مسيكم بالخيررر... بنات
احب اتكلم اليوم عن طريقة عمل الحمام
وبما اننا في فصل الصيف فاكيد ان عدد المرات راح تزيد
وببدا انا بنفسي وكل وحده اذا عندها اضافات تقول لنا ***


*الخطوة الاولى*
حمـام الملح ... تسووين لك حمام ملحي لان الملح يساعد على استرخاء العضلات
ومثل ماهو معروف ان ملح البحر الميت احسن انواع الملح ويمكن انك تستخدمين الملح العادي (يكفي ربع ساعه للحمام الملحي) وعلى فكرة حمام الملح مو خطوة اساسيه حيث انه يساعد على تريح الاعصاب فقط *


* الخطوة الثانيـــة *
التدليك بالفرشه ... الفرشه لها دور بتنشيط البشره و تنعيمها حاولي تبدئين من القدمين صعودا بشكل دائري
ولا تركزين على منطقة الصدر والرقبه لانها منطقه حساسه ويمكن يصير لونها احمر اذا استخدمت الفرشه
ويفضل انك تشترين فرشه مصنوعه من الياف طبيعيه مثل اللي في بودي شوب *


* الخطوة الثالثــة *
التقشيــر.. وهي اهم خطوة لان التقشير يساعد للتخلص من الخلايا الميتة و المقشرات نوعين فيه مقشرخفيف وفي مقشر قوي اول شيء بلللي جسمك بمويه دافيه ثم خذي ليفتك وابداي بالتقشير بالنسبه لليفه عندك ليفة النايلون (سبايس ان كاي جابانيز ) وبالنسبه للمقشر العادي عندك من هيلينا روبنشتاين( هيلينا روبنشتاين ارت اوف سبا اينرجايزينق باور سويت شوقر بودي سكراب) اما المقشر الفعال فعندك( بليسلابس هوت سولت سكراب) و( ايف سان لوران قوماج اكسيون بيولوجيك) طبعا تحطينها على جسمك اللي يكون مبلل وتتركينه حتى يذوب *


* الخطوة الرابعـة *
الانتعــاش ... بعد ماسويتي التدليك والتقشير لازم تخلين بشرتك ترتاح شوي استخدمي( لانكوم اروما فيت هيلثي بودي تريتمامن فراقرانس) بعدين اغسلي جسمك بالمويه الدافيه بعدين البارده بعدين الدافيه بعدين البارده لان المويه الباردة تشد الجسم *



الخطوة الخامســة *

ازالة الشعر... باي طريقه سواء بالموس مع اني ماافضله بس انه اسرع طريقه او بالشمع وهو احسن شيء
اذا استخدمتي الموس حاولي تستخدمين معه جل لان مثل ماسمعت انه يجفف البشره طبعا يكون جسمك مبلل
ثم استخدمي الكريم مثل (ايستيه لودر بودي باور فوم اب بودي ووش) من ايستيه لودر .. اما اذا كنتي تستخدمين الشمع وهي الطريقه المثاليه فتحضيرها معروف حطيها بمويه حاره حتى تصير جاهزه بعدين مرريرهاعلىبشرتك وعلى طول شيليها طبعا الشمع يساعد على التخلص من الخلايا الميتة..بعد ازالة الشعر استخدمي اللوسيون لتلطيف البشره ولا تنسين تستخدمين المستحضرات اللي تحمي بشرتك من الاحمرار والحساسيه وتقلل من نمو الشعر مثل ( ماري كور انتي هير ريغروث )


* الخطوة الســادسـة *
الترطيـــب... من الطبيعي ان التقشير وازالة الشعر تتعب البشرة فاستخدمي اللوسيون او المرطب لحيوية البشره مثل ( كريستيان ديور بكيني تونيسيت بودي كونتوينق اند تونينق كونسنترايت سبراي ) او ( لوريال بلينيتود بودي اكسبريتز هايدرا فريش مويستشور كوينشينق بودي سبراي ) او استخدمي مقشري الطبيعي اللي اسويه وطريقته مره سهله ونتايجه روعه وهي كوبين من اللبن وملعقه كبيره من القمح وزيت اللوز وملعقه كبيره من العسل حطيه على جسمك بعدين اغسليه بالمويه الدافيه بعدين البارده *


* الخطوة السـابعة *
الحيويــه... تقريبا انتي خلصتي الحين من الجسم بس اخيرا استخدمي الرغوات طبعا ركزي اكثر شيء لما تشترينها على ريحتها واحلى شيء بريحة المسك وبعدين الورد وحاولي تبتعدين عن الرغوات اللي بريحة الفواكه *



