مرحبتين كبار كبر التنكر على القار شلونكم بنات ورد الصبا واناناسة حلوة شخباركم واللة سوالفكم ماتنمل بس الواحد هالايام مو فاضى يحك راسة قاعدة اغير اثاث البيت عقبالكم وبالنسبة للفاشكولالاصلى ورد الصبا لا دورين ما خليت عطار بالكويت ما دورت عندة ومشكورة ياعمرى على المساعدة بالنسبة للصالون بنت مو قادرة عليها بالبيت شلون بالصالون وترى هى صغيرة 5سنوات مهما كلمت فيها ماكو فايدة عكس اختها الثانية يا حياتى اقتنعت ان هاذى طبيعة شعرها وصارت ترضى انى اسويلها خلطات طبيعية ادرى بتقولون قاعدة تكتب قصة حياتها بس واللة من حرتى شسوى اناناسة حلوة حرام اسمج مفقوسة وانت بخفة الدم هاذى قولى لى اذا حصلت ياعمرى الماركة اللى تقولين بالكويت عشان انا كنت استخدم لها ماركة كرستاس بس غالية حيل وما طول بسرعة تخلص على بناتى

كرستاس حلوة بس اذا شعرها جعد يبيلها شيء قوي وبعدين لا تنسين انها صغيرة يعني بتعرق وبتقوم الكشة [Automated by GetSmile]بس ماركة KMS روعه لها بس هم لازم سشوار .... تبين الصج انا دورت ودورت
وافتريت الديرة كلها ولا لقيت الفاشكول اللي البنات يتكلمون عنه الا لما شفت صورته وتأكدت اني ماراح الاقيه بالكويت لان لونه بنفسجي واللي انا شريته ابيض ولما زرت البحرين وانا احوس بمجمع جيان بالجمعية ولا مكود عندهم وين ما تروحين تلاقينه وماركة KMS هم لقيتها بمجمع السيف جدام عيني بس تبين الصج الفاشكول لا يعلي عليه عاد استانست يوم اني شريته
ومشكورين على المدح وااااااااايد استانست
اختكم اناناسه مفقوصة [

هلا وغلا فيكم كلكم باركولييييييييييييييييي الحمدلله على السلامه راحت الريحه بس مو وايد بس خفت لاني خلصت الكورس وافتكيييييييييت مت من الريحه والخياس ولا صادف الايام اللي طافت رطوووووبه على الاخر ما يسوى على اشوف احد يتلفت وعافس وجهه يتروالي شام ريحة شعري وانا بالدوام بس ارش رش من ماي الورد حول مكتبي
يالله كلكم ما قصرتوا معاي وكافي طلتكم علي اللي تشرح الصدر
تحياتي لكم واركم في الكورس المقبل الخاص بالتطويل

انا دايما بعد ما اغسل شعري ابخره وكل ما كان البخور قوي وريحته تظل وما تروح بسرعة كل ما كان احسن

وشصار على جلسات المساج ....؟؟؟؟؟؟؟؟؟؟؟؟؟؟ طااااااف..!!!!!!

