عندى ليكو وصفة رووووووووعة لحل جميع مشاكل الشعر
ما اخبيش عليكو انا بصراحة احترت فى علاج شعرى من كثرة التساقط لدرجة ان بدأ يظهر عندى مناطق خالية تماما من الشعر
وكانت امنيتى الوحيدة انى الاقى حل
وانا بتصفح ع النت لقيت الوصفة دى بس بصراحة مش فاكرة الموقع
المهم جربتها وانا عليها دلوقتى من 4 شهور
انا مش هقول انها كست المناطق الفاضية بس دى كمان طولت شعرى ومعتش بشوف شعرة واحدة فى المشط تخيلوووووا؟
اللى كانت كتباها كانت بتقول نمشى عليها سنة وانا ان شاء الله هستمر عليها على طوووووووووووووووووووووووووووول
نيجى بقى للوصفة:
هى مكونة من 3 حاجات
اولا :ماسك الحنة ودة عبارة عن
3 ملاعق حنة+ملعقة مطحون ورق السدر+ملعقةمحلب مطحون +ملعقة خميرة فورية+ملعقة مايونيز+ملعقة عسل ابيض+2 ملعقة خل تفاح
وبعدين تجيبى بصلة متوسطة تقطع بقشرها و6 فصوص ثوم بقشرهم وتضيفى شوية قرنفل وكوب ماء وتغليهم مع بعض وبعدين تعجنى بيها الخلطة بتاعة الحنة وتضيفى عليها 2ملعقة زيت زيتون وتسيبيها فى مكان دافى ساعتين وبعدين تحطيها على شعرك وتتركيها لمدة 4 ساعات وبعدين اشطفى شعرك بماء فاتر ولا تستخدمى شامبو وبعدها بللى ايديكى بزيت سمسم وزيت لوز حلو وادهنى بيه شعرك ودى بتعمليها مرة كل اسبوع بس ثبتى اليوم
ثانيا: وصفة الزيت ودى عبارة عن مجموعة زيوت مخلوطة وهى زيت خروع و زيت الحية و زيت النارجيل وزيت الجرجير وزيت حبة البركة وزيت املا بنسب متساوية
ودى بتدهنى منها كل يوم قبل ما تنامى
ثالثا:حمام الزيت عبارة عن زيت الثوم منقوع فيه زعتر مطحون لمدة يوم كامل وتدفيه شوية على النار وتعملى بيه حمام زيت بس تسيبيه 3 ساعات على شعرك وبعدين تغسلي شعرك بشامبو تكون مكوناته طبيعية 100% وده تعمليه مرة واحدة فى نصف الاسبوع
جربوا الوصفة دى ومستنية ردودكم
رد مع الاستدلال
الروابط المفضلة