شعرى منحول من الامام اكاد ان اتصلع ساعدونىىىىىىىىىىىىىىىى من فضلكم
للبحث في شبكة لكِ النسائية:
|
شعرى منحول من الامام اكاد ان اتصلع ساعدونىىىىىىىىىىىىىىىى من فضلكم
زيت الحشيش ينت الشعر بشكل سريع جربيه وادعي لي
بصي ياقمر
1- خدي كبسولات بانتوجار 3 مرات يوميا لمدة لا تقل عن 3 الي 6 اشهر
2- فكي شعرك وانتي بالبيت
3- غيري تسريحة شعرك مرة علي جنب واحد ومرة علي الجنب الاخر ومرة لوره ومرة علي الجنبين
4- لما تربطي شعرك متشدهوش ولما تحطي الحجاب برده متشدهوش
5- اعمللي حمام زيت مرة في الاسبوع (زيت خروع + زيت لوز + زيت جوز الهند + زيت زيتون + زيت سمسم + زيت جرجير + زيت الحية لو متوفر )
6- هاتي جرجير طازج واغسليه كويس وقطعيه واخلطيه في الخلاط مع شوية ميه وصفيه وخدي العصير ولكي فروة رأسك بي لمدة اسبوع بدون غسيل وبعد الاسبوع اغسليه وكرري وهكذا نتايجه روعة ظهور شعر جديد ونعومة وفرد وكثافة وطول ولون شعرك مش هيبقي باهت وهيبقي شعرك صحي اكتر
7- استخدمي شامبو طبي زي كوربال البمبي او ريفيتال ولدهن شعرك زيت روتاج تحفة
8- استخدمي امبولات aloe eva يوم بعد يوم
9- قصي اطراف شعرك المقصفة من فوق التقصيف ب 2 سم كل 3 شهور
10- اهتمي بغذائك وخصوصا الحجات اللي فيها حديد وكالسيوم واشربي مية وعصاير فرش كتير ولو تقدري تعمللي بعض التمارين الخفيفة لتنشيط الدورة الدموية يبقي كويس
11- ابتعدي عن اي خلطة تلمس فروة رأسك ماعدا الجرير وخصوصا الوصفات اللي فيها ثوم وبصل لانها بتلهب فروة الرأس وبتوقع الشعر وخللي بالك وانتي بتعمللي حمام الزيت حطي علي شعرك بس بدون ملامسة فروة رأسك
اتمني اني اكون افادتك واي سؤال انا في الخدمة
جزاك الله خيرا حاجرب ويارب التجربة تنجح
ان شاء الله هتنجح
الروابط المفضلة