حلو الموضوع وانا كمان من مصر واهلا بالجمال المصرىىىىىىىىىىى


يلا مستنيين باقى الكلام

السلام عليكم ورحمة الله وبركاته

اهلا بيكم يابنات مصر

الموضوع حلو قوى بس يا ريت السعر

السلام عليكم ورحمة الله وبركاته
اولا انا اسفه على التأخير قى الرد والله غصب عنى كان النت عطلان عندى يعنى مش من باب التشويق
تانيا مرحبا باخواتى المصريات فى ركنكم الخاص وانا سعيده جدا بحضوركم واعرفكم انى حاسه اننا كلنا عائله واحده واكاد اكون تخيلت شكل كل واحده فيكم
بصوا ياحبايبى بالناسبه لاستفساركم عن السنفره
اولا السنفره مش هى بتاعة اصاله وهى منتج من منتجات اخصائى الاعشاب حراز
ثانيا انا جبتها من عند العطار مش من الاجزخانه
ثالثا بالنسبه للسعر انا جبت العبوه 15 جنيه وهى على فكره كبيره300 ملى
بالنسبه لاخت raaiaraaiaبصى حبيتى احنا اتفقنا ان يكون شعارنا البساطه وعدم التكلفه والليفه المغربى موجوده فى الصيدليه بس تكون صيدليه كبيره بس للا سف 35جنيه وحرام ان احنا ندفع كل هذا المبلغ فيها وبالنسبه للصابونه المغربى او السورى صابونة الغار فسمعت اخت فى المنتدى تقول انها وجدتها فى مول ب 25 جنيه
واحنا عندنا صابونه هى نفس الحكايه وكانوا دايما جداتنا بيستعملوها وهى صابونة نابولسى فانا دائما استعملها لشعرى ولجسمى
وصدقونى هى هى لانى برده استعملت صابونة الغار .
حبايبى المره الجايه ان شاء الله هنتعلم سوى ازاى نعمل الليفه المغربى وازاى نستعمل معاها السنفره اللى اتمنى تكونوا جبتوها حتى تعم الفائده والسنفره دى هتكون القاعده العامه للبشره وهتكون الحاجه الوحيده الجاهزه اما الباقى هيكون من صنع ايدينا .
ارجو الا اكون اطلت عليكم ................. احبكم فى الله وجمعنا الله فى صحبة خير نبتغى فيها مرضاة الله
فلنعقد التيه جميعا ان ما نفعله لله حتى نرضيه بان نكون فى الصوره الجميله امام ازواجنا كما يريد الله ان نكون

اختى الغاليه حنان متشكره اوى على رد ك واهتمامك وربنا يخليكى لينا بس ممكن اطلب طلب انا لسه جديده فى المنتدى ومش فهمه فيه اوى انا لو عايزه اوصلكم فى صفحه المصرين اوصلكم ازاى انا ساعات مش بلاقى الصفحه دى وميرسى اوى

السلام عليكم ورحمة الله وبركاته
بصى ياختى العزيزه ازاى تعرفى توصلى للركن فى المنتدى .
لو عندك بوك ماركس اللى بتدونى فيه المواقع المفضله يبقى سهل جدا تدخلى من غير حت ما تدخلى على الموقع بانك تدخلى الركن بتاعنا اولا وبعدين تعملىكليك على البوك مارك وتختارى اول اختيار وتدونيه من المفضله
لو مش عندك ده يمكنك ان تدونى فى ورقه عندك فى ورقه اسم المنتدى واسم الموضوع ورقم الصفحه ارجو ان اكون افدتك ...
على فكره انا مش عارفه انطق اسمك ولكن انا هدلعك ريرى

جزاكي الله خيرا يا حنان
يعني كريم العروسة نطلبه من العطار
في انتظار شرحك لليفة المغربية
لكي مني احلي تحية
سلام

اه ياريرى نسيت اقولك على طريقه اسهل
اادخلى على المنتدى هتلاقى فوق على الشمال مكتوب بحث فى هذا المنتدى اعملى كليك هتلاقى مربع فاضى اكتبى فيه ركن الجمال المصرى وبعدين كليك على اذهب هتلاقى الموضوع امامك واعتقد ان ده سهل عليكى اكثر واى خدمه ياجميل

بسم الله الرحمن الرحيم
يالا زى ما وعدكم ان جايه اقولكم ازاى نعمل الليفه المغربى .
اولا هنحتاج لقطعه من الخيش .ايه يابنات بتضحكوا ليه ايوه قطعة خيش بس تكون جديده ونضيفه مش مسحين بيها البلاط وممكن نشتريها من اى حد بيبيع ارز او حبوب سايبه ( علاف ) وطبعا احنا مصريين وعرفين العلاف
المهم احضرى الاتى 1 - قطعة خيش
2 - شريط ستان او حتى شريط بتاع الشعر
3 - ابره وخيط
الطريقه قومى بتطبيق القطعه لتكون مربعه وبعدين ابدأى بخياطة الشريط لعمل برواز لاغلاق جميع الجوانب حتى لا تتنسل الخيش واعملى لها تعليقه
بس واصبح عندك نفس الليفه المغربى بس بقى اسمها الليفه المصرى وباقل التكاليف وصدقونى هى هى ونفس النتيجه واحسن كمان

يالا مش عايزه كسل ها عملتو الليفه ولا لسه

احنا بيضنا ونعمنا عارفين المره الجايه هجبلكم ايه معايا وانا جايه الخلطه الاكيده ..........................

لشد البشره المترهله والخلطه انا مجرباها بنفسى والله انى بقالى اسبوع بس بستعملها وو جدت نتيجه هايله وخاصة على بطنى همتكم معايا يابطال حتى نصل ل

السلام عليكم ورحمة الله وبركاته

يابنات حد يعرف اذا كان السيفداب والكثيرا والسدر موجودين فى مصر وله لا واذا كانوا موجودين القيهم فين