بنات اطلب المساعدة منكن لان نفسيتى تعبت جدااااااااااااااااا

انا شعرى طويل الى نهاية ظهرى واحسة بيتقصف باستمرار وكل فترة اقص مايقرب من 3سم وانوى الاهتمام بة ولا اهتم فيطول بتقصف والجزء الامامى مجهد من الوضوء وجاف وجربت شامبو برتبلس وهيداندشولدرز وبانتين والى حد ما بانتين جيد معايا
واستخدمت كريمات فاتيكا نشفت شعرى فاستخدم هيركود كويم احمر الى حد ما كويس وزيت الزيتون وحدة نشف شعرى

نفسى فشعر طويل وناعم وتقيل اعمل اية

لكن عوزة اجابة على الاسئلة دى لانى مزوجة وانجبت وماعندى وقت للتجارب

*استخدم شامبو اية يكون مفعولة جيد
*هل الكريم ام الزيت افضل لشعرى
*هل اقص شعرى ام لا وكل فترة اد اية
*اعمل حمام كريم او زيت امتى وكل اد اية واسم منتج جيد

وياريت منتجات اجدها فى مصر

حسب نوعيه شعرك هل هو جاف؟ ام عادي ام دهني
وافضل شامبو شامبو الاطفال اختاري مايناسبك
وعمل حمام زيت كل اسبوع مره او مرتين بس
لان كثره الزيوت تقفل مسام فروه الراس
اما بالنسبه لتقصف الشعر دهن اطراف الشعر بالقهوه مفيد جدا وكمان الحنه بس مو لوحدها معها قليل من الزيت
وبالنسبه لقص اطراف الشعر مره كل شهر حلوه او سته شهور وبس اتمنى اكون افدتك

أختي الفاضلة :كنزى أحمد
بدايةً ربما يكون التلف ناتج عن الصبغ المتكرر للشعر ..أو رداءة نوعية الصبغة ..
وأنصحك بإستخدام بانويل بالمشمش للشعر
وهذه صورته وعليه طريقة الإستخدام

أو ربما هو ناتج عن الإستشوار الدائم ..ونحن بحاجة له للمحافظة على رونقك ..لكن علينا الحرص على الزيوت الطبيعية في الشعر ..
وهذه بعض النصائح التي وضعتها لأحد الأخوات

أنصحك بزيت الزيوت السبعه صناعه باكستانيه بعشرة ريال سعودي
تجدينه عند أي عطار ولونه مثل شراب الحمى الذي يعطى للأطفال
ثانياً:قصي أطراف شعرك كل نصف شهر قدر أنمله هذه الخطوه مهمه
ثالثاً: الحنا مع الزبادي وبعض ورق السدر المطحون جميل جداً للشعر
وإن كنتِ ممن يحاولون الحفاظ على لون الشعر أو لاتفضلين الحنا فأنصحكِ بخلط سدر مطحون الكمية التي تكفي شعرك+علبة زبادي+2بيضه
تعجن شبه سائله وتوضع مده 3-4 ساعات
رابعاً: جنبي شعرك قدر المستطاع الإستشوار ومكواة السراميك
كما أحب أن أنبه أن مكواة السراميك تستخدم بعد إستشوار الشعر
وأحرصي على وضع كريم الشعر قبل الإستشوار مثل كريم بارشوت وبديل الزيت بكمية قليلة.
خامساً: لاتضعي الإستشوار نصب عينيك لكل مناسبه وحاولي أن تغيري مثلاً :
إن كانت الزيارة زيارةً عاديه
فجعدي شعرك من الخلف مع وضع قليل من الزيت قبل الرغوة أو الجل وصففي مقدمة رأسك"الغره"مع ضم الشعر الذي باخلف بشباصة مزينة
سادساً: أعملي لشعرك حوامه بعد الإستحمام وبعد أن يجف الشعرقليلاً وهي لف الشعر حول الرأس مع وضع قليل من الكريم وتثبته بواسطةالبنس السوداء ثم أقلبيه للجهة الأخرى وثبتيه بالبنس ..
وأكرر ماذكرته أختي:سلاام البلسم والتدليك مهمان للشعر
أخيراً:لي رجاءٌ عندك وهو أن لاتنسيني من دعائك إدعي لي بأن يسعدني في الدارين وأن لايحرمني لبس تاج الوقار يوم القيامه وحفظ كتابه

