السلام عليكم ورحمة الله وبركاته
يارب كل اخواتي في المنتدى يكونوا بالف خير وصحة من رب العالمين
والله يا حبيايبي انا داخلة افضفض معاكم
لاني تعبانه كتييييييييييييير
والله ما كنت حابة اشكي غير لرب العالمين ,,, بس التعب كبير اوي ومعنديش حد اتكلم معاه ,,
المهم الحمد لله حملت على اللولب ,,, الدورة اتاخرت عليا شهر وكانت الدورة اللي قبلها اتاخرت شهرين فروحت كشفت وعطتني الدكتورة دواء ينزلها وتاني مرة لما اتاخرت اخدت الدوا من نفسي لكن ما نزلتش وروحت حللت وطلعت حامل
زعلت في الاول شوية لاني مكنتش عايزة احمل لاني بتعب في حملي واعصابي بتتشدد غير الولادة القيصيرية لكن حمد ربنا والحمد لله
روحت اشيل اللولب الدكتورة قالت ممكن لو شيلناه يحصل اجهاض قولتلها كله على الله ووهو الاحسن طبعا انه ينشال لكن للاسف لقيت الخيوط بتاعه مش ظاهرة وقالت مقدرش اشيله كده,,, ولو حاولت اشده من الداخل هايحصل اجهاض وده طبعا مقدرش اعمله,,, المهم خلاص اتوكلت على الله انا وزوجي وقولنا يارب ارزقنا ببنت حلوة لان عندنا ولدين,,,,
في نفس اليوم اتصلت بيا الدكتورة من المستشفى وقالت طالبين اني اعمل التحاليل مرة تانية لانه في شك اني عندي فيروس سي الكبدي يااااالله ,,, الدنيا لفت بيا والله وروحت عملت التحاليل مرة تانية ولسة لغاية دلوقت ما طلعتش النتيجة,, هي مستشفى حكومي بس ما شاء الله كويسة جدا لكن المشكلة في المواعيد,, وانا اصلا لما مكنتش عارفة اشوف طبيبة نسا في المشفى الحكومي روحت خاص قبل ما اعرف موضوع الفبروس الكبدي علشان اشيل الللولب في اقرب فرصة وهي كمان طلبت تحاليل ,, روحت اشوف نتيجة التحاليل في الخاص لاقيته انه فيروس بي الكبدي الوبائي والدكتورة بتقول خامل,,,,
مبقتش عارفة اعمل ايه ,,,, انا لسه مستنية نتيجة تحاليل الحكومي لان الدكتورة قالت انهم هايحللوه باجهزة جديدة ومعقدة شوية,,
دلوقت ربنا العالم بيا ,, مش خوف من المرض لا... لكنه خوف على الجنين ,,, خايفة لدرجة الرعب ومش عارفة اعمل ايه فكرت انزله وسالت دكتورة النسا قالت انه ممكن ما يتنقلش,, بس انا خايفة بجد
خوفت احكي لاهلي لانهم مش هايتحملو فكرة تعبي خايفة عليهم ,,, بس انا هانزل مصر طبعا علشان الولادة انا مش هاقدر اولد هنا لوحدي,,,واكيد هايعرفو
اخواتي بسالكم بالله تدعولي,,, يارب التحاليل تبقى كويسة وعلى الاقل ياااااااارب يكون الفيروس خامل
وتدعولي كمان ان الحمل يااااااااااارب يكون كامل عقليا وجسديا ومعافي من اي مرض ويكمل حملي على خير ,, ولو ربنا كاتب انه غير كامل بسال ربنا انه ينزله,,,
قريت طبعا في حكم الاجهاض واني ممكن انزله حتى بنفسي بس مقدرتش ,,,, خوفت من ربنا وبعدين ده حتة من لحمي حتى لو لسة كيس حمل لكن حبه اتولد في قلبي,,,,
يااااااااااااااااااااااااااارب ساعدني ياااااااااااااااااااااارب
اسفة على الاطاله,,
جزاكم الله خيرا
الروابط المفضلة