السلام عليكم
يا بنات انا عايزه اجرب ماركه لونا لانى سمعت انها حلوه
انا لونى ابيض و بشرتى مختلطه
ايه رأيكم فيها؟
حلوه و لالالالالالالالالالالالالالالالالالالالالالالالالا لالالالالالالالا؟
للبحث في شبكة لكِ النسائية:
|
السلام عليكم
يا بنات انا عايزه اجرب ماركه لونا لانى سمعت انها حلوه
انا لونى ابيض و بشرتى مختلطه
ايه رأيكم فيها؟
حلوه و لالالالالالالالالالالالالالالالالالالالالالالالالا لالالالالالالالا؟
حبيبتى انا جربت بودرة لونا بس راحه حلوة اوى وناعمه جدا وهى بودرة شفافه اما كريم الاساس حاسه انه مش اوى
والارواج بتاعتها حلوة جنان ورطبه اوى الاى شادو مجربتوش بس ناويه اجربه
واى استفسار انا حاضرة
طيب ايه مشكله الاساس برأيك؟
و انت بتستخدمى اساس ايه
مرسلى اوى على ردك
كريم الاساس لما جربته حسيت ان فيه منهم للبشرة البيضاء اوى وللبشرة السمر يعنى مفيش وسط
وانا استخدمت كريم اساس اماند لكن هو ينفع للبشرة الدهنيه لانه اويل فرى
واستخدمت سمر كيك درجه الشيرى بس حلوة اوى
أزيكم يا بنات
انا استخدمت بودرة لونا بصراحة ممتازة بس متنفعش من غير كريم اساس بالذات للبشرة الدهنية او المختلطة او اللي فيها حبوب وشوائب لانها ناعمة جدا وخفيفة اما بالنسبة للبلاشير بتاعهم انا مجربتوش بس بيشكرو فيه اما عن الروج والاي شادو مجربتوش علي فكرة اي لاينر اماندا ممتاز جدا جدا والجلوس بتاع اماندا برده ممتاز مايفرق عن لانكوم او بورجوا وسعره في حدود 16 جنيه وكمان البلاشير تشاو انا جربته برده فوق الممتاز وناعم بس البودرة مش حلوة فيه كريم اساس ممتاز بتاع اوريفلام جورداني بالنسبة للي الوانهم بيضة او قمحي فاتح يستعملو درجة light ivory
ارجو ان اكون افدتكم
مرسى ليكم يا نهوله و هبه
طيب فيه حد جرب ماركه رميل؟؟؟؟
انا استخدمت اى لاينر اماندا حلو اوى
لكن معرفش ماركه رميل هى ماركه مصريه مسمعتش عنها قبل كده؟؟؟!!!
كنت عايزه اسال نهووله على ماسكارا كويسه ياريتى تقولى جربتى ايه وبلاش وتر بروف
أزيك يا هبة؟ بصي ياستي ماسكرة اوريفلام جميلة جدا خاصة المكثفة وهي مش ووتر بروف برده لانكوم طبعا هي الاحسن علي الاطلاق بس طبعا الاصلي وانت عارفة عندنا في مصر الماركات الكبيرة مش متوفرة ولو لاقيتيها بتكون مضروبة وصيني وتقدري تعرقي طبعا من سعرها لانها بتكون بحوالي 12 جنيه علي الرغم من ان الاصلي ب 80 جنيه فيما فوق اعتقد ان الماركات العالمية موجودة في محلات مرجانة ومازايا و العزبي بالذات العزبي لان عنده تشكيلة كبيرة من معظم الماركات العالمية الاصلية
خلينا في اوريفلام سعرها 35 جنيه ومنها 3 الوان الازرق والرمادي والاسود
اما بالنسبة لماركة ريميل هي ممتازة جدا جدا الروج بتاعها ناعم وجميل جدا وكمان انا جربت الجلوس بتاعها الشفاف والبودرة بتاعتها ناعمة جدا وملهاش ريحة اما بالنسبة للمسكرة والكحل وكريم الاساس بتاعهم بصراحة مجربتهوش وعلي فكرة اسعار ماركة ريميل مش عالية مقارنة ببورجوا ولانكوم وبوبا وغيرها
يارب تكونوا استفدتم
ميرسى نهووله على تجاوبك انتى اكتر واحدةتتجاوب معايا ميرسى جدا وعلى معلوماتك الحلوة
العفو يا هبوب لو عايزة اي حاجة اساليني هجوبك علي طول ان شاء الله
الروابط المفضلة