السلام عليكم ورحمة الله وبركاته
بغيتكم يا اخواتي انكم اتساعدوني في مشكلتي وهي عندي منطقه الفخذ سمينه كثير يعني لو البس اي لبس سواء تنور او بنطلون احس بالفضيحهوهالشي حارمني من كل شي والحقيقه بديت اتعقد من هذا الشي
عطوني الحل كيف اقدر انحف هالمنطقه ؟
في اعشاب او طرق اسويها ؟
مع اني امارس رياضه الفخذ بس ماشي فايده
انتظر ردكم على احر من الجمر
اختكم فاقده الامل

عزيزتي اول شئ ليه تفقدين الامل اذا ربي انعم عليك بالصحه والعافيه كل شئ بعد كذا مقدور عليه اول شئ انت كيف جسمك مليان والا نحيف اذا مليانه فانتي يبيلك برنامج حميه متوازن ومعاه تمشين لان المشي وركوب الدراجه مهم جدا لمنطقه الافخاذ وبعد كذا مااافاد لازم تراجعين عيادة متخصص في السلوليت وهم يعملون لك جلسات وانشالله خلال شهرين بتلبسين كل الي نفسك فيه لان هالعيادات يعملون لك جلسان كهرومغناطيسيه لتكسير الدهون الثابته الي ماتتاثر برياضه او رجيم وهي سبب ضخامه الافخاذ خاصه عندنا يالخليجيات..اتمنى اني افدتك يالغاليه تحياتي

تسلمين يالغاليه عالرد اي انا مليانه واعمل رجيم وامشي ساعه يوميا
ان شالله يكون له فايده

بسم الله الرحمن الرحيم
حياكِ الله إختي الكريمه ..
مشكلتكِ هي شائعه جداً ..
راح أعطيكِ تمرين تعملينه كل يوم من عشرين مره وأكثر كل ما قدرتي ..!

وقفي و قدامكِ كرسي ثبتي رجليكِ مع بعض عدل ... و إرفعي نفسكِ على أطراف أصابع رجليكِ .. و بعدها حاولي تنزلين لتحت وإنتِ فارده ظهركِ , ومع نزولكِ لتحت قدر ما تقدرين تنزلين يعني لا تتعبي نفسكِ ... المقدار إللي تقدرين عليه .. المهم لما تنزلين حاولي تفتحين رجليكِ من الوسط يعني تظل الأقدام جنب بعض و وسط رجلينكِ عند الركبتين هم إللي تفتحينهم ..
و إستمري كذا مع كل نزله لتحت ...
و إن شاء الله إن شاء الله ... ماراح تشوفين نفسكِ إلا خلال كم إسبوع فيه تغيرات ملحوظه ...
إن شاء الله ...
ولكم تحياتي .

الاخت غادة ماتاثر هذه الموجات على اجسامنا احس انها خطره

مشكوره

ya 7elw
ana garabt galasat el ebar el senya haydi we mabetefre2 fe shay2 3aliky bel mashy sa3a youmeyan di 7al ra2e3 nan megarabah m3a regeeem

السلام عليكم
هلا باختي (فاقدةالامل) واتمنى ما تكوني فاقدة للأمل وتتفاءلي بالخير
ذكرتي انك تمارسي الرياضه وانا اشجعك على الاستمرار
وممارسه رياضه المنطقة السفليه للجسم ...وانشاء الله بتوصلين لمناك
بس الاهم هو الاستمرار والتفاءل وعدم اليأس
وبالتوفيق..عزيزتي

اختي فاقدة الأمل اهم شيء لمنطقة الأفخاذ هو الدراجة مو العادية بل الثابتة جربيها اسبوعين وراح تشوفين الفرق