جربي الأسهل لك من الطرق التي وضعتها ...
مستعدة للإجابة عن أي سؤال
أختك في الله:
تاج الوقار20

تفضلي من مواضيعي لخصت فيهم العنايه والعلاج بإذن الله يفيدوك




₪ متميز ₪ @ شعرك تحت مجهر اختك ورده في البستان @ ملخص العنايه بالشعر @




₪ متميز ₪ شعرك تحت مجهر اختك ورده في البستان ملخص العنايه بالشعر الجزء الثاني

شكرا يا بنات عالمساعدة لكن انا الحمد لله محجبة ولا استخدم سشوار او صبغات او مكواة

ازيك يا قمر
انا كان شعري بيقع بفظاعة معندكيش فكرة وكان بيقع بطولة لحد ما لقيت على النت خبيرة تجميل معروفة بدون ذكر اسماء قريت مواضيعها كان اهمهم ازاي تعتني بشعرك وفعلا بدعيلها من كل قلبي لاني دوخت عند الدكاترة
اولا شوفي يا ستي من ناحية نوع شامبو كويس دة حسب ما ترتاحي وينفع مع شعرك لكن لو شعرك بيقع ممكن شامبو طبي زي بانثينول او سلسن بلو او اكرينال اي شامبو طبي وسيبك بقى من اللي بيقولك شامبو اطفال لانة بردو بيحتوي على صوديوم و سلفات وانتي لو شعرك بيقع لازم شامبو فري صوديوم وفري سلفات بس عيب الشامبوهات الطبية انها بتنشف الشعر فلازم بعدها حمام كريم وعلى فكرة يا اما تستخدمي حمام كريم او بلسم الاتنين مع بعض لا والافضل حمام كريم عشان بيغذي الشعر وبيطرية لكن البلسم بيطري الشعر بس
وكمان خدي معاكي طبق بلاستيك الحمام وحطي فية ملعقة بلسم او حمام كريم على حسب ما تستخدمي وحطي عليها معلقة عسل ابيض وقلبيهم وحطي على شعرك وابعدي عن فروة راسك الشعر بس وسيبية لحد ما تكملي الشاور بتاعك حوالي عشر دقايق وبعدين اشطفي بالمياة كويس ومتغسليش شعرك بمياة ساخنة اوي تكون دافية وبعد ما تخلصي شاور يفضل تكون اخر شطفة لشعرك بمياة باردة عشان تقفل المسام
بالنسبة لسؤلك تستخدمي زيت ولا كريم استخدمي الاتنين لان الزيت لوحدة بيدهنن الشعر والكريم لوحدة بينشف الشعر هاتي طبق وفضي فية علبة الكريم اللي بتستخدميها بس تكون مش نوع دهني يعني بالمرز وما يشبهة لا لكن ممكن مثلا حاجة زي الو ايفا بالعسل او الو ايفا بالصبار او مينك او دابر املا اي كريم خفيف يناسب شعرك فضية في طبق وحطي علية زيت وقلبي حطي زيت كمية كويسة بس في نفس الوقت ميبقاش كتير لدرجة ان الكريم يبقة مياة وهاتي امبولات الو ايفا بالصبار للشعر مش غالية العلبة ب 15 جنية وفيها اربع امبولات فضي امبولة كاملة على الزيت والكريم وقلبي كويس جدا لحد ما يبقى الخليط متجانس يفضل يكون الطبق واسع عشان تعرفي تقلبي كويس واغسلي علبة الكريم الفاضية بمياة بس من غير صابون وبعدين نشفيها كويس وحطي فيها الكريم اللي عملتية واقفلي العلبة وحطيها في الفريزر عشر دقايق بالظبط متكتريش عن كدة عشان ميبقاش جامد وناشف واغسلي شعرك مرتين في الاسبوع وحطي امبولة الو ايفا بالصبار اللي اشتريتية على شعرك قبل التسريح بتستخدم مرتين في الاسبوع بعد كل شاور لازم على الشعر المغسول تدلكي فروة راسك كويس بيهابحركة دائرية باصابع اليد وبعدين حطي على شعرك الكريم اللي عملتية وسرحي شعرك بالراحة بلاش العنف ويا ريت مشط واسع ولفي شعرك طاقية او دوامة زي ما بيقولو لحد ما ينشف وفكية وادعيلي واللة مع الاستخدام انسي التساقط وهتلاقي شعرك طري وجميل وممكن لو شعرك بيقع اوي تستخدمي لسيون لتساقط الشعر اسالي الصيدلي في قريت قبل كدة عن روتاج وماجيك اويل انهم كويسين بس انا مستخدمتهمش اة نسيت اقولك كل يوم على الريق فصين توم قشريهم واقسميهم نصفين وابلعيهم بمياة زي الدواء وملعقة عسل ابيض ولو الحديد عندك ناقص يبقى يفضل عسل اسود لان التغذية اهم من الزيوت وكل دة وطبق سلطة كل يوم لو استمريتي على التوم والعسل والسلطة مع اللي قولتهولك هتجيبي نتيجة سريعة باذن اللة واعملي حمام زيت مرتين في الاسبوع قبل غسل الشعر والكن حطي الزيت في بخاخة وبخي على فروة راسك لان الناس فاهمة حمام الزيت غلط انها تغرق شعرها زيت لا طبعا انتي كدة بتاذي شعرك مش بتفيدية انتي تحطي الزيت على فروة شعرك بس حوالي اربع او خمس ساعات او من بالليل واغسلية الصبح واحسن زيوت (زيتون-خروع-حبة البركة-جنين القمح-الخردل-سمسم-لوز حلو-جوزهند-صبار-خس-بقدونس-حشيش-جرجير) او ممكن تعملي زي وتخلي العطار يعملك تركيبة من الزيوت دي كلها بنسب متساوية لانهم كلهم مهمين ومفيدين ولما تجيبيهم متنسيش الاول تحطي منهم على الكريم بتاعك
اسفة بجد اني طولت عليكي بس كنت عاوزة اشرحلك بالتفصيل ويا ريت لو جربتي اللي قولتلك علية تبقي تبعتيلي على الخاص تقوليلي على النتيجة

