أخواتي الحبيبات
السلام عليكم ورحمة الله وبركاته
الله يعلم شو قد أحبكن عشان كذا بغيت أخبركن عن تجربتي
الله يسلمكن اختكن والدة من أربعة شهور وطول فترة الحمل فرحانة بهاذي الشعرتين الحمد لله الحمام الله يكرمكن يبرق والمخدة كنها مخدة مستشفى من النظافة ولا شعرة عليها
الظاهر أني بحكيلكن قصة حياتي
حبيباتي الله يسلمكن مثل ماقالوا الحكماء دوام الحال من المحال sid
بعد الأربعة شهور من الولادة بدا الخير يهل بدا المسلسل بعشر شعرات قلنا مو مشكلة يقولون لحد المية شعرة عادي لكن صدقني كل ما أمشط شعري يطيح منه خصل كاملة
قلت خلاص بصلع والمشكلة البواريك حرااام قلت مالي غير خلطة الثوم رحت المطبخ ودقيت أربع فصوص ثوم وعجنتهن مع الحناء وحطيت شوية ملح وشوية الحبة السوداء مطحونة وشوية كركم وبعدين حطيتهم في الخلاط وحطيت هذي الخلطة العجيبة على شعري لمدة خمس ساعات
صدقني كلمة عجيبة قليلة شعري تساقطت منه خمس شعرات بس ,وانشاء الله ناوية استمر عليها
ملاحظة الريحة ماتنطاق طول اليوم المدخن في البت لكن شو أسوي بصلع والحين قاعدة أقنع أبو عبدالله زوجي أنه يستخدم الخلطة عشان نكون في الريحة سوا ذكية صح أعرف أني طولت عليكن بس والله من حبي لكن بغيت أخبركن بس الله يخليكن لاتحطن الخلطة وأزواجكن موجودين لا أحصل دعوى من القلب تخليني أطيح وأتكسر
أختكن أم عبدالله
لاتنسن ادعولي
الروابط المفضلة