السلام عليكم و رحمة الله و بركاته
هذا الموضوع ايخص بنات الامارات فقط ...
أنا عروسه ... و بيكون عرسي بعد شهر (إنشاء الله) ...
أطلب منكم (بنات الإمارات) تعطوني أسماء أفضل الصالونات الموجوده في الإمارات ما يهم أي إماره ... المهم في الإمارات ... و ياريت اتردون بسرعه لأن ماشي وقت على العرس
الله ايخليكم بسرعه
و جزاكم الله ألف خير ...
و ماراح أنسالكم هذا الجميل
و شكراً ....

ابصراحه يا الدلووعه ,,

انصحج بصالون دولا في ابوظبي
واسم الحرمه دولا
من ناحية المكياج والتسريحه وصبغة الشعر اذا تبين بعد ..
تقريباً معضم الاعراس يحجزون عندها .. وانا عن نفسي في اي عرس اروحه احجز عندها

جربي وما بتندمين لو تروحين اتسوين على الاقل قبل العرس بروفا ..
بس يستحب تحجزين من الحين لان الطلب عليها وايد

تحياتي لج عزيزتي

هلا أختي الدلوعه..
أنا ما أعرف عن الصالونات وااااااايد..
بس سمعت عن صالون الي اسم: مشكبار.. هذا في دبي أعتقد في منطقة كرامه.. ووايد يمدحونه.. واذا سالتي اي حد عنه بيخبرج عنه وبيعطيج فكره.. أغلب العرايس الي عندنا يروحوله..
وهذا الصالون شو روعه.. يعني مختصين في رسم العيون وشو يسوون في العيون.. والمكياج روعه.. تتخبلون يوم بتشوفون العرايس الي يظهرون من هالصالون.. كل ربيعاتي الي اتزوجو كانو رايحين هالصالون..
والله ان فنانات في تغير الويه هههههههههه..
بس عن التسريحات ما اعتقد انهم لين هناك.. يعني يسوون تسريحات اوكيه بس مب لين هناك.. فيفضل انج اتروحين صالون ثاني حق تسريحاتج..
وصح نسيت اخبرج.. أفض شي انج تحجزين من الحين لان دووووووووووومه زحمه..

وأنا أعرف صالون أسمه مورا .. في دبي .. بعد يمدحونه .. ومكياجهم حلو وتسريحاتهم رووووووووووعه ... أنا بصراحه أغلب صديقاتي اللي عرسوا تعدلوا عندها .. والأحسن انج تسوين بروفه أول ...

ألف مبرووووووووك مقدما عزيزتي الدلوعة....
أنا سمعت عن صالون في الشارقة أسمه( نيو ويز).....
وبالنسبة لصالون مورا أنا شفت عروس امعدلينها بصراحة روووووووعة
بس الأحسن مثل ما قالوا الخوات أسوين بــروفــه
ولا تنسين تعزمينا على العرس .....

مرحبا عزيزتي الدلوعة 2002
اولاً : مبروك على العرس مقدماً
ثانياً : بخصوص الصالونات مثل ما قالت الاخت بريق الزمرد
صالون دولا مكياجها للعرائس و غير العرائس جداً رائع
وتسوي لناس معروفين وانا شفت كثير مسوين عندها وايد حلو
حتى انا اذا كان عندي عرس افضلها هي .. وطبعاً استايلها لبناني
وهي في ابوظبي منطقة النادي السياحي .. البروفة اعتقد بـ 500
ومكياج العروس مع التسريحه اعتقد 3000

وفيه بعد صالون جويل بعد مكياجها وايد حلو ... فيه زميلات لي يمدحونها
وكانت مسويه حق بنت خالي بس من زمان وايد
استيلها لبناني وصالونها على الكورنيش

اما مشكبار فالاستايل مالها هندي ... بس احس انه تبالغ في رسم العيون و المكياج
لكن هذي اذواق .. وكل واحد ذوقه و استايله غير عن الثاني
ممكن تناسب ناس وناس لا
وبعد فيه صالون اسمة صالون منى في دبي .. لي زميلات مسوين عندها بعد حلو
لكن من الافضل .. تسوين بروفه عندهم قبل .. وتشوفين والله يعينج

مع بالغ تحياتي

مبروك الف الف مبروك يالدلوعه
شيء صالون في دبي اسمها مورا واستايلها لبناني وايد حلو .. اما اذا كنتي تبين استايل هندي فصالون مشكوبار يعرفون وخاصه مكياج العيون....
بس نصيحه سوي بروفه في اكثر من صالون وبعدين قرري اي هم احلى
اتمنى لج حياه زوجيه سعيده
اختك مهره

الدلوعه مبروك العرس مقدما ...." وبارك الله لكما وبارك عليكما مجمع بينكما على خير "
بالنسبه للصالون فى صالون عمرو ....اظن انه غنى عن التعريف يسون معاه لقاءات فى قناة دبى صراحه مكياجهم رائع جدا جدا والتسريحه ايضا ....واتمنى لك التوفيق ...

مرررررررررررراحـــب

صراحة وايييد شفت بنات يمدحون صالون دولا بالنادي سياحي
كمــان صالون عروس الخليج واييييد تمــام بس احسن تختارين التسريحة بنفسك

صالون جويل شفت مكياجهم وتساريحهم من المجــلة صراحة كان واييييييد okaayy وعجبني وايييييد بس ما شفت حد عمل مكياج من هناك بس أسعارها شوية غالية لاني مرة إتصل فيها وسألت عن اسعار .


إن شاء الف مبروك

أختي بريق الزمرد حبيت أسألك كيف مكياج دولا بالنسبة للسمراوات تمـــام ولا شو رايك
صراحة أنا سمعت عنه فقط..... وايييد بنات يتكلمون عنها ( أقصد دولا) يقولون إنها كانت تشتغل عند صالون البرج المشهور ( يقولون)