سلام محمل بالورود والجمال علي كل الاصدقاء
انا محتاجة مساعدتكم الغالية:
عندي كام سؤال اتمني تساعدوني بالاجابة
اولا.. ....بفكر اعمل فرد لشعري انا فاضل علي علي فرحي 3 شهور ففكرت اعمله قبل الفرح باسبوعين بس سمعت انه مضر اوي وكمان ناوية اعمل صبغة واغير لونه بس خايفة لشعري يبوظ خالص مع العلم ان شعري كويس مش خشن
ثانيا......انا عندي مشكلة في المنطقة الحساسة قلت ابتدي اشيل الشعر بيطلع زي الحبوب السوداء تحت الجلد وبيعمل وجع زي الشوك وبعد ما بدات اعملها لمدة شهري الجلد بدا يسود
انا متضايقة اوي ونفسي حل خصوصا اني مكنتش كدة من البداية
معلش طولت عليكم بس محتاجلكم اوي
سلام يا حلوين

ايه يا حلوين اوعوا تبخلوا بنصييحكم عليا

هلا حبيبتي شوفي نصيحة من اخت اذا شعرج موخشن لاتسوين لة فرد واكتفي بالستشوار خصوصا في بداية الزواج عشان يشوفج زوجج حلو(وانشااللة انتي حلوة)واستخدمي ون الآن لي وقت العرس زيت اللوز الحلو وزيت الخروع وحطي معاة شوي من دهن بتاع الاكل عشن مايصير ثقيل واستمري صدقيني انا مجربتة يجنن روعة -وعن الصبغ انا من وجهة نظري العروس حلو ان بيوم زواجها يكون شعرها اسود وبعد الزواج بشهر اوشهرين اصبغي شعرك راح يكون تغيير وراح يعجب زوجك لانة راح يشوفك بالبداية وشعرك اسود وبعدو تصبغين راح تكون مفاجئة حلوة(انا عن نفسي ماحبيت اصبغ قلت عقب الزواج بعدين حملت واجلت الصبض لحد ماخلصت النفاس بعدين صبغت وصارت مفاجئة حلوة لاني ماخبرت زوجي)
وبالنسبة لازالة الشعر انا بصراحة اشيل بحلاوة ومايطلع حبوب بكثرة بس انتي استخدمي كريمات تنعيم وتبييض احسن’’’
وآسفة عالاطالة واتمنى اني افدتج واي سؤال انا حاضرة,,,

شوفى حبيبتى انا عارفة ان موضوعك نزل من زمان لكن ادعى الله تشوفى ردى
اولا بحييك لانك بنت بلدى الحبيبه ام الدنيا
ثانيا الف الف الف مبروك على زواجك والله يبارك لك فى زوجك وذريتك الصالحة انشالله
ثالثا انا عارفه انى رخمة وطولت عليكى لكن
نخش فى الموضوع :شوفى عيونى بما ان شعرك مش خشن يبقى بلاش الفرد ابعدى عنة خالص خالص لانه بيبهدل الشعر صدقينى اوعى تقربى منه مهما كانت المغريات ومهما قالولك ده طبيعى والكلام ده كلة دة بالضبط عامل زى السم فى العسل .اما بالنسبة لموضوع الصبغة فأنا كمان بفضل انك متصبغيش شعرك دلوقتى مفيش احلى من الشعر الاسود بالذات يوم فرحك وبعد كدة غيرى براحتك حتى عشان جوزك يفرح بيكى انشاء الله .وبالنسبة لموضوع المنطقى الحساسة انا قريت هنا فى المنتدى وصفة لنتف المنطقة وعجبتنى جدا
بصى انا هقولهالك بأختصار:

حطى تلجة على المنطقة قبل ما تقومى بازالة الشعر
وبعدها زيلى الشعر بالحلاوة ولازم تكون قطعة الحلاوة صغيرة عشان تتحكمى فيها كويس ولازم تكون عكس اتجاه الشعر
بعدها هاتى نص لمونة واستحملى وافركى بيها المنطقة بعد ازالة الشعر :صدقينى دة بيقتل البكتريا الللى بتكون الحبوب وغيرة وممكن تستحملى الوجع اهو كلة يهون
بعدها هاتى نص كوباية زبادى وحطى عليها النص التانى من اللمونة وكمان زيت زيتون واخلطيهم وبعدين حطيها زى ماسك على المنطقة لمدة تلت ساعة وشيلية
بس خلاص ووالله بعدها هتبقى ناعمة وهتلاحظى قلة ظهور الشعر وتاخية من اول استخدام
اسفه على الاطالة
سلام

قلب خاشع ردج عجيب وعجبني انا عن نفسي راح اجربه واتمني نوسه المصريه الحلوه اتجربه واكرر شكري لج يا بنت بلاد ام ادنيا >>>>> قلب خاشع