* الخطوة الثامنــة *
الشعــــر ... طبعا نوع شعرك وحاجته يعتمد عليه الزيوت اللي بتحطينها وافضل انواع الشامبو صانسيلك بانواعه طبعا الشعر المصبوغ راح تكون له معامله خاصه علشان مايخرب لون الصبغه مثل مجموعة بروفيشنال سيستم من ويلا لكن مثل ماقلت مافي مثل الزيوت مفيده للشعر وعني استخدم زيت السمسم مرة ممتاز طبعا كيف تحطين الزيوت بشعرك طبعا بعد ما تشطفين شعرك بالمويه تحطين الزيت عليه وتبدين تدلكين شعرك باطراف اصابعك بشكل دائري لين ماتحسين انه وصل للجذور بعدها استرخي بالبانيو لين ماياخذ الزيت مفعوله مده ماتقل عن 20 دقيقه بعدها اغسلي شعرك بالشامبو اللي يناسب شعرك او ممكن انك تحطين الزيت قبل ماتنامين ومن بكره تغسل*
7
7

* بعـض الحمامات الطبيعيه*






*حمـــامات الزيوت *

1-المكونات بيضةو16 ملعقة كبيرة زيت زيتون و8ملاعق كبيرة زيت ذرة و8ملاعق كبيرة زيت لوزو3 ملاعق صغيرة عسل و16ملعقة كبيرة لبن و2ملعقة صغيرة صابون مبشور.. تخلط المكونات مع بعضها وتحفظينها في الثلاجه وفي وقت الحمام تضيفين كميه منه للمويه الدافيه فايدته كالتالي تعمل الزيوت والبيض على ترطيب الجلد وتغذيته بينما يعمل العسل على تليين الجلد وإكسابه النعومة والحيوية
حمام زيت الياسمين المكونات 3 ـ 4 ملاعق كبيرة زيت ياسمين ملعقه من زيت خروع طبعا تخلط المكونات جيداً ببعضها البعض ، وتحفظ في زجاجة تضاف كميه منه في موية حمامك طبعا مويه دافيه

3- من حمامات الزيوت عندك حمام زيت الزيتون حمام زيت اللوز ( احسن شيء ) حمام زيت السمسم حمام زيت الياسمين وحمام الجلسرين *



* حمــامات الاعشــاب *
1- الشاي ...يحضّر بإضافة ملعقتين كبيرتين من العشب إلى ماء مغلي ويترك العشب لينقع بالماء 15 ـ 20 دقيقة ، ثم يُصفى المنقوع ، ويضاف لماء الحمام
2- حمام العسل والشوفان ملعقة كبيرة عسل نحل و ملعقة كبيرة من الشوفان المطحون يوضع العسل مع الشوفان
بعد ماتذوبين العسل ويضاف لموية الحمام ونفس الطريقه حمام النعناع والبابونج
3- حمامات الطحالب البحريه وهي موجوده بمراكز التجميل يجيبون عنها دايم بالتلفزيون وهي احسنها .. طبعا لحمامات الاعشاب فوائد بترطيب الجسم وتهدئه الاعصاب وتقوية الانسجه وتنشط الدورة الدمويه *


* حمامـــات اللبــن *
1- حمام الزبــادي لتطرية الجلد وترطيبه ممتاز جدا
2- حمام اللبن وزيت الجوز يخلط اللبن وزيت الجوز وتحفظينها في الثلاجه وتضيفينها لموية الحمام
3- ولا انسى الحمام المغربي وهو من اهم الحمامات *


*همسات *

1- اذا تعبتك رقبتك بالحمام ممكن تشترتين مخده خاصه للرقبه بالبانيو من ايكيا او تلفين لك فوطه ماتحتاجينها
وتحطينها تحت رقبتك*
2- ممكن تجيبين معك مجلات قديمه او ماتحتاجينها تسلين فيها نفسك بحيث انها لا تبللت ماتزعلين عليها*
3- حاولي تشغلين شموع عطريه خاصه للحمام بس ابعديها عن البانيو علشان ماتنطفي وفيه بلانكوم منها خصوصا اللي لونها اخضر لان فيه اربع الوان *
4- طبعا مو كل مره تاخذين لك حمام تسووين كل هالخطوات يعني فالصبح سوي لك الخطوه الثانيه التدليك والثالثه التقشير و السابعه الرغوة والثامنه طبعا الشعر علشان تتنشطين وقبل ماتنامين تسووين كل الخطوات كلها*
5- لا تنسين بعد كل حمام تحطين المرطب وخاصة زيت بيبي اويل وزيت اللوز افضل شيء *



تحيــــــــــــــــــــاتي***

تسلمين اختي ام ريماس على الموضوع الرائع والخطوات الجميله والمفيده
يعطيك الف عافيه

الله يسلمك ياوسام ومشكورة على ردك **

تسلمين يا قلبي موضوعج رائع فعلا وانا استفدت وايد منه

روعة الله يبارك فيك.

الله يعطيك العااااااااااااااااافية


لكن عزيزاتي :


مو حرام نستخدم النعمة (مثل اللبن ...) اولا في الحمام ..وثانيا على سائر الجسد..؟



هل هذا جائز ؟


مين عندها فكرة عن هذا الموضوع علشان ينتبهوا الاخوات ...في حالة كان فيها حكم شرعي ..

جزاك الله خير ولكن لو عملت اللي انتي يتقولي عليه ده مش هاعمل حاجه تانيه في بيتنا!!!!!!:W

مشكورة ام ريماس
بس وين الوقت يا حسرة

تسلمين ياقمر
عجبني الحمام الملحي