شكرا حبيبتى للمساعدة

ماشيه على الوصفه دي بقالي شهرين واكتر كمان وشعري والله اتغير كتير عليها اتفضلي
دي هي الخلطه اللي انا بعملها
عباره عن ازاره زيت خروع باكستاني
ونص زيت السمسم (يااما من شركه الرحاله او الجمل )
انا استخدمت الرحاله واختي استخدمت الجمل
والشركتين دول والله ثقه كبيره اوي في زيوتها
او ممكن تعصري من عند العطار في المعصره
حتي اختي استخدمتها لبنتها
اوقيه املج مطحون قولي للعطار كده وهو هيديهالك
والاوقيه دي زي الجرام والكيلو مقياس يعني
ويخلطوا في على بعض ويتركوا عشره ايام
وبعدين يتاخد بمقدار ما يكفي شعرك منه ويضاف عليه ملعقه زيت زيتون (ولو مش عندك عادي ممكن تستغني عنه )
ويسخن في حمام مائي ويوضع على الشعر لمده 4ساعات ويغسل بماء او ماء وشامبو وتلفيه وصدقيني هتلاقي شعرك حرير وهيوقف التساقط
ممكن بعد ماتغسلي شعرك تديه دهنه بسيطه اوي كريم او زيت وتقومي لفاه
و حطيها في حاجه زجاج اوعوا تحطيها في حاجه بلاستك
وان شاء الله تجيب معاكي نتيجه مرضيه
والله شهيد على مااقول
واعمليها3مرات في الاسبوع او مرتين وغطي شعرك ببونيه او كيس نايلون

الاهتمام

الاهتمام

الاهتمام

هو السر

حمامات زيت

ومن اروعها زيت الزيتون وجوز الهند


وللحفظ على الشعره بعد غسله بالشامبوا


ضعى البلسم على الاطراف بعيدا عن الفروه ودلكيه دقيقه

ثم اشطفى شعرك جيدا

البلسم يعطى مظهر صحى لامع ويطرى الشعرويفرده ويحافظ عليه من العوامل الخارجيه

و هناك حل سحرى اخر عن تجربتى

وهو تدليك فروة الراس باطراف الاصابعكل يوم حوالى 7 دقائق

فى المرات الاولى تجدى تساقط كثير

ثم ستلاحظين بنفسك التحسن الكبير فى شعرك

فالتدليك ينشط الدم فى فروة الراس فتتغذى البصيلات جيدا

فتنمو افضل واصح واسرع ويقل التساقط بشكل مذهل

وقصى الاطراف كل اول شهر هجرى

فيطول شعرك اسرع باذن الله

موفقه غاليتى

الحل من هنا