السلام عليكم ورحمة الله وبركاته
انا اول يوم ليا هنا فى المنتدى وبصراحة فرحت اوى لما حسيت ان الكل هنا بيتعامل كالاخوات وبيخافوا على بعض وبيعطو نصايح بجد
والله الاحساس ده عجبنى اوى ويا رب يدوم الاخوية بينا ويجمعنا على خير دايما مع بعض انشاء الله
انا قريت موضوع نوسة المصرية وبصراحة انا كمان عندى مشكلة شبيهه
انا كمان جوازى بعض شهر تقريبا وعندى مشاكل كتيرة ومش عارفة احلها وخصوصا انى معنديش الخبرة ومكنتش من الاول بهتم بنفسى ولا بتصليح العيوب دى
اول مشكلة حتجننى شعرى انا شعرى جاف وخشن ومجعد الاكتر انه مقصف من ادام اوى يعنى لما اسرحه والمه لوراء بيفضل هايش من ادام كده وشكله وحش مش عارفة اعمله اية وخصوصا ان شعرى ضعيف وميستحملش كل شوية سشوار او فرد يا رب الاقى حل طبيعى يفيدنى ويكون بسرعة علشان الحق اعلجه خصوصا ان خطيبى شعره حلو جدا وهو طبعا لسة مشفش شعرى علشان محجبة وخايفة موووت من اليوم ده
معلش طولت عليكم بس انا فرحت ان ممكن حد يفيدنى
وبصراحة لسة عندى مشاكل تانية بس دى اهم مشكله دلوقتى
يا ريت تردو عليا بسرعة وجزاكم الله خيرا

ساندي حاولي تعملي لشعرك حمامات زيت كتير اليومين اللي فاضلين على فرحك دول
ده اول حاجه وبعدين لازم تهتمي بالاكل اليومين دول عشان الشعر بيتغذى من جوا اكتر
استعملي زيت الزيتون والخروع وزيت الجرجير دول مفيدين اوي للشعر وحاولي تقللي من السيشوار للشعر لانه هوا اللي بيسبب تقصفه
اه في كمان وصفه حلوه اوي قريتها قبل كده وجربتها بجد طرت شعري جدااااااا وقعد فترة حلو
هيا عبارة عن
صفار بيض (ومعلش بقى هوا ريحته مقرفه بس استحمليه او حطي عليه فانيليا هاتضيع ريحته)
و مايونيز_وزيت زيتون _وزيت خروع +اي زيوت تانيه مفيده تحبي تضيفيها
سبيهم على شعرك فترة طويلة عشان يستفيد اكتر يعني لو قدرتي ساعتين تلاته
اهتمي جدااااااااااااااااا بالخضار ده مهم لجسمك كله مش بس لشعرك
على فكره انا كمان فرحي كمان شهر وبحاول اعمل الحجات ديه بس انا كسوله جدا يلا ربني يقدرني انا وانتي عشان نبقى عرايس زي القمر
يارب اكون افدتك يا قمررررررررررر والف مبروك

سومااااا ميرسي اوى على ردك عليا وانا كمان كسولة بس ححاول انشاء الله اجرب الوصفة دى وميرسي جدا على اهتمامك ويا رب انتى كمان تبقى زى القمر ويتمملك على خير

السلام عليكم اختي العزيزة
والف مبروك لانك راح اكيد تكوني اجمل عروس في يوم فرحك ان شاء الله
اولا حبيت اقولك ان من الافضل اذا كان شعرك حلو ومش خشن وجميل المضهر ان تتركيه طبيعي فهذا افضل حتى يكون حلو ليلة الزفاف وشوفو زوجك طبيعي لان كل شيء طبيعي حلو وكما قالت لك الاخت بعد الزواج اصبغيه ولكن احذري ان تصبغي شعرك بالاسود لانه حرام اذا لم تخني ذاكرتي انا قرات ذلك في احد الكتب لا اتذكر اين ولكن اعرف ان صباغة الشعر باللون الاسود حرام كما حرم تلقيط الحواجب والتنميص
كما قلت لكي عزيزتي اتركيه طبيعي ضعي فقط عليه بعض الزيوت الطبيعية ليصبح ناعما وجميلا ليوم زفافك
نصيحة ابتعدي عن المواد المستحضرات الي فيها مواد كميائية كثيرة ولا تستعملي مايكيب كثير ضعي مايكيب ماكياج بطريقة تكون ناعمة وجميلة لانه يخفي جمالك الطبيعي
حتى شعرك اذا اكثرت من وضع الصبغات عليه راح يصبح بشع ومش حلو فقط يوم فرحك حاولي ان تعملي تسريحة بتكون جميلة ولا تكثري من ستعمال المواد الكميائية على شعر او كثير من مثبت الشعر لانك كما تعلمين ليلة الدخلة على العريسين ان يتوضأ ويصليان ركعتان علشان يباركهما الله على هذا الزواج ولا تنسي من الافضل ان تاخذي حمام صغير وتغتسلي جيدا وتزيلي عليك كل المكياج وتتعطري ومن الافضل ان تستعملي gel douche للجسم بكون برائحة عطرة واذا استطعت اغسلي كمان شعرك بشمبو ايكون رائحة حلوة كمان حسب ذوقك وبعدين ضعي كريم مرطب على كل جسمك علشان نعومته لكي تجلبي انتباه زوجك المستقبلي اكثر فاكثر

عفوا نسيت شيئا آخر بما يخص الحبوب السوداءفي المنطقة الحساسة استعملي زيت كبد الحوت كل يوم وراح تختفي الحبوب في المنطقة الحساسة جربي وراح تشوفي الفرق

ونصيحة اخرى اذا كان وجهك والله اعلم فيه حبوب او شغلات مش حلوة خذي شوي من حبات الترمس بتكون بودرة واضيفي قليلا من من الفازلين واخلطيهما ثم ادهني به وجهك كل ليلة راح يصبح وجهك مختلفا تماما

جربي وارجعيلي الجواب
وتمنياتي لك بالسعادة لاقبالك على الزواج ان شاء الله

كتبت بواسطة ساندى_

سومااااا ميرسي اوى على ردك عليا وانا كمان كسولة بس ححاول انشاء الله اجرب الوصفة دى وميرسي جدا على اهتمامك ويا رب انتى كمان تبقى زى القمر ويتمملك على خير

العفو حبيبتي وربنا يوفقك يارب