السلام عليكم ورحمة الله وبركاته


المكتوب باين من عنوانه ... ......


صالون يكون مضمون خُلقاً وتعاملاً وشٌغلاً


الليله ضروري الله يرضى عليكم

<<< قد زارت دبي ..


شموله دايم اشوف اعلانات لمشغل الضيافه ترى جداً متقدم وراقي ..

الله يجزاك خير ياأكااابر يابنت الأكابر ..

بس ياغالية ابي معلومات اكثر عنه ولو تقدرين تعطيني رقم تلفونه ..

ابيه الليلة ضرووووووري

<<<<< بدري

شماليه والله مااعرف الرقم ودورت عنه بالنت مالقيت

ان شاء الله بنات الاامارات يفيدونك..

حبيبتي شمالية ..
غالي و الطلب رخيص ..
بعطيج اسم صالون بس هاااااااا لازم تدعيلي تراني محتاجة للدعوة بالتوفيق ..
بس قولي الله يوفق البطة و خلاص ..

المهم حبيبتي أنا اشوف أن احلى صالون في الامارات يسوي مكياج و تسريحات هو صالون (بافان) رووووووعة في فرع في الشارجة الحين فاتحينه جديد على البحيرة و في واحد ثاني قديم في شارع جمال عبدالناصر .. و في دبي بعد في واحد بس ماعرف وين موقعه والله ..
و بالنسبة للحناء عندج صالون القمر بعد روعة في فرع في دبي الممزر مقابل ازياء جميل و في الشارجة بعد بس مادري وين
و بالنسبة للمناكير و البدكير عندج صالون كاريزما في بر دبي خلف لامسي بلازا ..

لكن المكياج عند بافان يووووووه رهيــــــب بالذات لو عندج عرس ..
و بالنسبة للهاي لايت (الصبغة) عندج صالون الحرير في الشارجة دوار سبينيس .. في وحدة ايرانية هناك تسوي هاي لايت روعة ..

شوفي انتي شو بغيتي و اختاري واحد من هاي الصالونات ..
وبالنسبة للفيشل .. يا سلام انصحج ما تسلمين ويهج للصالونات روحي للدكتور ابراهيم كلداري ..
في الكرامة دبي ..

عزيزتي:

للمكياج و تسريحة صالون امورة ( دبي ) صالون بافان مثل ما قالت الاخت بطة ( شارجة و دبي قريب من مركز ابوهيل ) - صالون مورا ( دبي )- مركز الروعة للتجميل ( شارجة )

هاي لايت مثل ما قالت الاخت حرير اكثر من الروعة شغل نظيف و اسعار معقولة

باديكير و مانيكير صالون برواز بمركز الطوار شغلهم نظيف

شوفي أنا احب صالون فال في دبي للمكياج و التسريحات ...تسريحاتهم جدا راقيه و ما تقطع الشعر... اما بالنسبه للتعامل فكل مره انا اروح كنت ألقى راعيه الصالون وهي مواطنه و اسلوبها جدا راقي ......ز بس لي مده ما رحت لهم............. و بعد في صالون اسمه عبله الكل يمدحه... بس تبين الصدق انا ما جربته و مثل ما قالوا البنات مورا معروف و حلو... و في عندج غراشيب بعد في دبي و عندكم صالون مال لندا خليفه جنان حق الصبغه.. و حتى مكياج بس صراحه اسعارها في المكياج ... غاليه و نصيحه كلداري لا تروحين له ...و ارجو ان الاخت اللي كاتبه اسمه لا تزعل مني ....لانه سوى فيه مقلب و خذت سنه اتعالج

ياسيه حبيبتي ..
قوليلي شو بلاه ابراهيم كلداري .. لاني اتعالج عنده عشان ويهي .. عندي وايد حب الشباب .. بس والله كلهم يمدحون في .
كتبلي دواء اسمه روكوتان اذا سمعتي عنه .. و قالي علاجه بيستمر 6 شهور .. و انا الحين اتعالج منه .. والله فاجأتيني ياسيه لان كلهم يقولون عليه دكتور ممتاز و اكثر بعد ..
خواتي و بنت خالتي تعالجت عنده .. و ويهم استوى صافي ماشاالله .. و الحين يا دوري انا ..
شسوي ؟؟

شوفي يا بطه حلوة بقولج السالفه من الاول

هذا الله يسلمج.. ايام ما كنت في الجامعه كانت تطلع لي حبوب في الجبهه من الشمس( الله يرحم أيام المراكض ما بين مخج و القاعات) و ما كنت اعرف اشوه اسوي..... و رحت لدكتور كلداري مثلج ... الكل كان يمدح فيه... مع اني مش من دبي و لا الشارقه و المسافه بعيده..... بس داومت على علاجه و النتيجه كانت روعه اختفى كل الحب ..بس تمت لي علامه وحده في ويهي ... تخيلي علامه وحده بس .. و قالي الدكتور انه بنبدا الكورس الثاني من العلاج... و كتب لي على خلطه اصرفها من عند الصيدليه اللي عنده بالعمارة تحت..... و يوم قالي خلطه ..انا قلت له... دكتور لا تكون تقشير انا ويهي حساس و ما يتحمل,,و راضيه عن لوني ما اريد تقشير و لا تفتيح... المهم قالي لا تخافين و أنا دكتور و أعرف أكثر عنج...اللي حصل اني استعملتها لمدة يومين... و حياتج يومين بس و .............بممممممممم نقع و جهي حب بس مش حب عادي لا هذا الحب المنتفخ اللي يكون مجمع تحته صديد.. و كله وين طالع على الخدود... تخيلي على الخدود... الله لا يراويج الحاله النفسيه اللي كنت فيها و لا شكل كيف صار كل اللي يشوفني يسألني شوه بلاج... و ربعي في الجامعه مستغربين كيف في يومين بس طلع لي هالحبوب.....و خلاص من يومها ما عتبت عيادته..... و اتعالجت عند بروفيسور فرنسي في مستشفى حكومي عطاني حبوب الرتين أ... و استمريت على العلاج سته شهور ... و راح الحب و لكن العلامات ما رضت تروح ظلت علامات باهته ... لكني رافضه اني اقشر أو أسوي فيهن شي أخاف ترجع لي نفس المشكله

شوفي يا بطه انا في البدايه علاجه ناسبني... الصدق حق لكن الخلطه هي اللي لخبطت لي الدنيا فخليج حذره

عزيزاتي

أكـــابـر

بطة حلوة

lamya

ياسيه

الله يجزاكن خير ويبارك فيكن ماقصرتن أبدددد الله يحفظكن