مشكلتي بدأت من 4 سنين بعد ما تزوجت... طبعا عشان أرضي زوجي قمت أتعدل وأترتب وأصبغ شعري.. ومن صبغة إلى صبغة انعدم شعري..كان ناعم وطويل... ألآن خشن ومقصوص بوي قصير..قصرته على أمل يتعدل..لكن ما في نتيجة.. يطول وهو خشن وأرجع أقصه من جديد..
المهم نويت أخففه مرة بماكينه الحلاقة اللي زوجي يستخدمها لشعره أو أحلقه بالموس على الزيرو... قلت لزوجي رفض في البدايه لكنه بعدين وافق .. خاصة أنا عايشين لوحدنا في اوروبا و ما راح نرجع إلا بعد سنه الى الرياض..يعني ما راح يشوفني إلا زوجي وإذا طلعت الحجاب يستر]
أمس خففت شعري على رقم 4 بالماكينه وطلع شكلي غلط... جلست أصيح لين وصل زوجي البيت... الحمد لله ما قال شي ولا علق.. بالعكس كان معين لي..ساعدني واجد...بعدين الليل جلسنا نعدل الباقي من الشعر خفف زوجي شعري من جنب وصارت الحلقة مقبوله فيها شوي تناسق... صرت كأني من المارينز... لوما كان زوجي معاي ومتعاطف معاي كان حالتي النفسيه انهارت...
أنا الحمد لله نفسيتي أحسن بكثييير..خاصة بعد البارح...أمس زوجي طلع من البيت... ورجع بعد ساعه تقريبا... رجع وطلب مني أغمظ عيني قبل ما يدخل الشقة...وبعدين طلب مني أعطيه يدي وانا مغمظة... حطها على رأسه... تخيلوا ويش........................................حل ق شعره بالموس على الزيرو....... وهو شعره كان كثيف و ناعم...
جلست أضحك على حالتنا ...زوجي أصلع وأنا شبه صلعه.......
خلاني زوجي أفرح و ابتسم لأول مرة من حلقت شعري....
هذا الشي حمسني أني أكمل اللي كمت ناويه أعمله من البداية...
قمت وحلقت شعري بالموس... وأنا الآن صلعه تماما مثل زوحي... و قلنا راح نبدأ نطول شعرنا ونهتم فيه من الآن حتى يوم نرجع الرياض و نشوف من يقدر يطوله أكثر... الحمد لله أن عندي زوجي... أحس لو كنت بدونه كان انا حالتي حاله...
الروابط المفضلة