كتبت بواسطة
ميرو أحمد
السلام عليكم و رحمه الله و بركاته
وحشتونى يا حلوات انا الحمد لله دلوقتى بقيت احسن بس عايزه اسأل البنات اللى عملوا المنظار
انا اول يوم كان بينزل دم و بعدين تانى يوم بقى اهدى بس من امبارح الفجر و انا حاسه ان فى مياه بتنزل منى
كل شويه مش عارفه ده عادى و لا ايه هى مياه لونها بمبى او بنى خفيف
زى المخلوطه بدم و مش عارفه ده طبيعى و لا ايه ياريت تطمنونى
عموما انا و الله مشغوله جدا لان حماي الله يشفيه لسه برده حاسس بألم و قلقان جدا
و اخر حاجه نزلت معاه الصبح عمل تحليل دلالات اورام علشان نطمن اكتر
و كنا اتفقنا انا و زوجى نسافر السبت الجاى علشان اجدد الاقامه و ارجع على ميعاد العمليه
بس تعب حماى خلانا اجلنا التفكير لحد ما نروح السبت للدكتور بنتيجه التحليل و نشوف بعدها الامور هتكون ايه
المشكله ان الاقامه علشان تتجدد محتاجه على الاقل 10 ايام و مش عارفه ايه اللى هيحصل ربنا يحلها من عنده
و امورنا تتحل زوجى تعبان نفسيا جدا و عايز يسافر ينهى عمله و يبيع السياره و يرجع نقعد مع اهله
المشكله انتم عرفين الوضع فى مصر و كان صعب ناخد حمايا و حماتى معانا السعوديه لان الدكاتره اللى متابعين الحاله
موجودين هنا و مش عارفين نفكر خالص خصوصا ان حمايا بيقول لزوجى سافر و شوف امورك و احنا لينا ربنا
طبعا ربنا موجود و كل شىء بأمره بس تخيلوا تأثير الكلام على زوجى
انا عايزاه يرجع يقعد مع اهله خصوصا انهم كبار فى السن و محتاجينا لان زوجى الولد الوحيد عندهم و عندهم بنت تانيه
و مفيش غيرهم و ان عارفه ان مفيش شغل هنا و زوجى مش بيستحمل القعده من غير شغل
مش عارفه اعمل ايه يا بنات ربنا يحلها من عنده و يكتبلنا الخير
معلش شغلت بالكم معايا بس سامحونى و اعذروا قله دخولى و ادعولنا ربنا يكتبلنا الخير
و نطمن على حمايا ان شاءالله و نقدر نوفق بين الشغل و احتياجات اهلنا
بسنت يا حبيبتى ربنا يكتبلك الخير و نفرح بحملك ان شاءالله و نطمن عليكى
ميرو الله يقويكي ياعمري ويعطيكي انتي وزوجك ثواب رعاية والديه باذن الله
الله يديبر الامور ياارب وان شاء الله ربي راح يجبر بخاطركم هالمره اكيد ثقي بالله حبيبتي ويكرا بذكرك ان شاء الله
مادامك انتي زوجك قايمين برعاية والديه سدقيني ربي راح ييسرلكم اموركم ان شاء الله وراح يجبر بخاطركم ياكريم يارب العالمين
قولي يامدبر الأمور دبرلي أمري فأني لا احسن التدبير
وبالنسبه للمنظار انا عملتو ياعمري ومانزل مني اي شئ بفضل الله الحمدلله
بس يمكن ينزل منك دم او مياه لو شالو زوائد لحميه كانت موجوده بالرحم او شئ
لان هالشي حصل مع صاحبتي
وربي يباركلك في خطواتك يارب وييسرلك امورك ويطعمك بالحمل الثابت التام ويغنيكي بفضله عمن سواه
الروابط المفضلة