين لي ياعسل,,

انا الصراحة ما جربته
ان شاء الله بعد الاربعين ابستعمله

الحمد لله ما جربتة