السلام عليكم ورحمة الله وبركاته
خواتي عضوات المنتدى كيف حالكن وحال شعركن المتساقط
وقف او بعده ما وقف ؟؟
احب اخبركم بتجربتي اللي نفعت معاي ان شاء الله تستفيدون منها
اولا : هذا الاكتشاف كان بالصدفة
طبعا اكيد ما خليتوا خلطة ماجربتوها وبعد كم استعمال رميتوها وما كملتوا العلاج
ا هم شيء انكم تكملون
لا تتوقعون تشوفون شي سحر
مافي سحر في الموضوع
اي علاج خاص بالشعر والبشرة لازم يبغيله صبرررررررر يعني بالعربي الفصيح اقل شيء اسبوعين او شهر وتشوفون النتائج قبل هالموعد مستحيييييييييل
ثانيا : البنات الل عندهم تساقط في مقدمة الرأس وخاصة في الفرق (فرق الشعر من المنتصف او من الجوانب ) لازم يغيرون الاتجاه
يعني اذا كنتي متعودين تسوين فرق لشعرك في المنتصف خليه على جنب
واذا كنتي متعودة تفرقين شعرك من اليمين خليه يسار واذا يسار خليه يمين
المهم حولي الاتجاه ولا تستمري في نفس الاتجاه لأكثر من يومين
البداية صعبة لأن تغيير اتجاه الشعر مؤلم ( يعني تقدرالوحدة تقول شعري يعورني ههههههه)
حلوالكلام
وبعدين اللي ما تحب الروائح هذا الخلطة ريحتها مقبولة وحلوة تقدرين تخلينها في شعرك يوم او يومين
اما اذا كنتي متزوجة فانتي على كيفك
تقدرون تستخدمونه كحمام زيت
تقدرون تخلونه في الشعر كم يوم
سووا اللي بتسوونه
المهم النتيجة راح تكون حلوة مثل ما كانت معاي والحمدلله
بس تكلمنا وايد خلونا ندخل في موضوع الخلطة
علبة زيت فاتيكا الحجم اللي تحبينه
علبة زيت املا من شركة باراشوت لأن دابر أملا ريحته فضيعة وغير مقبولة
حلبة
محلب (اللي يستخدمونه خواتنا في مصر للمعمول ومعروف في الامارات وتلاقينه عند محلات العطارة)
حبة سوداء
تفتحين علبة الفاتيكا وتشيلين منه النصف
وتصبين عليه نص علبه زيت الآملا
يعني المقدار راح يكون نص بنص
واخلطي معاهم حلبة مطحونة (خشن) ملعقة صغيرة ومحلب مطحون (انعم شوي من الحلبة) نص ملعقة
وبعدين الحبة السودا ربع ملعقة صغيرة مطحونة خشن
وغطي العلبة وخليها في مكان مظلم كم اسبوع وانسي موضوعها لكن كل يومين حاولي تحريك المحتويات في العلبة للكن لا تفتحيها خليها مكانها
وبعد مرورو اسبوع اواسبوعين او ثلاثة (بصراحة عندي نستها يمكن ست اشهر لا تستغربون كلما خمرت صارت افضل للإستعمال)
افتحي العلبة واستعمليها
ادهني شعرك مع فرك بسيط للجذور (ما في داعي للعنف لأن شعرك بينزل في ايدك)
وان شاء الله تستفيدون لإني فعلا استفدت واشوف الشعر الصغير بدا ينبت (حلوة ينبت ..شجر مب شعر)
لدرجة اني ما اقدر اسشور شعري بسبب الشعيرات الصغيرة اللي ترتفع فوق مثل الشرار
نسيت اقول اني لاحظت شعري صار بسهولة اسشوره ويصير ناااعم بسرعة وماياخذ معاي وقت مثل قبل واللمعة فيه صارت حلوة وملحوظة
*****
ثاني شي اشرب شراب الزنجبيل
والزنجبيل معروف انه فيه كبريت وهو مفيد للشعر
شراب الزنجبيل يمكن تحضيره بالطريقة هذه:
قطعة زنجبيل بطول اثنين او ثلاث سنتيمتر او اكثر على كيكفكم
كوب ماء بارد او ماء من الحنفية
من بعد صلاة الفجر قطعي الزنجبيل حلقات وضعيها في كوب الماء وغطيهم (اتباعا لسنة الرسول محمد صلى الله عليه وسلم في التغطية)
وبعد ما تصلين المغرب سمي بالله وادعي الله ان يشفيك واشربي الماء بعد ان تخلطي شوي بالملعقة
وفعلا هو شراب بااااارد ومفيد للكبد والمعدة وحتى اللي عندهم مشاكل بالمعدة بيستفيدون منه ان شاء الله
ولاتنسون ان اهل الجنة شرابهم (كاسا كان مزاجها زنجبيلا)
يمكن مشكلة تساقط الشعر عندك سببها المعدة وان شاء الله شراب الزنجبيل راح يعالج كل شيء
حتى الاكتئاب راح تتخلصون منه باذن الله
===================
واسمحولي اتكلم وايد لكن كله عشان خاطركن يا عضوات احلى منتدى
رد مع الاستدلال
الروابط المفضلة