يا حبيبي اناناسه انا ماكملت لك عن اللي شفته واللي شفته شيئ عجيب
شوفي انا اول ما دخلت اللي يشتغلون كلهم حريم من تايلاند والاستقبال وايد حلو وطبعا تصب لك شاي اعشاب وتعطيك فوطه مثلجه علشان وجهك اللي شاب مثل الضو من النار اللي بره المهم على ما تجي وحده وتاخذ كل بيانات الصحيه
المهم تدخلك غرفه للتبديل وكلها خزانات وتعطيك الروب وتعطيك تكرمين نعال وتحطهم لك في غرفة التبديل المهم انتي تبديلن واهي تنطرك تاخذ منك ملابسك وتعلقهم لك في خزانتك وتعطيك المفتاح وتسالك اذا تبين تتحمممين او لا وطبعا انا ابي اشوف كلشي فقلت لها لا ابي اتحمم طبعا انا كنت احاتي اللي بتسويلي مساج الله يعينها بتفوح الريحه عدل واهي اللي بتخدر مو انا
المهم وينطرونك من باب لباب وكل وحده تضحك بوجهك والله استنست وايد من معاملتهم لي
المهم دخلتني غرفه وطبعا وانا امشي بالممرات مالتهم والا شا اشوف اهو شمع اهو ورد اهو ديكور ناعم ويوحي بالهدوء وموسيقى ناعمه فيها صوت البحر والطيور والماي شيئ ولا في الاحلام
المهم دخلتني غرفة وطبعا على حسب طلبك يعني اذا انتي طالبه حمام الاعشاب فتدخلك غرفه فيها بانيو كبير ومزهبينه لك
المهم وتوصلني الى غرفتها وتستلمني وحده تنطرني وتقعدني وتحط ريلي في ماعون فيه ماي ورد وحصى انا طبعا وقف مخي وبعدين استلقيت على الفراش وطبعا الغرفه ضوء خافت وموسيقى هاديه وشمع معطر ورد شيئ خيالي وهذا اللي كنت احتاجه بصراحه مع زحمة العمل عندي
المهم تغطي جسمك كله وتبدا بعمليه المساج المهم وانتي مستلقيه على وجهك تخلي وجهك يطل من فتحه في سرير المساج علشان تشمين ريحه الاعشاب من اناء محطوط تحت السرير بالضبط والمهم مساج للرجل والاصابع واليد والظهر والوجهه والشعر وانا نمت الا والمهم لمدة ساعه
وبعدين وانتي غرقانه في احلام تسمعين صوت الجرس ترننننننننننننننن طبعا انا نقزت من الفراش اللي يغربلها وقالت لي خلاص مدام المهم تلبسك الروب وتاخذك الي ممر كله كراسي مثل اللي قاعدين يتشمسون وتجيب لك شاي بابونج جود اني انا ناقصه ثواله المهم وتحط تحت رجلك جهاز المساج للرجل وتجيب لك كيسين فيهم مثل الصدف حار واحد تحطه عند الظهر واحد تحطه حول ارقبتك المهم وجنبك سلة تفاح والموسيقى الهاديه والعطور الناعمة وطبعا انا سمرت وبعدين تقومين تبدلين وتطلعين وتسالك اشلونك اللحين في شيئ ضايقك شيئ من المعامله
ومن كثر وناستي خذيت موعد ثاني بس للوجه راح اجربه واقولك عنه بس والله لا يطوفكم

وسلامتك وتعيشين
نشف ريقي

انزين عاد وين هاللوية ... شكلة شغل عدل وبكم وين واي صوب .... عادي لاتستغربين الاسئلة توني راجعة من الدوام وبروح النادي ..... وبالليل ارد عليك لا تتأخرين

شوفي يا حبيبتي اهو موجود في المهلب في الدور الاخير مع العيادات اللي فوق وبعدين شفتي كل هالخبه كللللللللللها ب 19 دينار يا بلاش كنك ملكه وانتي هناك طلبي منها البروشور وخليها تكتب لك الاسعار علي كل نوع
وبعدين تعالي قوليلي اي نادي انتي فيه واشلونه انا والله من زمان بودي بنادي وقلت اجرب شامبينز بس والله غالي بالشهر 150 بس امدحوه لي والله يا وخيتي زاد الوزن زااااااااد ويبيله حراق
يالله روحي لا يفوتك تراه عجيب وتذكريني وانتي هناك يمرغدونك كخخخخخخخخخ

حبيبتي انا مشتركة بنادي المبرور كويس ورخيص المهم احرق السعرات ولا خلصت رحت غرفة البخار وحطيت هالكريمات وزلقت هالخشه وتسبحت ورجعت البيت دايخة ما ادري وين الله قاطني بس راح اجرب المساج هذا شكله حلو وسعره مناسب على فكرة تري النادي مسوي تخفيضات 4 شهور 50 دينار بس بجمعيات معينة ............ مشكورة على الرد يا حلوة

من صجك تدرين انه صار لي شهر كل يوم وترك عند بركات لاني ما خذه دوره حياكه فيه وامر واطالعه واقول امممممممممم يا ترى اشلونه بس ما كو فايده بعيد علي وايد يعني الدوره هذه مت على ما خلصتها بس والله ببلاش 50 لمدة 3 اشهر مو شامبينز 150 للشهر اه يا القهر
على العموم لا يفوتك المساج لا يفووووووووووووووووووووتك