يارب عقبال كل حامل تقوم بالسلامه بولاده سهله كان معاد ولادتي المتحدد 19\1/2011و ده اول حمل ليا بعد سنتين ونص جواز يوم السبت8/1/2011 بليل مشيت شويه بس كان مشى خفيف لاننا كن بنتسوق
و لما رجعت البيت كنت فتحه التجمع و بكلم مع جيهان
و حسيت بوجع في عضم الحوض
كنت بحس بيه قبل كده
بس كان المره دي جامد لدرجه اني قمت من على الكرسي و مستحملتهوش بس كان مره و راح فستاذنت و قمت نمت و كنت يشرف سفن اب سعتها
و نمت و على الفجر صحيت معدتي مقلوبه و رجعت الاكل اللي في معدتي و كل منام او اتحرك معدتي تقلب عليا
و رجعت تقريبا 5 مرات و ماما كانت عملتلي نعناع برده رجعته و بقيت ارجع العصاره و كنت تعبت قوي و كان عندي اسهال (اسفه قرفتكم)
ماما قلتلي ممكن يكون طلق ...قلتلها ده طلق غريب قوي ازاي يعني ده مجرد ترجيع و مصدقتش لاني كنت متوقعه ان السفن اللي شربته سائع بليل عملي برد في معدتي
و حاولت انام بره على كرسي الانتريه وانا اعده بس مفيش فايده
و جوزي راح الشغل و كلمته كان لسه واصل قلتله يسال الدكتور اللي عنده الموضوع مستاهل اروح للدكتوره فقله روح انت مش خسران حاجه علشان تطمن
و كلمت دكتورتي برده قلتلي لا عادي اسهال و ترجيع
المهم قلت لجوزي لا تعالى نروح المستشفى انا مش قدره
و رحت وماما معايا و جوزي بس على اساس ان معدتي تعباني بس
كان اساسا معادي يوم التلات في المستشفى
فقلتلي مدام مش معادك النهارده اللي هو كان يوم الاحد روحي الطوارئ
رحنا و دخلت بسرعه الحمد لله
و عملت تحليل بول علشان تشوف الترجيع عملي جفاف ولا لأ
و قاست الضغط و الحراره
و استنيت الدكتوره لحد ماجت و كانت مرعبه
قلتلي انت جيه ليه قلتلها عندي ترجيع و اسهال و عرفت اني في التاسع
فقلتلي لازم نكشف لان سعات الاسهال بيكون من علامات الولاده طبعا انا لسه مش مصدقه
و طلعت فوق و دخلت مكان كده لوحدي ماما و جوزي ممنوع
لقيت الممرضه بتديني لبس المستشفى اتسرعت هههه لبسته
و دخلتني اوضه نمت و جت الدكتوره المرعبه و كشفت نسا
و قلتلي الرحم مفتوح 4سم بس مكنش في اي الم
انا افتكرت هروح لان مفيش الم
لكن لقيتهم بيعلقوا الجلوكوز و حطوا جهاز قياس نبض الجنين على بطني... الموضوع دخل في الجد
و تقريبا كانت الساعه 11 الصبح و ماما دخلتلي و هونت عليا
و قلتلي هيروحوا يجيبوا الشنطه اللي كانت لسه مكملتش هههه
و اتاخرو قوي عليا وانا نايمه مش مصدقه و اعدت اقرى قران و افتكرتكم
و بعدين ماما جت و اعدت معايا شويه
و بعدين الممرضه ادتني حقنه غبيه جدا مع البتاع اللي متعلق ده
و بدا وجع في بطني من تحت الم ثابت و الممرضه طلعت ماما بره
كنت مرعوبه جدا
و الممرضه فضت كيس الميه بايديها ...الحمد لله
انا بصراحه مش فكره امتى بالضبط لاني كنت فقده الزمن
و لما الوجه جالي اعدت اعيط زي الهبله....هههه
و جتلي دكتوره ربنا يكرمها طيبه جدا و ااعدت تهون عليا و قلتلي ادعي
ياخالق النفس من النفس، يامخلص النفس من النفس، يامخرج النفس من النفس خلصني
و كنت دايما باستغفر و اقرى سوره الزلزله و اقول اللهم لاسهل الاماجعلته سهلا انك تجعل الحزن ان شئت سهلا
و بدأ الطلق و كان حوليا حوالي 5 ممرضات اعدين يرغوا و انا مش طيقه اسمع صوتهم وبتالم
بس يبحان الله ربنا رحيم جدا يعني لما بترتاحي بين كل طلقه و التانيه
مبتكونيش مصدقه ان انتي من ثواني كنت بتتالمي
و فضلت كده لحد ما الرحم ما بقه 10 سم
و جت الدكتوره و بدات اخر مرحله في الولاده و انك تدفعي
و بجد لازم يا بنات تبقوا عارفين لازم يتخدي نفس اول ما تحسي ان الطلقه هتيجي
لان الدفع بيحتاج انك تكتمي نفسك و كانك بتعملى حمام بس لازم تطولي على قد ما تقدري و تكتمي نفسك
لان لما الطلقه بتخلص بتعيدي نفس الحوار من الاول
و الحمد لله الممرضات كانوا بيسعدوني و الدكتوره
بس بجد الوحده لازم تساعد نفسها علشان متطولش
انا في الاخر تعبت قوي و بقيت شايفه كل اللي حوليا اتنين
و الالم زاد عليا اكتر من الاول
و لما الدكتوره قالت ايوه ايوه خلاص الراس اهه بانت و حسيت بحاجه بتتسحب مبقتش مصدقه وشوفت نور عيني سوسو و كانت الساعه تقريبا 5 المغرب
و بعدين المشيمه الدكتوره شلتها و نضفت جوه
و بدأت الخياطه ببينج طبعا كان في الم بس
يعني خلاص كل الالام بتهون بعد كده
و نمت يومين بالمستشفى و رجعت يوم التلات
عقبال كل حامل بولاده سهلهو يرزق كل زرجه بذريه تامه الخلق و الخلقه
الروابط المفضلة