فكرة جامدة جدا.... بديل السشوار اللي عند الكوافير
السلام عليكم و رحمة الله و بركاته
يا بنات خطرة على بالي فكرة هايله بجد جدا قولولي ايه ؟؟هقولوكو..
عارفين لما بنيجى نعمل حمام كريم أو زيت طبعا دايما يفضل تحطي فوطة سخنة أو تكوني عند الكوافير و تدخلي تحت السشوار اللي بيطلعك مسلوقة أو كأنك الشمس حرقتك من كتر السخونة
البديل ايه ؟ انك و انتي في بيتك بعد ما تحطي الزيت أو حمام الكريم هاتي كيس عادي مش كبير أوي متوسط يعني ماشي و اخرمي فيه من فوق فتحه صغيرة يدوبك تعدي راس السشوار بتاعك طيب وبعدين شغلي السشوار بس متوجهيش السشوار على راسك علشان متتلسعيش وجهي على ورا يعني تبقى راسو متوجها للوراء ماشي كده هتلاقي الكيس اتنفخ هوا سخن من غير ماتتلسعي ولا حاجة
الحاجة التانية متقفليش الكيس أوي على راسك بحيث يكون واسع شوية و يطلع الهوا عشان لو مقفول أوي و اتملى هوا كتير هيتقلع من راسك
بس كدة تعودي مثلا ربع ساعة ولا حاجة هتلاقي شعرك بقى جميل أوي ان شاء الله
لو في اي سؤال انا موجودة ان شاء الله اسألو و يارب أكون افدتكو بحاجة جديدة
رد مع الاستدلال
الروابط المفضلة