الحمد لله تمت على خير الولادة ورزقت بعبد الرحمن الله يحمية الدكتورة يوم الولادة قالت انى لا احتاج لمانع حمل حتى لا نلعب فى الهرمونات
لكن قالتلى تعالى اليوم 40 من الولادة
فعلا ذهبت لها
اتفاجات انها كتبت لى برشام منع حملة اسمة ميكرولوت
وقالتلى انة يتاخد بانتظام دائما حتى اثناء الحيض
استمريت علية 10شهور تقريبا وحسيت بالم عند جمبى اليسار مستمر
بصراحة خوفت جدا وحسيت ان فى مشكلة وفعلا عملت سونار اتاكدت من وجود كيس عالمبيض الشمال تانى
ولما رجعت للطبيبة الله يسامحها قالتلى كيف تناولتى هذة الحبوب وهى لا تناسبك ؟؟
قلتلها حضرتك اللى كتبيبهالى
قالتلى طيب خير هنوقفها وناخد حبوب مارفيلون
قلتلها ماشى
وهى قدمتلى اول شريط هدية وقالتلى هكررة 3شهور
طبعا بعد اول شريط ما خلص بحثت عنة فى كل مكان لم اجدة وعرفت ان انتاجة توقف منذ فترة كبيرة وراجعت الشريط كان باقى شهر من الصلاحية
اتصلت حكيت لها قالتلى تعالى العيادة اكتب ليكى اسم برشام تانى
بصراحة قالت كدة حسيت انها استغلالية جدا ومن وقتها مذهبتيش ليها نهائى
وذهبت لطبيبة تانى جربت معايا منشطات شهرين ولم يحدث حمل
وذهبت لطبيبة تالتة ادتنى مضاد حيوى وبعدها بشهرين قالتلى الكيس اختفى رغم انى كنت شوفتة عالسونار بس قلت اكيد هى مش هتكدب عليا
ولما الحمل اتاخر طلبت منى اشعة صبغة
وعملتها
وذهبت لها قالتلى انى اعانى من التصاقات حولين الانبوب اليمينبيبمنع الانبوب من التقاط البويضة وكيس دم عالمبيض الشمال يمنع خروج البويضات
يعنى مفيش حمل هيحصل الا لو عملت منظار او حقن مجهرى
انا اتصدمت جدا وقلت مستحيل الحقن لانى حملت طبيعى وزوجى الحمد لله سليم
لكن الدكتورة كانت مادية جدا وحاولت تقنعنى بالحقن بحجة ان نتائجة مضمونة رغم انى قلتلها انى اعرف ناس فشل معاهم
قالتلى خلاص نجرب منشطات شهر لو محصلش حمل نعمل حقن
بصراحة اضايقت لانى اعرف المنشطات مدتها عالاقل 4 او 6شهور علشان تحكمى مش شهر بس
وقررت مش ارجع لها تانى
تابعونى هقولكم باقى التجربة المشاركة الجاية
الروابط المفضلة