ايوا ا اخلاص شفتي ؟؟؟؟
راني ديما كندخل وكنقول غنلقا شي واحدة و وااااااااااااااالو

iwa el mohim hana ghadi ndkhol wakha ma3ndich hna el 3arbiya

السلام عليكن ياحلوات ، كيديرات لاباس ؟ واعوك عوك إلاما دخلو نورونا وتحفونا بوصفاتكم الساهلة والمفيدة
أنا نقلت ليكم هاد جوج وصفات من منتدى مغربي وكيشكرو فيهم بزاف وراه عملت وحدة فيهم
الأولى وصفة لنعومة الجسم وتوحد لونه
ناخدو صبونة دوف صغيرة الأصلية ونحكوها في الحكاكة ونعملوها في كسرونة صغيرة على نار مهيلة جدا ، ونضيفو ليها 6 ملاعق كبار عصير حامض + 6 ملاعق
جليسرين + ملعقة زيت لوز
نخلطو كلشي مزيان فوق نار مهيلة حتى نحصلو على كريم ، ؤنخليوه يبرد ونعملوه في حك زاج في الثلاجة ؤ من ليل ليل ندهنو جسمنا كامل ونعسو والصباح ندوشو وراها نافعة في هذا الصيف مع التدواش كيكون بصفة يومية
أما الوصفة الثانية فهي لتقوية الأظافر والحد من تكسرهم وتشققهم
3 ملاعق صغيرة زيت زيتون
3 ملاعق صغيرة خل تفاح
صفار بيضة واحدة
نخلطو المكونات كاملة ونعملوها في حك صغير ونوضعوه في ثلاجة ؤمن نبغيو نعملوه ناخدو قطعة قطن ؤندهنو بيه الأظافر واللحم الداير بيها
يالاه البنات دخلو نورونا راني توحشتكم بزااااف

شكرا ليك سهام على الوصفات
وحتى انتي بقاي طلي علينا

مبروك اعلينا و علكمالركن الجديد
الاخت siham sami واش جربت ديال الجسم او الاضافر

بيتي ، العفو أزين راكم ديما في البال ، ونا أحبيبة ديما كنطل ؤمكنلقا حد يارب يكون المانع خير إن شاء الله
tonta أنا أزين جربت ديال الأظافر ؤراها مزيانة مع المداومة ، أما وصفة ديال الجسم سمعت بيها بزاف ؤناوية إن شاء الله نجربها حيت المواد لي فيها كلها طبيعية ؤ متداولة ، لجلسيرين معروف أنه كيبيض مع الحامض ، وزيت اللوز معروف بأنه كيرطب البشرة ، أما صابونة دوف راها كينصحو بيها حيت مرطبة للبشرة

بصحة البيت جديد ان شاء الله يكون منور بوجودكم

chokran bzaaaaaaaaaf siham

بنوتة الإسلام البيت منور بيكم ألغزالة
إخلاص العفو أزين ، وأخيرا لقيناك ههه ، على سلامتك واش باقا في كازا ؟

ربي يخليكي الزين اني قنطانة دابا عندكم شي حاجة تحكوها