السلام عليكم ورحمه الله وبركاته
ازيكوا كلكو
بصوا انا عندى مشكله وعاوزاكوا تساعدونى بافكاركم المبتكرة
انا ان شاء الله زفافى بعد اقل من شهر...ماشى؟
وانا منتقبه...ومش هنعمل حفله زفاف علشان نقدر نعمله اسلامى
بمعنى اننا ان شاء الله مش هنعمل حفل زفاف
ولكن العريس سياتى ياخذنى من البيت واثناء خروجنا من بيت اهلى ان شاء الله
هنعمل زفه اسلامى مدتها نصف ساعه تقريبا
انا مش عارفة اتصرف ازاى
زى ما قلتلكم انا منتقبه وعادة المنتقبات بيعملوا افراح اسلاميه فممكن يعملوا شعرهم او يلبسوا حجاب عادى ثم يلبسوا حاجة مثل الخمار تخفى الوجه والنصف الاعلى من الجسم حتى يصلوا لقاعه الفرح
اما انا فالوضع مختلف مثل ما شرحتلكم ومش عارفة اعمل ايه
فكرت انى البس ايشارب كبير مطرز ويكون شبه الخمار واحاول ابتكر فى شكل النقاب ولكن حاسه ان شكلى هيكون غريب وكمان مش هلبس تاج ولا طرحه العروسه
وانا بقى هاوزة البسهم
ساعدونى يا بنات العد التنازلى بدأ

سلام يا حبيبتي في الحقيقة انا عاوزة اساعدك بس مش عارف اساعدك ازاي المهم انا عندي شويت موديلات لفساتين العرس للمحجبات انا مش عارفة كيده اكون ساعدتيك ولا لاء المهم اهي الموديلات

شكرا يا نهى على ردك
ربنا يكرمك
الموديلات رقبقة ما شاء الله
لكن المشكله فى الطرحة

البسي الطرحة و فوقها ايشارب كبير يخفي وجهك و الجزء العلوي و أتمنى لك زواج مبارك سعيد

اختي السلام عليكم اولا بارك الله لكم و بارك عليكم و جمع بينكما في خير.وانا منقبة و في عرسي لبست ملابسي الداخلية شيك تم لبست الحجاب الشرعي ابيض و النقاب يعني ليست هناك مشكلة

حبيبتي من لهجتك لاحظت انك مصرية ليه متلبسيش كل حاجه عادي وتلبسي كاب ابيض انا ان شاءالله زفافي بعد كام شهر وحسافر من اسكندريه للقاهرة وحالبس عادي وكاب ابيض ايه المشكله ؟؟

الله ييسرلك امرك يااااااااااارب

الف مبروك
الله يوفقك يارب
مافهمت قصدك
لكن اذا اللي حيضروا الفرح كلهم نساء عادي البسي فستان وطرحه وتاج واعملي ميك اب وشعرك
والعريس لما يدخل اكيد حيدخل لوحده مع ابوك واخوانك فما فيه مشكلة كلهم محارمك
لكن اذا قصدك اذا جيتي تروحي بيت زوجك
فصلي ليك عباية ونقاب والبسيهم وانتي طالعه واول ماتوصلي بيتك اخلعيهم
يعني مثل عباءتك المعتاده للخروج

وعليكم السلام ورحمه الله وبركاته
الحل بسيط وسهل انتى يا جميله اعملى شعرك عادى والبسى طرحه وتاج ليه لأ
والبنات اللى يدخلوا البيت يشوفوكى احلى عروسه ( الرجاله بره ) وخلى زوجك يشوفك قبل ما تنزلى
وبعدين وانتى خارجه ضعى عليكى شىء يسترك من رأسك وحتى ركبك ( هذا فى حال كان الفستان لا يظهر جسمك ) احس النقاب ممكن يلخبط المكياج غطى وجهك تماما بس بدون ما تنتقبى ممكن تشترى قماش الخمار ويكون ابيض وتفصليه زى الخمار بس بدون فتحه للوجه ( اختراع )
اما ان كنتى اخترتى فستان يظهر جسمك (مكسم) اشترى زى عبايه او كاب برضه بيضاء والبسيها تدارى الفستان وبرضه الشىء الغير شفاف اللى يسترك
وطرزى اللى يعجبك وممكن تأخذى من نفس وحدات الفستان تبقى طقم جنان
بس انتبهى لنزولك السلم ارفعيه امامك بحيث ترى السلم ( احسن تدعى عليا ) بحيث لا يراكى احد
وعلى فكره ما اقوله لكى ليس من اختراعى شاهدت منتقبات جميلات زيك وعرايس وزى القمر
وان شاء الله يتم عليكى بالف خير ويجعل حياتك خير وسعاده فى كنف زوج يخاف الله ويرزقك بالذريه الصالحه

ربنا يتمم بخير

الف الف مبروك بصى يا ستى انا عندى فكرة اكيد انتى شوفتى عرايس كتير بعد تسريحة الشعر والتاج بيكونوا لابسين الطرحة التل الكبيرة وبياخدوا طبقة منها يغطوا بيها الوجهه ولما بيجى الريس بيرفع الترحة من على وجه العروسة حلو الكلام...
احنا هناخد الفكرة دى ونضبطها ..قولتيلى ازاى
* هاتى ترحتين تل كبار ومطرزين عادى وحاولى تبطنيهم لان التل شفاف .
* هاتى التاج اللى نفسك فيه يا قمر .
* خلى الكوافيرة تعملك التسريحة وتركب الطرحة الاولى عادى كأى عروسة ( يعنى التطريز للخارج ) .
* ثم تركب التاج .
* بعدين تقف امامك وتركب الترحة التانية بنفس الطريقة الاولى بس فوق وجهك ( التطريز برضه للخارج علشان يكون باين )
* خلصت الكوافيرة الترحتين و التاج ... تقلب اللى فوق وجهك للخلف لحين ما يشوفك العريس .
* ولما تيجى تنزلى للناس والزفة تيجبها تانى لقدام .
يا رب اكون افدتك ولو عاوزة اى استفسار انا فى الخدمة وربنا يوفقك...........