لو سمحتو يا مصريات عايز كوافير كويس فى مصر علشان شعرى خربان اللى تعرفه ياريت تقول ولا تبخل بالمساعدة لان شعرى فعلا ناشف مقصف خشن جاف مجعد متساقط لا يصلح الا ليفة........
للبحث في شبكة لكِ النسائية:
|
لو سمحتو يا مصريات عايز كوافير كويس فى مصر علشان شعرى خربان اللى تعرفه ياريت تقول ولا تبخل بالمساعدة لان شعرى فعلا ناشف مقصف خشن جاف مجعد متساقط لا يصلح الا ليفة........
لو سمحتوا يا بنات شعرى مقصف خشن مجعد متساقط جاف جدا يعنى من الاخر ماينفعش غير ليفة مواعين هل لى حل ولا اشيله احسن اللى عندها حل لا تبخل به عليا واللى تعرف كوافير فى مصر كويس او عنده حل تقول.............قولوا
يالا قولوا ماقولتوش ليه
كوافير مجدى وسيد فى مصر الجديدة امام سور الكلية الحربية ممتاز
مادري شقول
بصراحة أحسن لك تشيليه بالموس علي الزيرو بس خذي رأي أهل بيتك اولا وبعدها هايكون كويس ان شاء الله
لا تزعللي حبيبتي والله علاجك بسيط جداااااااااااا وعن تجربة مني شخصيا ومن بعض البنات اللي اعطيتهم
- ابتعدي عن الصبغة نهائي وكريمات الفرد والسيشوار والمكواة
2- قصي شعرك تدريجيا ( ديجراديه ) الاقصر في الاطول ودي قصة حلوة جداااااااا ومش هتبين انه شعرك بايظ كده
3- خدي كبسولات بانتوجار دي رائعة بتمنع التساقط وبتحافظ علي الشعر وتقوية 3 مرات في اليوم لمدة لا تقل عن 3 الي 6 اشهر
4- خدي امبولات يوم بعد يوم اسمها aloe eva دي بتعالج كل اضرار الشعر يعني بتنعمه وتكثفه وتلمعه وتطريه وتعالج السقوط والتقصف هاتي بالصبار والبانثولين واستخدمي مرة ده ومرة ده
5- في تونك اسمه هيرباك هو بينشف الشعر شوية بس كويس وبيساعد في نمو الشعر وتقويته بسهتبدأ تظهر نتيجته تقريبا بعد 4 شهور
6- فكي شعرك طول مانتي في البيت وغيري مسار اتجاهها يعني مرة تفرقية ومرة علي جنب ومرة علي الجنب التاني ومرة لورة
7- اياكي تعمللي طقية نهاااااااااااااااااااائي لانها بتشد الشعر عشان تفرده وده بيؤدي لتساقطه
8- قبل اي خلطات طبيعية لازم تتأكدي من عدم وجود قشرة برأسك ولو عندك استخدمي شامبو بيتادين فهو مزهل بعد او او تاني مرة هتروح بس لازم تفضللي مدة بعد الازاله تستخدمية عشان تضمني عدم رجوعها تاني
9- استخدمي حمام زيت كل اسبوع مرة واحدة زي زيت الخروع والجرجير والسمسم واللوز وجوز الهند ودهن الحية سخنيهم وسيبيهم يدفوا وبعدين حطيهم علي شعرك والبسي كيس نايلون وفوقيهم ايشارب قطن عشان شعرك يسخن ويستفيد
10- انا هقلك علي وصفة جميلة جدااااااااااااااا ورائعة بس عايزة طولة بال وصبر شوية بس والله مزهلة بتنعم وتفرد وتقوي وتطري وتطلع الشعر وتطوله كمان وتلمعه هاتي جرجير طازج واغسليه وقطعيه وحطيه مع شوية مية في الخلاط وافرمية وبعدين صفيه وخدي العصير ودلكي بيه فروة رأسك مرتين باليوم بدون غسيل لمدة اسبوع وبعدين اغسليه وكرري تاني لمدة اسبوع وهكذا
11- متستخدميش الشامبوهات العادية دي اللي معلن عنها ولا حتي بلسم استخدمي شامبو طبي زي روتاج منتجاته تحفه وكمان اللوسيون بتاعه حلو والزيت تحفه وكمان في منه كريم بس متكتريش من الزيت او الكريم وعلي فكرة ده برده هيقوي شعرك وهيخليه بيلمع وناعم بجد تحفه
12- اهتمي بغذائك وكللي خاصة الحجات اللي فيها حديد وكالسيوم زي الكبدة والباذنجاء والتفاح والطماطم والجرجير والكبرة واللبن الطبيعي والبيض المسلوق لانه بيحتفظ بقيمته الغذائية وكللي كوسة لانها فيها فيتامين أ , ب وهما مفيدين جدااااااااااااااااا واشربي سوائل كتير زي البرتقال والليمون واشربي مية كتير جداااااااااااا
حمام مجموعة زيوت مرة في الاسبوع :
-----------------------------------------
زيت لوز + زيت جوز الهند + زيت حبة البركة + زيت الجرجير + زيت الخروع + زيت السمسم + زيت زيتون + زيت دهن الحية
سخنيهم وسيبيهم لما يدفوه وحطيهم علي شعرك بدون ملامسة فروة الرأس عشان شعرك ميقعش وحطي كيس بلاستك وفوقه ايشارب قطن واربطي كويس عشان شعرك يسخن ويستفاد من الزيت لمدة ساعتين وبعدين اغسليه
انا عارفه ان خاصة وصفة الجرجير صعبة شوية بس والله حلوة قوي انا بستخدمها وحاسة اني شعري بقي صحي وجميل جداااااااااااااااااااا وناعم وفيه صعر صغير بدأ يظهر يعني ان شاء الله شعري هيتقل اكتر وينعم ويطول ويبقي بيلمع وصحي وجميل ارجوكي عشان خاطري استحمللي شوية وده الرابط بتاع موضوعي ( هااااااااااااام لجميع الاعضاء ) ان شاء الله اي مشكلة او سؤال اكتبيه هناك وانا هرد عليكي
http://www.lakii.com/vb/showthread.php?t=314029
ولا انصحك بالكوافير نهائي
ما شاء الله عليكى يا اخت هدى جعله الله فى ميزان حسناتك
محمد الصغير في
المهندسين شارع االثورة
الزمالك
مصر الجديدة فنادق شيراتون المطار وميرديان هليوبليس
ومسيو عبده في مدينة نصر
ومصر الجديدة شارع الحجاز
اللهم احفظ زوجي وبناتي واحفظني من كل مكروه ومن عين كل حاسد ووسع رزقنا
قد تم دمج الموضوعين لاحتوائهم على نفس الطلب
اللهم احفظ زوجي وبناتي واحفظني من كل مكروه ومن عين كل حاسد ووسع رزقنا
علي فكرة يا بنات الجزء الاول بتاع موضوعي هاااااااااااااااااام لجميع الاعضاء اغلق بس ده رابط الجزء التاني
http://www.lakii.com/vb/showthread.php?t=359914
الروابط المفضلة