يابنات والله صارلي اربع شهور اعالج شعري بعد ماسويتله فرد البروتين في مشغل كان
المشكله مو بالفرد لاني سويته قبل كذا وطلع حلو بس في عيد الفطر رحت للمشغل وسوتلي الفلبينيه اسمها شريفه
لا وبعد حاطه على الجدار شهادة شكر لها ـ ياحسرة قلبي ـ
المهم حطت كريم الفرد على الجذور لدرجة اني حسيت فروة راسي تحرقني وحطت عليه نايلون وكنت اقولها جلدة راسي تحرقني تقول عادي ـ معليش يابنات تحملوني والله تعبانه والوقت بطيء ونمو شعري ابطأـ
خلوني اكمل لما انتهت الكوافيره حسيت ان نص شعري مو موجود بعدين قلت في نفسي يمكن عشان صار انعم
المهم كل مامشط شعري تنزل خصله صحت انجنيت رحت للدكتوره قالتلي عندك مناطق في شعرك محترقه وحطت مرايه وراي وقدامي وورتني منظر فظيع جلدة راسي مبينه
الان الحمد لله مافيه تساقط والشعر اللي طاح نبت بس طوله حوالي خمسه سم صايره احتار شلون اسرحه مرات احط شباصات ومرات البس كاب وتعبااااااانه مره ودي الاشهر تمر بسرعه
نسيت اقول لكم صاحبة المشغل في غاية الاخلاق اعطتني فلوسي وتعاطفت معاي عشان كذا لي فتره ماني حابه اتكلم
عموما اللي تروح لاتخلي هذي شريفه تلمس شعرها لان الباقيين زينيين
ادعولي الله لا يوريكم اللي انا شفته
الروابط المفضلة