ساعدونى ..نفسى فى حاجة لتنعيم الشعر الجاف وتكون سهلة فرحى قرب ومش عارفة أعمل أه ؟؟؟

السلام عليكم
اولا الف مبرووووووووووووووووووووووووك وربنا يتتم فرحتك على خير ويكتبلكم السعاده طول العمر
امين يارب العالمين
ثانيا اذا شعرك جاف جيبى حمام كريم كويس يرطبلك شعرك وحطيه بعد ماتغسلى شعرك وسيبيه ربع او نص ساعه وبعدين اشطفيه واطلعى
مره كل اسبوع
وممكن تزودى العنايه بانك تعملى حمام زيت لشعرك مرتين فى الاسبوع وابعدى عن الصبغه والسيشوار طبعا وقصى اطرافه عشان التقصيف لو مقصف
المهم صحيح انك تعملى جمام زيت بنوع مناسب لشعرك لان لكل شعر حاجه بتناسبه ويكون الزيت اصلى يعنى لو جبتيه من عطار او صيدليه يكون موثوق فيه
وانصحك بزيت الدره انا قريت عنه كتيرررررررر انه رائع وانا جربته فتره انى اعمل بيه حمام زيت كان حلو وبيرطب بس خلص ومن فتره مشغوله فمش بعمل
جيبى زيت عافيه هو زيت دره 100% يعنى م هتدورى كتير
ولو فى زيت تانى انتى مرتحاله اوكى او جربى زيت تانى
وكنت شوفت كوافير كبير جدا فى القاهره اسمه احمد لطفى
كانت المذيعه بتسأله عن تجهيزات العروسه لشعرها
فكان من ضمن كلامه ان لو فاضل شهر او شهرين على فرحها هينصحها بحمامات الكريم بس يكون نوع ممتاز ممكن تجربى فشكوال بالثوم بس يكون اصلى
او حمام كريم كريستاس بس غالى اوى
او اى حمام كريم بس ميكونش مصنوع فى مصر
انا بقولك كده عشان عرفت من كلامك انك مصريه زيى
ويارب تكونى احلى عروسه يارب
الله يوفقك ويكرمك ويسعدك
اذكرى الله
ادعولىىىىىىىىىى
سلام

تفضلي من مواضيعي لخصت فيهم العنايه والعلاج بإذن الله يفيدوك


₪ متميز ₪ @ شعرك تحت مجهر اختك ورده في البستان @ ملخص العنايه بالشعر @


₪ متميز ₪ شعرك تحت مجهر اختك ورده في البستان ملخص العنايه بالشعر الجزء الثاني

السلام عليكم يا basbosa ياجميلة ياربى كنت كل ما أقرا أسمك أقول أكيد أنتى فعلا بسبوسة فى الحقيقة ذى أسمك الجميل ده "وشكرا جدا على مساعدتك ليا"

كتبت بواسطة shikoshow

السلام عليكم يا basbosa ياجميلة ياربى كنت كل ما أقرا أسمك أقول أكيد أنتى فعلا بسبوسة فى الحقيقة ذى أسمك الجميل ده "وشكرا جدا على مساعدتك ليا"

السلام عليكم
والله بجد مش عارفه اقولك ايه
ده من ذوئك يا قمر
وعلى فكره ده احلى كلام اتقالى فى حياتى حتى خطيبى مقالهوليش
الله يخليكى
ربنا يوفقك ويكمل فرحتك على خير ويرزقك المال والبنون ويكونلك زوجك الزوج الصالح الحنون
اللهم امين
اذكرى الله
سلام يا قمر

السلام عليكم
معلش يا قمر بس نسيت اقولك على حاجه
اذكرى الله على شعرك وانتى بتمشطيه فى اى وقت وفى كل وقت عشان ربنا يباركلك فيه
قولى
بسم الله الذى لايضر مع اسمه شىء فى الارض والا فى السماء وهوالسميع العليم
او اى ذكر انتى بتحبيه ولسانك واخد عليه
وجيبى مشط خشب تكون سنانه واسعه ومشطى شعرك دايما من تحت لفوق عشان ميتقطعش ومش هتحسى بضيق وانتى بتمشطى شعرك بعد كده لان ذكر الله هيكون ونس ليكى
وربنا يوفقك وينفع بيكى المسلمين
اذكرى الله
ادعولىىىىىىىىى
سلام

السلام عليكم ورحمة الله وبركاته

عزيزتي الف مبروووك لكِ موفقة ان شاء الله في حياتك ورزقك الله بالذرية الصالحة

شوفي هالروابط ان شاء الله تفيدك

http://www.lakii.com/vb/showthread.php?t=650871

http://www.lakii.com/vb/showthread.php?t=597323

وبعدين عزيزتي لازم تستخدمي الزيوت فكل انواع الزيوت مغذية وجيدة للشعر واعملي قناع للشعر عند زيارتك لاحدى هذه الروابط سوف تتعرفي كيف تساعدي شعرك على ان يكون ذو ملمس ناعم ورطب بمنظر طبيعي