اخواتي الحبيبات اذكر قبل فتره من تسجلي في هذا المنتدى ان وضعت احدكم موقع لصبغات طبيعيه فهل تستطيعون اعادته الأن لأني في حاجته .....ولكم جزيل شكري
وتسلمون

أختي بنت السعودية،، هذا طلبك اللي طلبتيه،، وانا ماخذتنه من هذا الركن في المنتدى
********************************
* حطي مع الحنة بابونج إذا كنتِ تبين لون شعرك يصبح كستنائي.
* أو حطي مع الحنة الكركم والملح لتثبيت اللون مع الشيقور ما أدري شو تسمونه! هو ينباع بالعطارة يمكن أسمه ماء الأوكسجين وشعرك يصير روعة لونه جداً طبيعي ومحافظة على رونقه ونعومته.
* حطي مع الحنة أيضاً شاي.
* وأنا سامعه إنهم يحطون في الصالونات حنا بنفسجية، وتخلي لون الشعر عنابي.
*** لتشقير الشعر:
ضعي فنجالين بابونج مع ملعقتين كبيرتين نسكافية وملعقتين كبيرتين قهوة وملعقتين صغيرتين زعفران وملعقتين صغيرتين عصفر، وكوب ماء واغليها على النار ..إذا غلت الخلطة خليها تبرد بعدين حطيها على شعرك ولا زم يكون جاف غير مبلول ثم إذا نشفت الخلطة اللي فوق راسك (راح يصير شعرك كذا زي اللي يتكسر ) المهم إذا نشفت حطي عليها هيدروجين بيروكسايد (يباع في الصيدليات ويسمونه مثبت اللون وعلبته صغيرة ولونه أخضر يمكن فيه ألوان ثانية ما أدري المهم لا تشيلين همه لأنه موجود في كل الصيدليات يمكن ... يعني تلقينه بسهولة) إذا حطيتيه انتبهي لازم توزعينه على كل الشعر وإلا بعدين تصير المناطق اللي جاها شقراء واللي ما جاها يعني، المهم إذا حطيتيه على كل شعرك والمقدار منه كذا زي ما تحطين زيت على شعرك، إذا حطيتيه لازم يقعد 12 ساعة بعدين غسلي شعرك وناظري في المراية تلقين وحدة لبنانية واقفة قدامك!!
تحـــــــذير: مرة وحدة شعرها كله شيب وكانت تحني الشيب فبالتالي ما يبان راحت حطت الخلطة وتقول طلع الشيب الأبيض اللي في شعرها أبيض مرة راح كل الحناء الي عليه.